مناقشة وظائف المدارس الاهلية في الرياض للبنات فقط

صار خصمي · #**3231** (**permalink**) 15-08-2011, 05:54 PM

روح مطير يعنى ماتعرفين هالشركات نصب في نصب ال 200 هن اولى فيها واذا على الوظائف ترى يابنات يجيبون لكم في اهليه او موظفة استقبال في مراكز اهلية يعنى وفروا فلوسكم وانتم ارسلوا محد يعرف مصلحتكم كثركم وانتى ياروح مطير يختى مو تشكيك فيك بس ترى تورطين البنات بمثل هالشركات الغير مرخصة يمكن انتى مندوبة لهم او شئ او مصدقتهم بس ترى مايجيبون غير الغث فحبيت انصحكم يابنات اختى راح عليها حول ال2000 وماجابوا لها شئ

دمعة غلا · #**3232** (**permalink**) 15-08-2011, 05:57 PM

اقتباس:

المشاركة الأصلية كتبت بواسطة ي الله عفوك

بسم الله الرحمن الرحيم

انا خريجة بكالوريوس ملابس ونسيج

بشرق الرياض ياليت تساعدوني اذا فيه مدارس محتاجة

معلمة تفصيل وخيااطة

ربي يسعدكم ويوفقكم

مثل ماقالت لك روح مطير .. روحي قدمي ع كل المدارس وماتدرين متى يدقون عليك يمكن بنص الترم
متى ماسحب عليهم احد او احتاجوا دقوا عليك
مشكلة تخصصك كل مدرسة ماتحتاج الا وحدة او ثنتين بالكثير

الله يوفقك وييسر لك
شوفي قدمي ع عباللطيف جميل لخدمة المجتمع .. خذي رقمهم من النت وهو يبحثون لك وظيفة بمدارس وشركات وجمعيات وكل شئ
وشوفي بعد جمعية النهضة النسائية بالنسيم
وانتي بعد قدمتي بالنت ع مدارس
وروح بعد العيد وحطي بيناتك في كل مكان ولاتقعديييييييين ولاتياسين ابد ابد
والله يوفقك

لاتنسيني من دعواتك

ريم سعد · #**3233** (**permalink**) 15-08-2011, 06:13 PM

بنات بسألكم كيف المدرسه داخله بالموارد ؟ وش الميزة يعني ؟

دمعة غلا · #**3234** (**permalink**) 16-08-2011, 01:49 AM

اقتباس:

المشاركة الأصلية كتبت بواسطة ريم سعد

بنات بسألكم كيف المدرسه داخله بالموارد ؟ وش الميزة يعني ؟

ريم سعد
سبق وجاوبت ع نفس السؤال بالصفحة اللي قبل
ولعيونك بعيد الجواب

المدرسة اللي داخلة موارد تعطي راتب في الاجازة لان الموارد البشرية تعطيهم نصف الراتب اللي بيعطونك اياها المدرسة
اتمنى وصلت الفكرة

دعوااااااااااااااااااااتك

روح مطير · #**3235** (**permalink**) 16-08-2011, 03:31 AM

اقتباس:

المشاركة الأصلية كتبت بواسطة صار خصمي

روح مطير يعنى ماتعرفين هالشركات نصب في نصب ال 200 هن اولى فيها واذا على الوظائف ترى يابنات يجيبون لكم في اهليه او موظفة استقبال في مراكز اهلية يعنى وفروا فلوسكم وانتم ارسلوا محد يعرف مصلحتكم كثركم وانتى ياروح مطير يختى مو تشكيك فيك بس ترى تورطين البنات بمثل هالشركات الغير مرخصة يمكن انتى مندوبة لهم او شئ او مصدقتهم بس ترى مايجيبون غير الغث فحبيت انصحكم يابنات اختى راح عليها حول ال2000 وماجابوا لها شئ

هلا أختي..

مندوبة لهم

الله يسامحك

يا غالية..أنا مستحيل أتكلم وأنصح غيري بالكذب..(وانا اختك ورانا قبر وحساب)
وبالنسبة لكفاءات المستقبل بالذات..أنا تكلمت عن تجربتي..وعن مقابلتي وحتى ان كثير من الغاليات حبوا يستفسرون مني عن طبيعة الأسئلة
ولو شفتي رد لي عن قيادات الوطن..كان عرفتي نيتي صح

عالعموم..كفاءات عطتنا سند قبض بالمبلغ ونروح نسترجعه بأي وقت..
وربي يعوض أختك بالوظيفة

............................

