مناقشة وظائف المدارس الاهلية في الرياض للبنات فقط

احلامطلعت · #11 (**permalink**) 02-11-2010, 07:48 PM

جزاك الله كل خير

وهَـجْ ~. · #12 (**permalink**) 03-11-2010, 01:45 AM

معقوله مآفي مدآرس تحتآج إدآريآت !!

عاليةالهمم · #13 (**permalink**) 03-11-2010, 07:17 AM

اقتباس:

المشاركة الأصلية كتبت بواسطة الصمت حكم

الله يوفقها الي توضفني ابغى وظيفة اي شي معي تخصص دراسات اسلامية وبعطيها 5الاف ريال والله على ماقول شهيد

!!!!

انتي مستوعبه اللي تقولينه؟؟ لايضحكون عليك الناس فرضا تتوسط لك وحده وتاخذ منك 5000 وبعد شهر تلغي عقدك

ترى القطاع الخاص ماتقدرين تملين يدك منه يمكن حكومي اقولك ممكن وانتي اللي من نفسك تقولين اعطيك مبلغ كذا اما هو يتشرط بتدخل بالرشوة

انتبهي وانا اختك لايلعبون عليك العالم بعدين ماشاء الله 5000 مره وحدهوقطاع خاص!!

والله ضقت يوم قريت ردك حسيت انك مررررره محتاجه تطلعين مليتي من جلسة البيت شوفي قلبي اذا تبين تطلعين روحي لدور التحفيظ وقولي لهم بشتغل عندكم براتب بسيط يوصل 500 اذا كان همك انك تطلعين من البيت اما اذا كان قصدك الراتب دوري ياقلبي ولاتقعدين او يلعبون عليك بعض الناس اللي مايخافون الله

شوفيني انا دراسات اسلامية وخبرتي 7 سنوات من غير الدورات ووبذمتي ولد يتيم الاب وصارلي سنه وانا جالسه ولا لقيت وظيفة اما بقلعة وادرين وراتب مايسوى يروح كله نقل والا يطلبوني واشرح واقضب الباب ولا حس ولا خبر

ولا يأست من رحمة ربي ، لاتضعفين وتفتحين باب لمن يستغلك

وانا اختك فوضي أمرك لربك وارفعي كفيك وقولي يارب من لي غيرك اشكوا له ضيق حالي ياميسر الامور يسر أمري والله يفرج همك وهمي ويرزقنا من واسع فضله

غربت السنين · #14 (**permalink**) 03-11-2010, 09:29 PM

كم تتوقعون راتب مديرة مركز دواميين 9 ساعات باليوم الي عندها خلفية ياريت تجاوب واذا الراتب يكون 3500 تتوقعون تسوى الدعوة او لاء

نهر المحبة · #15 (**permalink**) 04-11-2010, 12:36 AM

بنات عندي يوم السبت مقابلة في التوجيه ...
الي سوت مقابلة من قريب وتخصصها دين ..
ياليت تعطيني خبر عن نوعية الأسئلة واللذي منه ..
انتظركم إلى يوم الجمعة ..

عاليةالهمم · #16 (**permalink**) 04-11-2010, 09:38 AM

اقتباس:

المشاركة الأصلية كتبت بواسطة غربت السنين

كم تتوقعون راتب مديرة مركز دواميين 9 ساعات باليوم الي عندها خلفية ياريت تجاوب واذا الراتب يكون 3500 تتوقعون تسوى الدعوة او لاء

والله ياقلبي على حسب المركز بعض المراكز اللي قويه 4000 الى 5000 بس اللي وسط حلو 3500

توكلي على ربك بس بالله عليك اذا صرتي مديرة لاتنسيني اذا فيه مجال لتوظيفي

عاليةالهمم · #17 (**permalink**) 04-11-2010, 09:51 AM

اقتباس:

المشاركة الأصلية كتبت بواسطة نهر المحبة

بنات عندي يوم السبت مقابلة في التوجيه ...
الي سوت مقابلة من قريب وتخصصها دين ..
ياليت تعطيني خبر عن نوعية الأسئلة واللذي منه ..
انتظركم إلى يوم الجمعة ..

شوفي ياقلبي اول شي خذي دفتر العائله + حسن السيرة والسلوك + وثيقتك للمطابقة بالاوراق

بعدين اذا دخلتي أسألي وقولي وين وحدة العلوم الشرعيه

اذا كنتي بتوجيه غرب الله يكون بعونك انواع التعقيد بس اذا بالجنوب او الشمال او الوسط حلو اما شرق والله مااعرف عنهم اي شي

المهم اذا دخلتي خليك واثقه من نفسك وقولي لهم ابغى اسوي اختبار موافقه بيقولون لك تفضلي

ثم تجلسين ويجونك ثنتين ويقولون افتحي على سورة كذا واقرأي ثم يشوفون مخارجك والتجويد وصوتك بعدها يقولون استخرجي حكم او يعطونك اية ويقولون وش الحكم اللي فيها <<<اذا توجيه غرب لاتجين عند ثنتين سمرات انتبهي عسرات الله يهديهم بس مااعرف اسمائهم كنت اشتغل بكذا مدرسة بغرب الرياض وكانوا اللي يروحون يختبرون يجون وهم منهارات منهم لأن ولا وحده اجتازت عندهم ياحياتي عليهم يكررون الاختبار بعد محاولات ويروحون ويتحاشونهم عشان يجتازون انتي دوري غيرهم وحاولي ماتكلمينهم عشان مايختبرونك

المهم بعدها يسألونك أسأله مثلا ماهي مراتب الدين او اذكري انواع السحر اسئلة على حسب المرحله اللي تعطينها بعدها يسألونك ماهي الاهداف السلوكيه او كيف تشرحين او كيف تحضرين ومن هالاسئله

انتي بس قولي لي انتي بغرب لأني بدور لك اسماء اللي عسرات بتوجيه غرب واجيب لك اسم الحبيبات

اما توجية جنوب اختبرت عندهم ياحلوهم يوم جيت قالوا افتحي على اي سورة واقري وقريت ثم سألوني سؤال بالمنهج ثم قلبناها سوالف لأن يدي كانت مكسورة وجبت طاري ولدي ان جسمه ضعيف وقالت لي وحده منهم بجيب لك رقم وحده تعطي عسل يسمن الاطفال وخذت رقمي عشان ترسله لي ويوم جيت بقوم قلت لهم وش صار على المقابله قالوا خلاص اجتزتي