مناقشة وظائف المدارس الاهلية في الرياض للبنات فقط

شموخ الدعوة · #**3761** (**permalink**) 13-09-2011, 06:02 AM

اقتباس:

المشاركة الأصلية كتبت بواسطة اميره القلوب

الى جميع المدارس الاهليه كلمه وحده اقولها والله ثم والله اني ماراح اسامحكم يوم القيامه

اتقو الله بالخريجات الي ماعندهم خبره اذا انتي وانتي وانتي تبين خبره من وين اجيب حرام عليكم تذكرو انفسكم يوم تخرحتو وكنتو بدون خبره شوفو المأساه كل مااتصل عندك خبره لا قالت اجل خلاص

والله حرام عليكم ليه حكمتو اني ماانفع بدون خبره يمكني افضل من الي معها خبره والله حرام عليكم يسرو على بنات المسلمين عندكم بنات عشان ربي ييسر لبنتك وظيفه لاتظنين الكرسي الي فوقك بيدوم لك لا والله سهلي على الناس عشان ربي يسهل على عيالك

والي تدري في وظيفه وتخبيها لقريبتها حسبي الله عليكم حسبي الله عليكم كل مكان واسطه اذبح نفسي اقطع ثيابي اشقق وجهي وش اسوي عشان تقبلوني ياويلكم من ربي

وبعدين ليش المدارس الاهليه تقول قدمو على االيميل ونقدم مايردون لايكون ناسين الايميل اذا مو قد الايميل لاتحطون خليكم على الفاكس

والمعلمات الاجانب الي بالمدارس متى الاخوات يتفضلون ويطلعون وربي شي يقهرر كل مدرسه اهليه متروسه اجانب خلاص وينكم يامديرات لاتحكمون على بنات البلد بالفشل او مايبون التزامات كثيره الى اعطونا مثل شغل الاجانب حتى لو الراتب قليل مانقول شي بس افتحو لنا المجال

يارب في هذه الساعه فرج عني ويسر امري وارزقني وظيفه تغنيني عن خلقك بها يارب وكلت امري اليك

اللهــــم آآمــين

الله ييسر لك قلبووو كلامك أثر فيني

أسمعي قلبي أبي أقولك شي

أنا قبل كم يوم كنت بمدرسة الأرقم قدمت عليهم مرتين ولا أتصلوا إلا يوم الاحد

أنا ما عندي خبرة أبدا توظفت عندهم تدرين وش اللي وظفني أمرين

أولهما الإستغفار ثانيهما ما أقدر أقول خليه بيني وبين ربي يوم ألقاهـ

وأسال الله أن يكون خالص لوجه الكريم

والله ثم والله أن وظيفتي بمدارس الارقم ما احد له دخل فيها من البشر

رتبها وقسمها لي رب البشر لاني كنت وقت

المقابله وقبل ما اوصل للمدرسه أستغفر ومستشعرهـ إني

إنسانهـ ضعيفه لاحول لي ولا قوة إلا به سبحانهـ

قلبي أكثري من الاستغفار واسجدي وأبكي وأشكي لربي

فوالله لنا رب يستجيب ويستجيب سبحانهـ

أسال الله في هذا اللحظه إن يفرج عليك وعلى كل مسلم ياحق

أهم شي لاتفقدي الامل وتذكري دائما ربي معك

موفقه لكل خير

منآر · #**3762** (**permalink**) 13-09-2011, 06:10 AM

شموخ الدعوه

مبروك الوظيفه الله يطعمك خيرها ويكفيك شرها
بس الله يسعدك يا ليت تخبرينا اذا عندهم أحتياج لاي تخصص ؟

شموخ الدعوة · #**3763** (**permalink**) 13-09-2011, 06:25 AM

السلام عليكم ورحمة الله وبركاته

بنات اللي تسألني عن وظيفة مراقبه بمدارس الأرقم كيف التقديم عليها

سواء مراقبه أو غيرها تروحين لهم وتقولين أبي اقدم طلب توظيف على معلمة او إداريه أو مراقبه

وهم بيردون عليك حتى لو ما عندهم إحتياج روحوا قدموا لانهم يحتفظون بطلبات ويتصلون متى ما

احتاجوا ماراح تخسرون شي

بالنسبة لمكانها هي خلف أسواق غرناطه عند مخرج 9

بالنسبة للرواتب والله مدري لاني يوم وقعت العقد ما سألت عن الراتب لكن سالت بعض المعلمات
يقولون والله اعلم 2600 تروح للتامين يبقى 2000

اهم شي قدموا عليهم حتى لو ما عندهم احتياج ..

