بنات راح احكي لكم عن تجربتي الثانيه بالتقديم ع المدارس
سمعت ان فيه مدرسه محتاجه معلمه دين تدرس ثانوي ورحت لهم ..
سالتني المساعده اذا محضره درس قلت ايه محضره درس حديث بس محتاجه كتاب عشان الادله كثير
قالت لي اشرحي توحيد مو حديث :| انا انصدمت التوحيد ماده عميقه جدا ومحتاجه تحضير جيد مو اقرا الكتاب واسمي نفسي حضرت:|
قلت لها كذا قالت لي ماعليه بعطيك الوقت الي تبين وبجيب لك لوحه واكتبي الادله واصرت الا اشرح توحيد ..
المهم حضرت وقالت لي بعد نص ساعه هاه خلصتي
قلت ايه ورحت اشرح قدام طالبات :| شرحت لحمدلله وتيسرت الامور
رغم ان ضميري يأنبني لاني مارجعت لمراجع وجمعت معلومات وكذا
قالت لي اعجبتيني وبلا بلا بلا .. والراتب بيكون الفين :| قلت انتم مسوين اعلان ورواتبكم 3000
قالت انتي توك جديده ومامعك خبره ومدري ايش وماراح ارفع اسمك للموارد .. واذا رفعته للموارد بيكون راتبك 2700
والراتب راح يخصم منه 200 مدري كم عشان مدري وشو
المهم صفت على 1800 ريالا السالفه
لا وبمسك 8 فصول و 27 حصه بالاسبوع .. ومطالبه انفذ كل طلبات المدرسه وامسك مناوبه ورياده
هو فيه وقت اسوي هالاشياء كلها
حاولت استفسر ليه معلمة البنات تركتهم وليه لحد الان ماخذو ولادرس بمواد الدين
قالت لي مدري عنها وقامت تلف وتدور .. قلت لها كيف تبيني الحق ع المناهج الترم راح نصه قالت عطيهم درسين بكل حصه !! دبري نفسك يعني
زبده الكلام .. المدرسه ذي ومابي اعمم واظلم باقي المدارس الاهليه الا انها جدا جدا سيئه
واخر شي يفكرون فيه العلم والتعليم .. هذي امانه بين يديني كيف يبوني اضغط البنات واسلك لهم!
تفكيرهم جدا جدا مادي شيء يسد النفس
ولما سالت وحده من معلمات المدرسه ليه تركتهم معلمة الدين قالت لي لانها رفضت تزيدهم درجات في مادة القران بسبب ان البنات ماحفظوا
والاداره حاولت تجبرها الا غصب تعطيهم درجات فتركتهم!!
الله يعوضني خير بما اني كنسلتهم
ويرزقني بوظيفه في مدرسه ادارتها محترمه وتخاف الله في الطالبات بالمقام الاول
11-03-2012, 05:04 AM
العرض العادي
