سمعتو اخر نكته اقصد خبر
بنت خالتي راحت لمدرسة بنتها كان فيه مجلس امهات يوم راحت تسال عن بنتها تقول والله استحيت وطلعت ماسالت عنها لان المدرسات الي يدرسون بنتها هم نفسهم الي درسوها خخخخخخخخخخخخ

الله يرزقنا يارب ارزقنا يارزاق ياذي القوة المتين

والله نسيت احكي لكم..اختي مدرستها سألتها تعرفين فلانة الفلاني؟ قالت: ايه , تصير اختي.. قالت الأستاذة ما شاء الله كانت اشطر وحدة عندي وطلعتي عليها..بالله سلمي عليها.. وقامت تاخذ اخباري من اختي.. تصدقون عاد انها درستني وانا رابع ابتدائي حتى بنتها كانت تدرس معنا والمشكلة انها ذيك الأيام كانت كبيرة بالسن يعني الحين اشلون بتكون اكيد جدة وعندها احفاد... هههههه

الله لنا ويسهلها علينا ويرزقنا الخير

الله ييسر احس جداره بتقش كل المدرسات القديمين ولا انتم وشرايكم؟؟

لاوالله ماضنيت

بنات تكفووون ساعدووووووني
اللي بتروح تقدم على المدارس الاهليه بالرياض ياليت ترسلي رساله خاصه بعطيها معلوماتي تسجلني معها
وضعي مايسمح اطلع وغير جتني نفسيه من قعدة البيت دموعي اربع الله يوفقها ويجزاها خير اللي بتساعدني
وله نص الراتب اول مااستلمه والله على مااقول شهيد
ولكم دعوه بااخر الليل

التخصص:
شهاده الثانوية العامه القسم الادبي
شهاده دبلوم حاسب آلى سنه تخصص تقنيه مكاتب
الدورات :دورة انجليزي مستوي مبتدي واول وثاني
المدينه:الرياض شرق او شمال
الخبرات:بدون خبرة لكن اقدر اثبت قدرتي
العمل :ادارية او مراقبه او مدخله بيانات او كاتبه او سكرتارية او موظفه استقبال في مدارس او معاهد او دور تحفيظ
وظائف اداريه في دور تحفيظ او مدارس او معاهد اهليه تقولي ع خاص انتظركم محتاجه وظيفه عاجلا لظروف خاصه جدا انتظركم

العجايز ردد ياليل ما طولك حنا وياهم والزمن طووويل

الله المستعان لا تقلبون المواجع

صباح الخير يابنوتات .. والله يرزقني وياكم الوظيفه الرسميه ان شاء الله عاجلا غير اجل

اشوفكم شابين في هالمدرسات العجايز على قولكم .. اتركوهم في حالهم عشان ربي يرزقكم ( صفوااا النيه ) والله حرام اللي تقولونه فيهم

بعدين هم من اول تعبوا ودرسوا واجتهدوا وربي رزقهم ..

تخيلوا ان امكم مكانهم والا انتي ان شاء الله بعد 30 سنه وصرتي بنفس الموقف

والبنات يناظرونك على وظيفتك بحسد .. والله حرام هذا رزقهم .. مو هم اللي خرجونا والا نسينا فضلهم

والله اني اعرف اكثر من وحده باعمارهم .. ماتقاعدوا ولا ودهم يتقاعدون لان عليهم قروض واغلب امورهم بالحياة وامور عيالهم هم مسئولين عنها

انا اقول اتركوهم عنكم .. ترى السبب اننا ماتوظفنا رسمي من الله مو من احد ثاني .. فيه حكمه من الله مانعرفها
وصدقوني لاجا الرزق مااحد بيرده ولا بيدخل فيه

طبعا كثير منكم بيتضايق من كلامي بس هذي وجهة نظر حبيت اقولها ..

وكثروا استغفار وقراءة سورة البقره يوميا والله ان لها فوائد جمه ماتعرفونها لين تشوفون اموركم متيسره بشكل ماتوقعتوه..

والله يوفقنا وياكم والمسلمين اجمعين

تحياتي