02-11-2010, 07:26 AM
|
عضو مهم جداً
|
|
تاريخ التسجيل: Mar 2010
المشاركات: 661
معدل تقييم المستوى: 3702
|
|
اقتباس:
المشاركة الأصلية كتبت بواسطة مطرح الجنون
انا مقدم على معهد الدراسات ونسبتي غصب يقبلونها بس حبيت استفسر هل الدراسه متعبه والترقيات كيفها وذا خلصت الدراسه وش الرتبه والدوام جزئي ولا استلامات والراتب كم يكون اول مربوط مع البدلات تكفووون همتك يا ذيابه لني والله متردد ادخل ام لا ادخل وهاذا الامر يتعلق بردودكم
|
السلام عليكم اخوي انا بقولك هالكلام لك ولأخواني الأعضاء بس قسم بالله مو عشان ابي اقطع رزقكم بس انتوا طلبتوا الإستشارة وانا بعطيكم اللي اعرفه ميه بالميه
اول شي : شوف الدراسه متعبه لانك بعد دورة الفرد الأساسي وهي 3 شهور تتحول الى طالب اعدادي ومعنى اعدادي هي انك تدرس انقلش تقريبا سنه ونص وطبعا كل يوم تنام الساعه 9 العشاء وتصحى 3 الفجر لمده سنتين و8 شهور واذا نجحت باللغه تتحول الى المرحلة المتوسطه وتقعد فيها 6 شهور وبعدها تنتقل للمرحلة النهائية وتقعد فيها 6 شهور وكذا يكون خلاص تنتظر موعد التخرج وتتخرج ويعطونك اجازة 10 ايام وبعدها تباشر دوامك بالقاعده اللي عينوك فيها
ثاني شي : سالفه الراتب كان من 6700 الى 7000 ريال هذا الراتب باكثر التخصصات الا تخصص واحد نسيت اسمه هذا على ما اعتقد مراقب جوي او مدري شنو نسيت معناه بالعربي بس هالتخصص تصك فيه حول 8000 ريال
بس الحين مع الزياده الجديده حق زيادرة الراتب على ما اعتقد ان زياده وكيل رقيب 400 ريال وشوي يعني الراتب بيوصل 7200 ريال بالراحة
ثالث شي : الدوام يا طويل العمر دوام عادي من 7:30 ص الى 2:30 مساء طبعا ايام الإسبوع بس وخميس وجمعه بجيبك واضف على هذي ان عندك اجازات اسبوع في رمضان واسبوع في عيد الفطر المبارك واسبوعين في الحج و10 ايام اضطرارية
رابع شي : الترقيات شوف حبيبي الترقيات اول بالقاعده كانت ماشية والحين انا بقولك على الكلام وانا واثق لان اخوي خريج معهد الدراسات الفنية من دورة 67 وهو الحين بالطايف وعلى كلامه لي يقول قسم بالله الترقيات اول كانت ماشية لكن الحين تغير الوضع من كثر ما يخرجوا طلبه كل سنه صارت زحمه على الترقيات واكثرهم وكلاء رقباء يقولي قسم بالله واحد من اخوياني من يوم ما تخرج من المعهد الى الحين له 6 سنوات باقي وكيل رقيب ما ترقى من كثر اللي طالبين ترقية واخوي للحين شوفه رقيب اول ويمكن يعلق رئيس رقباء السنه الجايه وترى للحين وربي خدمته تقريبا 20 سنه وباقي ما علق رئيس رقباء
اتمنى اكون اني افدتك يا اخوي بس والله الكلام اللي قلته مو من راسي من كلام اخوي هو اخبر مني ومنكم بالقاعده حتى السنه اللي طافت بغيت اقدم فيه قالي وربي ان قدمت لا احش رجولك انتظر اي قطاع غير المعهد لانه صار خاايس
وانتوا احرار كل واحد حر بإختياره ومستقبله والله يوفق الجميع يارب
التعديل الأخير تم بواسطة عاطل ومواصل ; 02-11-2010 الساعة 07:29 AM
|
العرض العادي
