مناقشة وظائف المدارس الاهلية في الرياض للبنات فقط

روح مطير · #**3171** (**permalink**) 08-08-2011, 05:42 PM

[QUOTE=دمعة غلا;5021489]

اقتباس:

بس مدري ياخذون نسبة من اول راتب لك او يكتفون ب200
لان فيه شركات توظيف تطلب 45 ونسبة من اول راتب

ياخذون من أول راتب بنسبة 10%

روح مطير · #**3172** (**permalink**) 08-08-2011, 05:50 PM

اقتباس:

المشاركة الأصلية كتبت بواسطة خريجه تغذيه

السلام عليكم
معاليش اختي حبيت اسال الللحين شركه حصاد المستقبل ادق عليهم واعطيهم بيياناتي وهم يبحثون لي عن وظيفه

بس قبل تدفعين لهم 200ريال وياخذون من راتبك -شي كثيير-اذا كانت الوظيفة في قطاع خاص والنسبة تكون أكثر بزيادة اذا وظفوك في قطاع حكومي

نصيحة لوجه الله..
شركة حصاد المستقبل سمعتها في وسائل الاعلام سيئة جدا

انصحك تقدمين على شركة كفاءات المستقبل وطبعا مع دفع الرسوم والنسبة من أول راتب فقط 10%

دعواااتك

روح مطير · #**3173** (**permalink**) 08-08-2011, 05:54 PM

أم ولودي...جزاك ربي الجنة وما تتمنين

هواء السعودية..الله يرزقنا جميعا الوظائف اللي تريحنا عاجلا غير آجلا

دمعة غلا · #**3174** (**permalink**) 08-08-2011, 07:05 PM

اقتباس:

المشاركة الأصلية كتبت بواسطة هواء السعودية

على طاري امير الشباب , الأن الدولة " الملك" أمر بأن يكون الحد الأدنى للرواتب 5600 ريال من يكونون هؤلاء حتى يتحكمون فينا

طبعاً أنا رجل قالي الأخ صاحب المدرسه جدد ب 4000 ريال قلت معصي 5600 ريال لو ينقص ريال والله ما وافق ...

فاللي أريده منكم ايصال صوتنا للملك حفظه الله تعالى وعدم السكوت عن حقنا ...

أنتم يالبنات صوتكم يوصل اسرع للملك فأرجو عمل تجمع لكم لأن رواتبك صراحه تفشل القريب قبل البعيد

هذي نصيحتي لكم .

ونعم النصيحة .. جزاك الله خير يا اخوي .. يالله بنات لازم نتحرك نسوي شئ ماصار هالظلم عيني عينك
امر ملكي ب5600 ويجينا اقل مايصير
خنسوي تجمع وخلونا ندخل تجمع معلمات المدارس الاهلية في الفيس بوك ونتكلم
فيه تجمع كبيييييييير مرة بس ما اعرف استخدم هذا الموقع
اللي تعرف الله يوفقها تدخل وتعطينا رابط التجمع وخلونا ندخل وندعم بعضنا

يالله يابنات خلونا يد وحدة وقلب واحد .. ترى يد وحدة لحالها ماتصفق

راجيه خير · #**3175** (**permalink**) 08-08-2011, 07:19 PM

اقتباس:

المشاركة الأصلية كتبت بواسطة هواء السعودية

على طاري امير الشباب , الأن الدولة " الملك" أمر بأن يكون الحد الأدنى للرواتب 5600 ريال من يكونون هؤلاء حتى يتحكمون فينا

طبعاً أنا رجل قالي الأخ صاحب المدرسه جدد ب 4000 ريال قلت معصي 5600 ريال لو ينقص ريال والله ما وافق ...

فاللي أريده منكم ايصال صوتنا للملك حفظه الله تعالى وعدم السكوت عن حقنا ...

أنتم يالبنات صوتكم يوصل اسرع للملك فأرجو عمل تجمع لكم لأن رواتبك صراحه تفشل القريب قبل البعيد

هذي نصيحتي لكم .

ماشاء الله انتم يالرجال تاخذون حقكم

بس حنا يالبنات لاعبين علينا لعب لحد الأن يوقعون العقود على 1500 و1800 واذا صارت المدرسة كريمة جدااا 3000

ريح النفل · #**3176** (**permalink**) 08-08-2011, 09:05 PM

بارك الله فيك ياخوي تصدقون إن المدارس الأهلية توظف المعلمين والمعلمات وتعطيهم 1500أو2000أو3000 وهم ياخذون الدعم من الموارد يعني تخيلو 5600 بيعطونكم 2000 والباقي لهم يعني 3600بحسابهم يعله سم إن شاء الله في بطونهم أنا جيت بقدم على مدرسة لكن يوم كلمت قالي صاحب المدرسة الراتب 2000قلت طيب الملك أمر ب5600 قال حتى لوفيه دعم ماعندي استعداد أدفع الراتب كامل يعني يبي ينصب علينا يعطينا ألفين وياخذ 3500 رفضت والله يرزقنا بالدفعة الرابعه بجدارة التحطيم

مرجانة نجد · #**3177** (**permalink**) 08-08-2011, 09:17 PM

رحت امس مقابلة لمدرسة دار المعارف .. كانو حاطين بهالمنتدى رقمهم ..

دقيت عليهم وسألت عن الراتب قالت تعالي اشرحي و بنتفق !

رحت وكانت قبلي وحدة تخصصها رياضيات و بعد ماشرحت وخلصت اتفقت معاها تجيها وتجيب شهاداتها و الراتب 1800 !!!!!

بالله اجل كم بتعطيني ( لغة عربية ) .. حتى مارجعت سألتها كم رواتبكم من القهر .. نصبر كم شهر وبناخذ 2000 العاطلين ابرك اجل ..

اصلا من دخلت المدرسة ما ارتحت و كملوها برواتبهم ..

بنات لحد الآن ماسمعت ولا مدرسة تعطي راتب 5600 هو الأمر طُبق اكيد ؟؟ أو مثل الوظايف ؟؟ والله يستر بعد من مكافأة العاطلين لاتصير مثل ..

أرض وسماء · #**3178** (**permalink**) 09-08-2011, 01:34 AM

يالله
وبعدين يعني
وش نسوي عشان يدفعون لنا رواتب مثل اللي امرهم فيها الملك !!

ياربي اصحاب هالمدارس مايخافون الله !!!!!
الريال اللي يخاذونه من ٥٠٠٠ هذي حرام عليهم

أرض وسماء · #**3179** (**permalink**) 09-08-2011, 01:41 AM

بنات

اللي ارسلوا لكفاءات المستقبل
وش ارسلتوا لهم مسميات الوظيفة ؟!

أبي ارسل لهم ولاىعرفت وش اكتب :/

هاجس افكاري · #**3180** (**permalink**) 09-08-2011, 02:17 AM

يالله ولاندري وش نسوي في هالمدارس الاهليه
الحين نبي نرضى بالرواتب القليله عشان الخبرة وبنفس الوقت تعب ومشوار على راتب مايسوى

يعني سهلو لهم الامر بدفع نص الراتب ليه ؟ حرامينا حقوقنا لاحول ولاقوه الابالله

الله يسهل امور الجميع