واللي طلب مني أسال والله ما عندي وقت أسال لانه ضغط مو بسهوله اطلع من الحصص واترك

الطالبات فالمعذره وترى لسى ما جاهم خط لذا ما عندهم رقم تليفون

موفقين لكل خير

دعواتي ترافقكم

الميآسه · #**3764** (**permalink**) 13-09-2011, 06:26 AM

وانا بعد يوم توظفت كانت توفيق من رب العالمين وما كان عندي خبره ولا بعد قبول فوري بمدارس الشمسبس راحت الله يستر عليهااااااااالموهم يا شموخ ابي اعرف الارقم وش عندهم احتياج وكم رواتبهم انا تخصص احياء خبره سنه عادي ماعندي مشكله ادرس اي مرحلهبليييييييييييييز ردي

الميآسه · #**3765** (**permalink**) 13-09-2011, 06:35 AM

تعلن مدارس ألوان العلوم
بشرق الرياض عن حاجتها
إلى معلمات رياض أطفال وحاضنات
للمراسلة ايميل:
colors_of_Science
@Hotmail.com

RNP20110909

هذا تو جبته من جريدة الرياض

راجيه خير · #**3766** (**permalink**) 13-09-2011, 07:03 AM

يابنات ايش الحل مع المواصلات

انا مشكلتي بجنوب الرياض وسبحان الله مافيه ولامدرسة بجنوب الرياض تعلن عن احتياج وكل ما اتصل يقولون مكتفين

بعكس شمال وشرق الرياض كثييييييير يعلنون بس بعيدين عني

تتوقعون فيه مدارس فيها مواصلات؟؟
فيه عندكم حل يعني ماتعرفون ناس يوصلون بس معهم محرم ؟اوشركات توصيل يكون باص فيه ناس؟

روح مطير · #**3767** (**permalink**) 13-09-2011, 07:03 AM

صباح الخير والرضا والتوفيق والتيسير يا غاليات..

حبيت أنقل لكم هالخبر من جريدة الرياض..(اليوم)

