مناقشة وظائف المدارس الاهلية في الرياض للبنات فقط

سكون ريم · #**11151** (**permalink**) 15-09-2015, 06:19 AM

اقتباس:

المشاركة الأصلية كتبت بواسطة اريجه

سكون ريم انا مقدمة على مدرستكم النور وتخصصي دين وقالو لي انهم مكتفين وهم ماتصلو علي لأني ماعندي خبرة مع ان تقديري جيد جدا

مو مدرستي انا شفت الاعلان بس

مفعم · #**11152** (**permalink**) 15-09-2015, 08:08 AM

بالله اللي تشوف حاسب الي مدرسه محتاجه
بالشفاء او السويدي تبلغني

صبًاره · #**11153** (**permalink**) 15-09-2015, 01:16 PM

معلمات جميع التخصصات لمدارس اهليه بشمال الرياض .
الراتب 5600
ترسل السيره الذاتيه على الايميل
cvus2013@gmail.com
0114541760

الاعلان من تويتر

صبًاره · #**11154** (**permalink**) 15-09-2015, 03:36 PM

اقتباس:

المشاركة الأصلية كتبت بواسطة بايكرز

السلام عليكم ورحمة الله

بنات اليوم عندي نصيحه ووظيفة

الوظيفة / مطلوب في مدرسة بعليشه معلمة علوم ابتدائي اللي تبي تراسلني خاص او تكتب هنا وانا اعلمها

النصيحه / ......

والله العظيم انها لوجه الله .. كتمتها بالبدايه حتى اروح للمدرسه واسالها عن سبب فصلي

بالمنتدى الفاضل وبهالموضوع بالذات

شفت وحدة اسمها المجال حاطه اعلان مطلوب معلمة رياضيات في مدارس الحجاز بعتيقه ( الان صارت تكتب باليمامه )

رحت لهم وشرحت وكان استقبالهم حلو للامانه ومدحتهم لأمي وكل اللي اعرفهم
ظهر يوم التقديم دقو علي وقالو اخترناك وباشري بكره
يووه يا بنات لو شايفين فرحتي - والله من قلب استانسست مو عشان قبلوني -- عشان المدرسسة اللي حسيتها الافضل بالاخلاق قبلتني

بس قالت لي ( تجره 3 شهور -لازم تكونين مجتازه قياس - معاي ورقة موافقه عمل ) والحمدلله كلها معاي وماعندي مشكله عل التجربه

باشرت وحسيت ببعض الضغوط النفسيه من التعامل بس قلت عشان الجو جديد ( مع ان معاي خبره سنتين )
اول اسبوع داومنا فيه خلونا نزين الصاله - ونزين الفصول ( سألناهم نشتري الاغراض ونعطيكم الفاتوره قالت المديره لأ كل وحده تزينفصلها من عندها )
والله ي بنات وحده شرت الاغراض ب 350 (اغلبها تجليد للطاولات والباب ) ووحده مصريه 150 اتوقع صرفت
ولازم خلال هالاسبوع نخلص تزيين الفصول .. وانتهى الاسبوع ع خير
بالاسبوع الثاني بدأ جزءجديد اللي هو فصل المعلمات
بعدين فصلو وحده ( مشرفة طلابيه وتدرس اجتماعيات خريجة جديده جامعة الامام ) بحجة ان الموجهه رفضت شهادتك وانك ماتدريسن الا ابتدائي !!

بعدين فصلو مصريه معلمة علوم بحجة ان الموجهه رفضت ان المادة تدرسها اجنبيه ( مصريه )

بعدين نادو المستجدات ( انا ومعي معلمتين )
واعطونا ملاحظاتهم عننا ,, وانهم كل يوم يسوون جرد لكل تحركاتنا ويسألون حتى الامهات عشان يقيمونا بذمه ومايظلمون احد ع قولتهم
ملاحظتهم ( كان فيه معلمة مستجده قالت انها مجتازه قياس ولم طلبو ورقة تثبت اعترفت انها ماجتازت وهذا اللي زعلهم )

اخر الاجتماع قالو .. بعد يوم او يومين راح نبلغكم -- لا تداومون الا اذا دقينا عليكم !!

