مناقشة وظائف المدارس الاهلية في الرياض للبنات فقط

سماء صافيه · #**701** (**permalink**) 18-01-2011, 02:45 PM

مدارس دار القلم بحاجه إلى معلمة مكتبة ودين ومعلمه نشيطه
لمصادر التعلم

شروطهم
الالتزام بالحضور والا نصراف
والنشاط والأمانه العلمية
الرغبه في العمل الجاد والابداع

لااعرف الموقع اسئلو قوقل يعطيكم الرقم والعنوان

قرأت في منتدى حاجتهم شكرا لكم

أم لولو · #**702** (**permalink**) 18-01-2011, 03:28 PM

اقتباس:

المشاركة الأصلية كتبت بواسطة تباشيرالصباح

حبوبات قريت بالنت تسجيل في وظائف مشروع الملك عبدالله للتعليم مدري للتطوير

رحت سجلت وفيه تخصصصات كثيرة غير التعليم سواء رجال اة بنات

مدري هل هو قديم من سنوات ولا مجرد مكتب للتوظيف او لوائح لحين توفر وظيفة شاغرة لك

كيف سجلتي الله يجزاك خير

دراعة شانيل · #**703** (**permalink**) 18-01-2011, 04:03 PM

مدارس القمة بالشفاء محتاجين لمعلمة تفصيل ..
//
متوظفه بإذن الله
الله يرزقكك بالوظيفه اللي براتب يشرح الصدر ويوسع الخاطر
وليش ياقلبي تتنازلين عن حق من حقوق الله اكبر من كثره هالراتب
براتب او بدون راتب راح يكرفوونك كرف تكرهين نفسك
فيجي الراتب شوي يرشرش على القلب ويوسع الصدر ولا يروح كله للمقصف هههههه
وإذا على الخبرة إذا ربي كاتب لك وظيفه بتتوظفي وماله دخل الخبره
واول دليل محدثتك انا الحمدلله مع خبره وزميلتي مامعه ولا شي
وبالتقديم على الديوان توظفت حكومي وانا لاء ونفس التخصص
صح مو بالريااض لكن الحمدلله اهم شي انها توظفت
وعلى العموم إذا كنتي من النوع اللي مايهتم بالراتب دوري بالمدارس الصغيره
دائما يكونون محتاجين لان رواتبهم قليله محد يرضى يتوظف عندهم

دراعة شانيل · #**704** (**permalink**) 18-01-2011, 04:11 PM

اليوم جاني مسج على الجوال من أسياء .نت
وماادري وش المطلوب مني ولا ادري وش السالفه
المسج يقول :
ان موعد مقابلتك اليوم من اربع ونص الى سبع بالليل
وكاتبين رقمين جوال ودقيت ومحد رد علي !!
مقابلة ايش ؟ ماادري
وش السالفه؟ هم ماأدري
فاللي عنده خلفيه او جاها مسج مثلي تفهمني وش السالفه

ماأصير عاطلة · #**705** (**permalink**) 18-01-2011, 05:51 PM

مؤسسة آسية* للاستشارات والندوات والدورات والاعمال التطوعية*
http://www.********.com/group.php?gid=77096448766

هذا اللي أعرفه عنها إذا كانت هي
قريته في النت يعني من عندي
ما هو خبر مؤكد !

أنا مرة أرسلو لي للمقابلة الشخصية بس ما رحت
الله يكتب لكِ الخير فيها
وعلميني وش يصير معآك

في قديم الزمان · #**706** (**permalink**) 18-01-2011, 05:52 PM

اقتباس:

المشاركة الأصلية كتبت بواسطة توتآني

^^^

ايه يصير وخاصه اذا عندك المام بالحاسب ممكن تتوظفين اداريه او مدخلة بيانات

بس على فكره ماراح يعطونك خبره اذا بغير تخصصك
وخاصه الروضه لو كان تخصصك مثلآ جغرافيا والا دين وتوظفتي بروضه اي وظيفه ماراح تآخذين خبره لو بعد سنـه والاسنتين

اتكلي على الله وقدمي

تغيرين جو على قولتك فله وجمعه وفطور وقومة صبح وشوفة الشارع

والا اذا على الاهليه مآوراهم الا المرض

اقول ياوخيتي متأكده من هالخبر يختي نص العالم يدرسون بغير تخصصهم وياخذون خبره شلون يعني لو اقعد سنة ولاسنتين ذيك الساعه اخذ خبره بغير تخصصي؟

كيكة كاكاو · #**707** (**permalink**) 18-01-2011, 06:29 PM

بنات لو سمحتوا ردوا والله ضروري وحده من صديقاتي بتقدم على مدارس زهرة السوسن اللي بالمرسلات الترم الثاني لأنها قريبه من بيتهم وتيغى تعرف الآتي :
س1: كم الراتب ؟
س2: كيف تعامل المعلمات والمديرة والإداريات ؟
س3: هل يعطون خبره ؟
المدرسة مرحلة روضه وابتدائي مع بعض
أنا سألت قبل كذا ومحد رد إن شاء الله المره هاذي تردون

تباشيرالصباح · #**708** (**permalink**) 18-01-2011, 06:37 PM

اقتباس:

المشاركة الأصلية كتبت بواسطة أم لولو

كيف سجلتي الله يجزاك خير

التسجيل عن طريق اكتبي بقوقل موقع مشروع الملك عبدالله للتطوير راح يطلعلك

الله كريم احنا نسجل وماندري نمشي كذا

نور انوار · #**709** (**permalink**) 18-01-2011, 10:28 PM

اقتباس:

المشاركة الأصلية كتبت بواسطة نور انوار

بنات تكفون ساعدوني انا تخصصي اداره عامه

دقت علي وحده من معهد انا سجلت فيه قبل فتره وقالت عندك مقابله يوم الأربعاء انا مره خايفه من المقابله

لإني اول مره اسوي مقابله مادري وش اقول

تكفون الي عندها خبره في هالشي تقولي احس مره متوتره

بنات وش فيكم ماحد يرد علي معقوله ولا وحده سوت مقابله شخصيه

همممه · #**710** (**permalink**) 18-01-2011, 11:00 PM

هلا أختي نور أنوار

في المقابلات الشخصية أهم شيء تعتمد عليه شخصيتك كيف عشان كذا لازم تكوني واثقة من نفسك وتكوني هادئة عشان تعرفي تردي بثقة وبعدين إذا هي شركة اقرأي في أهداف هذه الشركة عشان ردودك تكون كأنك مثقفة وفاهمة وايضا ماهي هي أهداف شركتهم ورؤيتها وكمان يسألوك عن خبراتك وماذااستفدتي منها وممكن يسألوك ماهي الاشياء التي ممكن تحقيقها لتطوري الشركة وإذا كنت في عمل قديم غير جيد لاتذكري هذا العمل الا بشيء جيد لكن أرجع أقول أهم شيء شخصيتك ثقتك ردودك هي التي تحدد قبولك أم لا للوظيفة هذا ما حضرني أختي وفقك الله لكل خير ويسر لكِ أمرها وأعطاكِ خيرها وكفاكِ شرها لا تنسيني من دعواتك في هذه الاجواء الماطرة ..