مناقشة وظائف المدارس الاهلية في الرياض للبنات فقط

دي جافو · #**901** (**permalink**) 30-01-2011, 12:30 AM

ام لولو اذا كنتي تقصدين مدارس العلمين العالميه نصيحه لاتكملين عندهم ومو بس بشهادتي بشهادة مدرسه طلعت من عندهم اول ما جيتهم اتفقت معهم على الدين للروضه والإبتدائي بعد كذا غيروا رايهم وجابوا وحده يعرفونها ما ما معها الا ثانوي بس علشان واسطتها المديره وغيروا معي الإتفاق ومسكوني عربي ودين وبراتب اقل لما رفضت قالت لي دين وب1000 ريال وطلعت من عندهم المديره هي صاحبة المدرسه وتعاملهم بين بعض سيء الله يعوضني بمدرسه احسن منهم

كعبوش · #**902** (**permalink**) 30-01-2011, 01:51 AM

اقتباس:

المشاركة الأصلية كتبت بواسطة موظفه قيد لتنفيذ

توته الا فيه بالعكــــسس
شوفي وظائف الريآض فيه مدارس طالبين
\مثل القبس ووالنجبآء

وين القبس؟والنجباء؟

همممه · #**903** (**permalink**) 30-01-2011, 01:57 AM

اقتباس:

المشاركة الأصلية كتبت بواسطة كعبوش

وين القبس؟والنجباء؟

نفس السؤال

وايضا القبس كم رواتبهم ؟

الاحساس الصامت · #**904** (**permalink**) 30-01-2011, 05:19 AM

القبس بحي الواحه تقاطع ابو بكر مع الملك عبدالله عند شارع الحوامل
النجباء في السويدي موفقين بنوتات

ماسيه · #**905** (**permalink**) 30-01-2011, 05:33 AM

السلام عليكم ورحمة الله وبركاته ....معلمه تربيه فنيه تكفون غرب الرياض لاتنسوني هالماده الكل مايعطيها اهميه ندمت اني درستها خساره عمري الي راح خساير على الفاضي وشهادتي غبرت يارب ارزقني بحلالك عن حرامك

الاحساس الصامت · #**906** (**permalink**) 30-01-2011, 05:47 AM

اختي ماسيه مافي شي خساره وضيعتي عمرك فيه يا قلبي اذا التخصصات القويه يشتكون الحاسب والانجليزي حالهم من حالنا ابد لا يضيق صدرك ولا شي ورزقك بتاخذينه وبالعكس مطلووب كل سنه وفي كل المدارس وتابعي معنا بالمنتدى وان شاء الله الاخوات والاخوان مارح يقصرون معك وادعي ربك الي ما يضيع خلقه سبحانه

يارب تيسرها · #**907** (**permalink**) 30-01-2011, 10:20 AM

الجوري وهاجس
أسفه ياقلبي والله ماكنت أدري ماوصلكم شى ,,,,,
المدرسه النهضة في حي السفارات الراتب 2500 وأذا استمريتي معهم أكثر من ثلاث شهور يصير الراتب3500 والدوام يبدءمن7الى2,30 ومثل ماقالت دراعة شانيلا أنو أذا أحتاج دورة المياة تدخلين معها وشهادة مثل ماقلتلكم
أي شهادة بس يكون معك حاااااااااسب وبس
أدعولي أن الله يرزقني بوظيفة عاجلا غير أجل

طالبة سنة أخيرة · #**908** (**permalink**) 30-01-2011, 01:20 PM

اقتباس:

المشاركة الأصلية كتبت بواسطة ماسيه

السلام عليكم ورحمة الله وبركاته ....معلمه تربيه فنيه تكفون غرب الرياض لاتنسوني هالماده الكل مايعطيها اهميه ندمت اني درستها خساره عمري الي راح خساير على الفاضي وشهادتي غبرت يارب ارزقني بحلالك عن حرامك

الله يرزقنا وأياك

اليوم شفت بجريدة الرياض اعلان لجامعة الاميرة نورة يطلبون معيدات بتخصص " تربية فنية "

قدمي وان شاء الله حليفك التوفيق

هذا موقعهم :
www.pnu.edu.sa

ادعوووولي بالوظيفة عاجلا غير اجلا يااارب

بنااات اللي تسمع عن مدرسة عالمية بشرق الرياض محتاجيين ادارية تقولي .. ولها دعوات مني بظهر الغيب

الله يوفقنا أجمعييين يااارب

ربي يسعدك · #**909** (**permalink**) 30-01-2011, 02:28 PM

السلام عليكم
كيفكم بناااات

الله يسعدكم أحد يساعدني تو دقوا على مدرسه
يبون اجي اشرح لهم بكرا هل اكتب تحضير او مو لازم
وهل اتقيد بالكتااااب ضروري على اني فنيه ^^

يعني اي احد فنيه تقول لي وش سوت ... وحتي الي مو فنيه تقول لي كيف رتبت درسها ^^

والمرحله الي مطلوب اشرح لها المتوسط عادي اولى او ثاني او ثالث ...

والله يسعدكم وويوظفكم ويحقق لكم ماتتمنون يـارب ^_^

همسات محب · #**910** (**permalink**) 30-01-2011, 05:18 PM

بالتوفيق للجميع

خروج من الموضوع ( خارج التغطيه )
بنات انا عازمتكم عشان توسعون صدوركم شوي وصدرور بزارينكم

يوم الاربعاء القادم باذن الله في مهرجان اجازة الربيع الواقع في اسكان مستشفى الملك خالد للعيون

تعالوووو وراح تنبصطون
لا يفوتكم خلو بزارينكم ينبسطون ويحسون بالفرحة النجاح

يوجد بازار مطعم كوفي شوب نادي للاطفال وفعاليات ومسرحيات متنوعه ونطيطاااااااااااااااااات
والله يوفقنا واياكم لما فيه الخير والصلاح