14-09-2015, 05:52 PM
|
عضو متواصل
|
|
تاريخ التسجيل: Aug 2013
المشاركات: 98
معدل تقييم المستوى: 23
|
|
اقتباس:
المشاركة الأصلية كتبت بواسطة بايكرز
السلام عليكم ورحمة الله
بنات اليوم عندي نصيحه ووظيفة
الوظيفة / مطلوب في مدرسة بعليشه معلمة علوم ابتدائي اللي تبي تراسلني خاص او تكتب هنا وانا اعلمها
النصيحه / ......
والله العظيم انها لوجه الله .. كتمتها بالبدايه حتى اروح للمدرسه واسالها عن سبب فصلي
بالمنتدى الفاضل وبهالموضوع بالذات
شفت وحدة اسمها المجال حاطه اعلان مطلوب معلمة رياضيات في مدارس الحجاز بعتيقه ( الان صارت تكتب باليمامه )
رحت لهم وشرحت وكان استقبالهم حلو للامانه ومدحتهم لأمي وكل اللي اعرفهم
ظهر يوم التقديم دقو علي وقالو اخترناك وباشري بكره
يووه يا بنات لو شايفين فرحتي - والله من قلب استانسست مو عشان قبلوني -- عشان المدرسسة اللي حسيتها الافضل بالاخلاق قبلتني
بس قالت لي ( تجره 3 شهور -لازم تكونين مجتازه قياس - معاي ورقة موافقه عمل ) والحمدلله كلها معاي وماعندي مشكله عل التجربه
باشرت وحسيت ببعض الضغوط النفسيه من التعامل بس قلت عشان الجو جديد ( مع ان معاي خبره سنتين )
اول اسبوع داومنا فيه خلونا نزين الصاله - ونزين الفصول ( سألناهم نشتري الاغراض ونعطيكم الفاتوره قالت المديره لأ كل وحده تزينفصلها من عندها )
والله ي بنات وحده شرت الاغراض ب 350 (اغلبها تجليد للطاولات والباب ) ووحده مصريه 150 اتوقع صرفت
ولازم خلال هالاسبوع نخلص تزيين الفصول .. وانتهى الاسبوع ع خير
بالاسبوع الثاني بدأ جزءجديد اللي هو فصل المعلمات
بعدين فصلو وحده ( مشرفة طلابيه وتدرس اجتماعيات خريجة جديده جامعة الامام ) بحجة ان الموجهه رفضت شهادتك وانك ماتدريسن الا ابتدائي !!
بعدين فصلو مصريه معلمة علوم بحجة ان الموجهه رفضت ان المادة تدرسها اجنبيه ( مصريه )
بعدين نادو المستجدات ( انا ومعي معلمتين )
واعطونا ملاحظاتهم عننا ,, وانهم كل يوم يسوون جرد لكل تحركاتنا ويسألون حتى الامهات عشان يقيمونا بذمه ومايظلمون احد ع قولتهم
ملاحظتهم ( كان فيه معلمة مستجده قالت انها مجتازه قياس ولم طلبو ورقة تثبت اعترفت انها ماجتازت وهذا اللي زعلهم )
اخر الاجتماع قالو .. بعد يوم او يومين راح نبلغكم -- لا تداومون الا اذا دقينا عليكم !!
طبعا صار لي اداوم بالمدرسه اسبوعين
جاء بكره -- وقالو اليوم اذا مادقينا عليكم العصر لا تدامون باكر زي ماتفقنا ( والله ماخبي عليكم سودت وجيهنا ) وهم عااادي عندهم
استنيت العصر مادقو لييييين المغرب
دريت اني انفصلت -- راسلت المصريه قلت ابي حقوقي قالت اذا جاء الراتب ادق عليك
طبعا ماسولفت لاحد لييييين اسالهم
لم رحت استلم حقوقي _ قلت انتم خلاص فصلتوني - وانا الحمدلله وقف لي الله بنت حلال لم جت تترك وظيفتها علمتني اقدم -وتوظفت
بس السبب ورا الفصل لانكم قلتو بالبدايه اذا سويتي اي مخالفه خلال ال3 شهور لنا حق الاستغناء عن خدماتك
وش مخالفتي عشان اتفادها بوظيفتي الجديده - انا كنت عامله جهدي - حتى تاخير حضور ماسجلته من داومت
وماني عارفه وش خطأي
قاعده تقولي / هذا رزق ماهو مكتوب لك - ارضي بقدر الله
ممكن من غير سبب عااااادي -- هذا رزق مش ليكي !!
اقولها من الشروط لازم مخالفه - وانتم قلتو كل يوم تسوون جرد لتحركاتنا وتقيمونا عليها
تقول انتي ( عملاها مشكله لييييه !! )
هوا رزق مش ليكي ,, قلت انتم ضريتوني
اداوم اسبوعين لين اكتفت جميع المدارس باحياء جنوب وغرب الرياض - وتستغنون عني بلا سبب ! وتقولون رزق .. الا هذا هو الظلم
واقولها الان حسبي الله ونعم الوكيل
والحمدلله بالاول والاخر اللي وقف لي بنت الحلال وتوظفت بعد ما يأست وتحطمت
|
تقريباً أنا مثلك
اتصلوا علي مدرسة معروفة جداً ودايماً يعلنون عنها حسبي الله عليهم ونعم الوكيل
وقالوا لي عندك مقابلة شخصية بكرة حضرت لهم وكان مقابلتهم هي عبارة عن شغل على كومبيوتر
عطوني ورقة أطبق اللي فيها ولا شفت ولا وحده منهم مهتمّة اصلاً
وبعد ماخلصت قالوا انتظري جلست عندهم 4 ساعات انتظر واشوف البنات داخلين وطالعين وانا انتظر وآخر شي دخلوني على المديرة
وصارت المديرة تاخذ وتعطي معي وكأنه تضييع وقت وبعدها قالت بعدين نتصل عليك
طلعت وكانت بوجهي وحده أجنبية لها وظيفة معينة في المدرسة وقفتني وقالت تعالي يوم كذا !
حضرت بنفس اليوم اللي قالته
وكان معي بنات كثير واجتمعت فينا المديرة
وتكلمت معانا كان من ضمن كلامها ان فيه بنات اشتغلوا عندي مالهم مسمى وظيفي
لمدة سنة ومالهم رواتب ووبعدين ثبتناهم عندنا !! وكأنها تسمعني وتسمع اللي معي هالكلام
وبنفس اليوم كلفوني بشغل كثييييير وكرف بمعنى الكلمة ولا حتى شكراً او يعطيك العافية مافيه
وفوق كل هذا مالي ( مسمى وظيفي ) يعني مو ادارية وغير كذا طلبوا مني أني ما اسوي لا حضور و لا غياب !!
وغير كذا تجربة 3 شهور من غير عقد !!
يعني باختصار يبوني أخلص لهم اشغالهم ويمسكوني الباب هذا اللي كان واضح وضوح الشمس
هنا حسيت إني ولا شي وإنهم جايبيني أكرف واشتغل لهم من غير مقابل
ولما مسكت هالأجنبية وقلت لها ليه مااسجل حضوري وانصرافي وليه مالي عقد
قالت اثبتي جدارتك خلال هال3 شهور وبعدين يصير خير
واللي خلق سبع سموات لما طلعت منهم دعيت عليهم من زود القهر اللي في قلبي
جداً محتاجة واستغلّوا حاجتي
|
العرض العادي
