مناقشة وظائف المدارس الاهلية في الرياض للبنات فقط

عطر السندريلا · #**2461** (**permalink**) 15-06-2011, 08:06 PM

بنات دقيت على مدرسه سالتها عن الزياده قالت ترى الزياده هذي لين الحين يتشاورون فيها يعني ماطبقوها توهم يدرسونها

يعني يابنات لا تتاملون كثييييييير

مدام نوفا · #**2462** (**permalink**) 15-06-2011, 08:13 PM

اقتباس:

المشاركة الأصلية كتبت بواسطة عطر السندريلا

بنات دقيت على مدرسه سالتها عن الزياده قالت ترى الزياده هذي لين الحين يتشاورون فيها يعني ماطبقوها توهم يدرسونها

يعني يابنات لا تتاملون كثييييييير

شوفي ياعمري المدارس الكبيره مره الي مع الموارد غصب عليها تطبق لانها اولردي زادت رسومها اكثر من 3 الاف ع الطالب مو بكيفها .. صديقاتي في مدارس كبيره كلموهم قالو بنزيد رواتبكم ع شوال تصير 5 ..

اما المدارس الصغيره الي رواتبها ضعيفه او مو مع الموارد ماراح تزيد ولا يشملها القرار وا1ا زادت بتزيد شي بسيط من الحكومه مابتكون 5 زي الكبار

عطر السندريلا · #**2463** (**permalink**) 15-06-2011, 08:17 PM

طيب انا دقيت على مدرسه كبيره قالت 5000 ماتاخذها الموظفه الجديده مو معقوله وحده توها جديدة تاخذ5000 والقديمه لا يعني القديمه راح تاخذ اما الجديدة راح تاخذ اقل منها

ونظام انو الوحده توقع عقد 5 سنوات مع المدرسه بعض المدارس ماطبقوها

عطر السندريلا · #**2464** (**permalink**) 15-06-2011, 08:18 PM

وفيه مدرسه صغيره تبع الموارد تقول مادري يمكن مانزود رواتبهم

عطر السندريلا · #**2465** (**permalink**) 15-06-2011, 08:20 PM

اقتباس:

المشاركة الأصلية كتبت بواسطة مدام نوفا

شوفي ياعمري المدارس الكبيره مره الي مع الموارد غصب عليها تطبق لانها اولردي زادت رسومها اكثر من 3 الاف ع الطالب مو بكيفها .. صديقاتي في مدارس كبيره كلموهم قالو بنزيد رواتبكم ع شوال تصير 5 ..

اما المدارس الصغيره الي رواتبها ضعيفه او مو مع الموارد ماراح تزيد ولا يشملها القرار وا1ا زادت بتزيد شي بسيط من الحكومه مابتكون 5 زي الكبار

اختي كيف تزيد شي بسيط من الحكومه يعني الحكومه تعطي المعلمه نص اللراتب ولا كيف ؟؟ وكم يعطونها؟؟

عطر السندريلا · #**2466** (**permalink**) 15-06-2011, 08:21 PM

بنااااااااات من تعرف مدارس النرجس ؟؟؟؟؟

بليز ردووووووو

ليه ماتوظفت · #**2467** (**permalink**) 15-06-2011, 08:39 PM

اقتباس:

المشاركة الأصلية كتبت بواسطة سوسو عبدالله

من سمع بمدارس العليا؟

احد عنده فكره عنهم ؟

ايه انا رحت لهم مره

روووووووعه وراقيه

لكن قالت لي بس سجلي بيانات وطلعت

مدام نوفا · #**2468** (**permalink**) 15-06-2011, 09:06 PM

الا تاخذها المعلمه ومو قليله عليها !!!
تاخذها وهي تستاهلها ترا رواتبنا ضعيفه رواتب سواقين مو معلمين اكادمين يعني يعطونا 5 وهم يضحكون
الحكوميه تمشي 8 الاف اول راتب للمعلمه ..
انا قالو لي راح يبدا اول مربوط ل ب5 الاف للجامعيه .. .. والزيادات هذي تكون زياده سنويه او بدل سكن او غيره تاخذها الوحده حسب خبرتها لكن اول شي لازم تاخذ ال5 سوا عندها خبره او لا.. هالكلام منهم ..

بخصوص الحكومه الموارد البشريه موسسه حكوميه تدعم المدارس الاهليه الكبيره .. في حال كانت المدرسه مع الموارد هي تعطيك 1500 والموارد 1500 يصير راتبك 3000 .. راتب جيد جدا ( سابقا )
لكن بعد القرار الجديد الموارد راح تزيد المبلغ والمدرسه مجبوره ايضا تزيد المبلغ 1000 ريال ..

انا عاطله انا · #**2469** (**permalink**) 16-06-2011, 02:02 AM

اقتباس:

المشاركة الأصلية كتبت بواسطة مدام نوفا

سوسو المدرسه كبيره واتوقع اكيد مع الموارد وبيزودون رواتبهم لكن ماعندي لهم ايميل صحيح
خذته من هنا وصار خطأ رفض يرسل الايميل ..

لو عندك ايميل صح لهم حطيه الله يعافيك ...

والي عندها ايميلات المدارس تحط الموجود خلونا نتساعد
انا عندي الرايه خذته من هنا وبن خلدون

بنات من عنده ايميل الرواد ؟

ربي يسعدك ممكن ايميل الرايه وابن خلدون !
وابغى اسالك كيف ارسلهم السيره الذاتيه وانا ماعرف هل عندهم احتياج لتخصصي او لا !
ولا عادي ارسلهم
وهذا موقع مدارس المنهل و الحرمين ادخلو على قسم التوظيف وعبو بياناتكم
الحرمين للبنات

http://www.almanhalschools.com/jobfront.aspx

الله يرزقنا الوظايف

الطموحة المحطمة · #**2470** (**permalink**) 16-06-2011, 04:37 AM

اقتباس:

المشاركة الأصلية كتبت بواسطة ودالمشاعر

بنات الله يعافيكم ابي مدارس اهلية بشمال الرياض حي العقيق والصحافة والاحياء اللي حولهم
اذا محتاجين مدرسة احياء وتكون راتبها من 3000 وفوق وتكون فيها حضانه لان عندي بنتي وماعندي احد احطها فيه000
اللي تعرف مدارس محتاجه ترسل الارقام 0او مدارس مايهمها اي تخصص بس محتاجين مدرسات
انا سمعت عن مدرسة اسمها المدارس المتقدمه الاهلية بالعقيق بس مدري اذا محتاجين اولا لان كلمتهم قالوا ارسلي سيرتك الذاتية عن طريق ايميل وعطتني الايميل بس انا ولا عمري ارسلت بالايميل للمدارس هل قصدهم ارسل عن طريق البريد الالكتوني بس كيف وانا ايميلي موب مسجل عندهم اقصد كيف تجي الرسالة عندهم وهم مااضافوني

ياليت ترسليلي ايميل هالمدرسة لان كذا مره تقول دقي وبعدين اعطيك
ودي اقدم عندهم مره قريبه من بيتي بس للاسف قالت لي مافي احتياج بس بحط بياناتي عندهم للضروره امكن يدقون علي

انا مثل حالتك عندي ولد ودي بمدرسه شمال الرياض بها حضانة

ياليبت لووحده تعرف المدارس الي بشمال بها حضانه تعطينا ارقامهم