هاجس افكاري · #**3236** (**permalink**) 16-08-2011, 04:16 AM

اقتباس:

المشاركة الأصلية كتبت بواسطة دمعة غلا

اقتباس

المشاركة الأصلية كتبت بواسطة لاتنس الذكر

سؤؤؤؤؤؤؤؤؤؤؤؤؤؤؤؤؤؤؤال عالطايررررر

الحين وش الفايده اذا كانت المدرسه داخله بالموارد؟
وش الحاجه الايجابيه في ذلك ؟

ردووووو بليييييييييييييييييييييييييييييييييييييييز

وبيكون الراتب يشي في العطلة اذا كانت المدرسة داخلة موارد

مع اني اعرف مدرسة فيها بحدود 25 معلمة ومادخلوا موارد الا10 واقل بعد
مدري ليش سبحان الله

دمعه تصدقين كنت بمدرسه المديرة مادخلت الا اربعه الموارد من معلمات وكان مدرسه فيها 30 معلمه تقول ماتدخلك الابعد سنه وتجلسين طول السنه تنظرين السنه الجديده واخر السنه تنهي العقود الكل ... لانه ملزمه لم تكتب عقد الموارد السنه الجديده تكتب عقد سنتين معك وهي ماتبي تلزم بطاقم تبي تجدد يعني شفتي كيف الظلم داخله بالموارد المدرسه وتماطل ولاكانه حق من حقوقنا الله يسهلهآ علينا ويتوظف كل بنات المنتدى

صريحة · #**3237** (**permalink**) 16-08-2011, 04:40 AM

بنات ابشرررو بالخير ان شالله خلال هالست اشهر راح تنزل 600 الف وظيفه تعليميه امس الخبر مكتوب بصحيف سبق الالكترونيه

يعني بأذن الله الكل راح يتوظف ....والله يوفقنا وأياكم ....

روح مطير · #**3238** (**permalink**) 16-08-2011, 05:35 AM

^
^

بإذن الله ربي يرزقنا حلاله عن حرامه

الله يرزقك يا غالية على نيتك الطيبة

دمعة غلا · #**3239** (**permalink**) 16-08-2011, 02:49 PM

اقتباس:

المشاركة الأصلية كتبت بواسطة صار خصمي

روح مطير يعنى ماتعرفين هالشركات نصب في نصب ال 200 هن اولى فيها واذا على الوظائف ترى يابنات يجيبون لكم في اهليه او موظفة استقبال في مراكز اهلية يعنى وفروا فلوسكم وانتم ارسلوا محد يعرف مصلحتكم كثركم وانتى ياروح مطير يختى مو تشكيك فيك بس ترى تورطين البنات بمثل هالشركات الغير مرخصة يمكن انتى مندوبة لهم او شئ او مصدقتهم بس ترى مايجيبون غير الغث فحبيت انصحكم يابنات اختى راح عليها حول ال2000 وماجابوا لها شئ

لا ياعيوني
ياحياتي ع روح مطير والله انها على نياتها وتستاهل كل خير ومصدقتهم وهي لامندوبة لهم ولاشئ
هي تدور ع وظيفة حالها حالنا
ومو كل هالشركات نصب في نصب انا شفت وحدة توظفت عن طريقهم
لكن
اذا فيه احد شخصيا جربهم خليهم يقولون لنا وش اسمم الشركات هذي
لانها كثييييييييييييييرة مرة ومانبي نظلمها كلها
والله يعافيك اكتبي لنا اسم الشركات اللي اختك راحت لهم ونصبوا عليها عشان نحذر منها

ومشكورة وماقصرتي عالنصيحة..

دمعة غلا · #**3240** (**permalink**) 16-08-2011, 02:53 PM

اقتباس:

المشاركة الأصلية كتبت بواسطة هاجس افكاري

دمعه تصدقين كنت بمدرسه المديرة مادخلت الا اربعه الموارد من معلمات وكان مدرسه فيها 30 معلمه تقول ماتدخلك الابعد سنه وتجلسين طول السنه تنظرين السنه الجديده واخر السنه تنهي العقود الكل ... لانه ملزمه لم تكتب عقد الموارد السنه الجديده تكتب عقد سنتين معك وهي ماتبي تلزم بطاقم تبي تجدد يعني شفتي كيف الظلم داخله بالموارد المدرسه وتماطل ولاكانه حق من حقوقنا الله يسهلهآ علينا ويتوظف كل بنات المنتدى

حسبنا الله عليهم
الله لايربحهم ولايوفقهم
وش هالظلم
الله ينهيهم يارب ويستبدلهم بحكوميات ان شاء الله .. مافيه شئ عالرحمن مستحيل ..
يااااااااااااااارب انك ترزقني وترزق بنات المنتدى كلهم وشبابهم بحكومية عاجلا غير اجل ياااااااااارب