طبعا صار لي اداوم بالمدرسه اسبوعين

جاء بكره -- وقالو اليوم اذا مادقينا عليكم العصر لا تدامون باكر زي ماتفقنا ( والله ماخبي عليكم سودت وجيهنا ) وهم عااادي عندهم

استنيت العصر مادقو لييييين المغرب

دريت اني انفصلت -- راسلت المصريه قلت ابي حقوقي قالت اذا جاء الراتب ادق عليك

طبعا ماسولفت لاحد لييييين اسالهم

لم رحت استلم حقوقي _ قلت انتم خلاص فصلتوني - وانا الحمدلله وقف لي الله بنت حلال لم جت تترك وظيفتها علمتني اقدم -وتوظفت

بس السبب ورا الفصل لانكم قلتو بالبدايه اذا سويتي اي مخالفه خلال ال3 شهور لنا حق الاستغناء عن خدماتك
وش مخالفتي عشان اتفادها بوظيفتي الجديده - انا كنت عامله جهدي - حتى تاخير حضور ماسجلته من داومت
وماني عارفه وش خطأي

قاعده تقولي / هذا رزق ماهو مكتوب لك - ارضي بقدر الله

ممكن من غير سبب عااااادي -- هذا رزق مش ليكي !!

اقولها من الشروط لازم مخالفه - وانتم قلتو كل يوم تسوون جرد لتحركاتنا وتقيمونا عليها

تقول انتي ( عملاها مشكله لييييه !! )

هوا رزق مش ليكي ,, قلت انتم ضريتوني
اداوم اسبوعين لين اكتفت جميع المدارس باحياء جنوب وغرب الرياض - وتستغنون عني بلا سبب ! وتقولون رزق .. الا هذا هو الظلم

واقولها الان حسبي الله ونعم الوكيل

والحمدلله بالاول والاخر اللي وقف لي بنت الحلال وتوظفت بعد ما يأست وتحطمت

اختي الله يسعدك ارسلك ع الخاص
بس شكلها ماتروح ؟

كنت بسألك اي مرحله الاحتياج
يعني اول , ثاني , ثالث , رابع .. ؟

بايكرز · #**11155** (**permalink**) 15-09-2015, 04:53 PM

صباره

لك رساله ع الخاص

ساره بنت ماما · #**11156** (**permalink**) 15-09-2015, 05:59 PM

اقتباس:

المشاركة الأصلية كتبت بواسطة بايكرز

صباره

لك رساله ع الخاص

بايكرز ماقدر ارسل لك لان مشاركاتي م وصلت 30 👀
استلمت رسالتك بس ابي سألك للحين عندهم الاحتياج ولا لا
لاني يمكن ماروح لهم الا الخميس انا حالياً خارج الرياض

اشراقه الغد · #**11157** (**permalink**) 15-09-2015, 11:55 PM

ابحث عن وظيفه شاغره في مدرسه اهليه تكون قريبه من حي اشبيليا الحماء اليرموك او الاقرب فالاقرب لحي اشبيليا
التخصص لغة عربيه وخبره خ سنتين للمرحله الابتدائيه اود ان يكون الراتب 5000على النظام الجديد
ساعدوني جزاكم الله خير ولكم دعوه بظهر الغيب شكرا

نستغفرك ربنا · #**11158** (**permalink**) 16-09-2015, 10:18 AM

اقتباس:

المشاركة الأصلية كتبت بواسطة اشراقه الغد

ابحث عن وظيفه شاغره في مدرسه اهليه تكون قريبه من حي اشبيليا الحماء اليرموك او الاقرب فالاقرب لحي اشبيليا
التخصص لغة عربيه وخبره خ سنتين للمرحله الابتدائيه اود ان يكون الراتب 5000على النظام الجديد
ساعدوني جزاكم الله خير ولكم دعوه بظهر الغيب شكرا

أقرب شي عندك تقريباً مدارس المنر الأهلية مع إني جربت تعاملهم وكان للأسف سيئ
بس سوي بحث بقوقل عن المدارس اللي بهالأحياء وبتحصلين تقريباً هي قليلة
بالتوفيق لي ولك الله يفرج عالجميع

مؤسسه تعليمية · #**11159** (**permalink**) 16-09-2015, 12:50 PM

اقتباس:

المشاركة الأصلية كتبت بواسطة اشراقه الغد

ابحث عن وظيفه شاغره في مدرسه اهليه تكون قريبه من حي اشبيليا الحماء اليرموك او الاقرب فالاقرب لحي اشبيليا
التخصص لغة عربيه وخبره خ سنتين للمرحله الابتدائيه اود ان يكون الراتب 5000على النظام الجديد
ساعدوني جزاكم الله خير ولكم دعوه بظهر الغيب شكرا

مدارس اجيال احضارة القسم الابتدائي يحتاجون لغة عربية في المونسية شارع البارقي قريب من قصر الذكريات

مؤسسه تعليمية · #**11160** (**permalink**) 16-09-2015, 12:55 PM

نصيحه لأي معلمه في مدرسة أهليه
لا تسكتين عن حقك اذا سكتي راح يستغلونك فيه عقد بينكم واذا مارسوا اي مخالفه شكوى لمكتب العمل وهو راح ياخذ حقك ويطلع عيونهم
مكتب العمل صار متحرك مو زي قبل