الرياض - فهد الثنيان
كشفت مصادر ل "الرياض" أن اللجنة المشكلة لإقرار تنفيذ الأمر الملكي القاضي بزيادة رواتب المعلمين والمعلمات السعوديين العاملين في المدارس الأهلية والمتعلق بوضع حد أدنى للرواتب بحيث تبدأ من 5000 ريال، مضافاً إليها بدل النقل 600 ريال قد أبدت مرئياتها بشأن تعديل المادة السادسة التي نص عليها الأمر الملكي.
وعقدت اللجنة المكونة من وزارة التربية والتعليم ووزارة العمل وصندوق تنمية الموارد البشرية العديد من الاجتماعات لصياغة العقد الموحد لمعلمي ومعلمات المدارس الاهلية وفقا للتنظيم الجديد الذي سيصدر قريبا ويتضمن عقودا جديدة يتم توقيعها مع صندوق تنمية الموارد البشرية ووضع سلم جديد لرواتبهم بدءا من العام القادم.
وقال مصدر مطلع على أعمال اللجنة: إن اللجنة اجتمعت عدة مرات وتم وضع خطة لتنفيذ هذا الأمر، إلا أن بداية التنفيذ مرتبطة بتنفيذ الأمر الملكي الذي حدد بداية التنفيذ بتعديل المادة السادسة المتعلقة برسوم المدارس الأهلية.
وأكد ان اللجنة استعرضت العديد من الخطوات للتأكد من وجود أنظمة رقابية ومالية لدى صندوق تنمية الموارد البشرية تحد من التلاعب من إجراءات الصرف وإيداع الرواتب في البنوك، مفيدا أن اللجنة أبدت ارتياحها من خلال الزيارات الميدانية للتنظيمات الجيدة التي اتخذها صندوق تنمية الموارد البشرية بهذا الخصوص.
وينص الأمر الملكي لزيادة رواتب المعلمين والمعلمات السعوديين العاملين في المدارس الأهلية على وضع حد أدنى يبدأ 5000 ريال، مضافاً إليها بدل النقل 600 ريال، عن طريق مساهمة صندوق تنمية الموارد البشرية بنسبة 50% لمدة خمس سنوات ويبدأ التنفيذ بعد تعديل المادة السادسة وتحصيل الصندوق للرسوم المشار إليها والبدء بشمولهم بنظام العمل والتأمينات الاجتماعية.
وقال ل "الرياض" رئيس لجنة التعليم الأهلي بالغرفة التجارية بالرياض إبراهيم السالم: المدارس الاهلية تترقب صدور الآلية الجديدة برفع رواتب المعلمين والمعلمات بالتعليم الأهلي، مضيفا أن النظام الجديد سيخرج 30% من المستثمرين في قطاع التعليم الأهلي في المدن غير الصغيرة والبعيدة لعدم قدرة المستثمرين بالنشاط من دفع الرواتب الجديدة في ظل الرسوم المتدنية التي يدفعها طلاب تلك المدن، في الوقت الذي تسعى وزاره التربية والتعليم إلى رفع مساهمة ومشاركة التعليم الأهلي إلى 25% من حجم التعليم بالمملكة والذي لا تتجاوز نسبته الحالية 9%.
وأشار إلى انه بالرغم من الدعم الحكومي الجيد للتعليم الأهلي إلا أنه يحتاج إلى تنظيمات إدارية أكثر خلال المرحلة المقبلة ليحقق رسالة التعليم على المستوى المأمول والمنشود.
وطالب السالم الأخذ بالتجربة العمانية وتوظيف المعلمين والمعلمات في التعليم الأهلي عن طريق الدولة ليكونوا موظفين حكوميين ومن ثم يتم توجيههم إلى مدارس التعليم الأهلي مقابل إيقاف الاعانة الحكومية الموجهة لمدارس التعليم الأهلي حيث ستعطي هذه الخطوة بحسب السالم استقرارا للمعلمين والمعلمات والجهة التعليمية التي يعملون بها.

- تفاااائلوا يا غوالي

فواكه · #**3768** (**permalink**) 13-09-2011, 08:24 AM

شذاوي اناكلمت اكاديمية الجزيره
الدبلوم عندهم 16شهر سعره بعد الخصم 6600
ساعتين كل يوم 4ايام في الاسبوع

روح عاشقه · #**3769** (**permalink**) 13-09-2011, 08:51 AM

لبكالوريس رياض اطفال ..
ولمن يوجد لديها دورات تجويد

مطلوب معلمات في دار تحفيظ غرب الريااض
الي تبي تراسسلني

نسائم الأمل · #**3770** (**permalink**) 13-09-2011, 09:01 AM

مدرسة الراية بحاجة الى مرشدة طلابية للمرحلة الابتدائية

لمن ترغب تحضر اليوم الى المدرسة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

مناقشة وظائف المدارس الاهلية في الرياض للبنات فقط

وظائف منطقة الرياض

السلام عليكم ورحمة الله وبركاته تلبيتاً للرغبات الكثير من العضوات وبناءاً منا على أن المصلحة العامة من إهتماماتنا هذه الصفحة سوف تكون للنقاشات...

مناقشة وظائف المدارس الاهلية في الرياض للبنات فقط

تسجيل الدخول

مناقشة وظائف المدارس الاهلية في الرياض للبنات فقط

وظائف منطقة الرياض

** السلام عليكم ورحمة الله وبركاته ** تلبيتاً للرغبات الكثير من العضوات وبناءاً منا على أن المصلحة العامة من إهتماماتنا هذه الصفحة سوف تكون للنقاشات...

مناقشة وظائف المدارس الاهلية في الرياض للبنات فقط

السلام عليكم ورحمة الله وبركاته تلبيتاً للرغبات الكثير من العضوات وبناءاً منا على أن المصلحة العامة من إهتماماتنا هذه الصفحة سوف تكون للنقاشات...