ناوية افتح مشغل باذن الله
تجميل وتصوير فقط
ابغاكم تساعودني بخصوص التكاليف
لو ابغى ابدأ بشي بسيط
مثل كرسين لصبغ الشعر والقص
استشوارين
كرسين الخاصة بالمكياج
فيا ليت الي عنده فكرة عن الاسعار او الانواع او اي شي يفيدني يرد علي
والى ما يعرف يرفع موضوعي الله يرفع قدرة

تحياتي للجميع

حتى انا ابغا اعرف

رفـــــــــــــــــــــــع
الله يوفقك

خذي لك واحد جاهز للتقبيل احسن لك

بس حطي في بالك ان المشغل يبي له صبببببببببببببببر <<<مليون باء : )

ويبي له مراقبة العاملات واشراف بنفسك

الله يوفقك يارب

لو كان فيه محل في منطقتك روحي شوفيه بنفسك وإسئلي



مجرد سؤال او لما تشوفين الشي بالواقع ممكن تطلع لك افكار جديده




وربي يوفقكـ ويرزقكـ إن شاء الله

شكرا للجميع

الله يعطيكم العافية

حبوبة انا مممكن اعطيكي كل الي تبينه بحكم اني خبرة سابقة

اول شي تحتاجين اتوقع رخصتين لتجميل ولتصوير

بالنسبة للاغراض روحي محلات تجهيز الصوالين وارخصها محمود سعيد لو كنتي في جده
الممكياج عندهه افضل ماركة وهي بيل فيساج اظلال رائعة نفس فور ايفر الافضل تاخذين من عندهم الاظلال وتاخذين الاساس وتوابعه من كريولاين

كمان تاخذين من عندههم الاجهزة الي تحتاجينهاا مثل جهاز الواكس حق الحلاوة الاستشوار
وطبعآ خذي الاستشوار على عدد العاملات يعني يعني مثلآ لو موجود فقط عاملة وحدة خذي اثنين واحد لها واحد احتياط لو انحرق هاذا فجاءة يعني على عدد العاملات زايد واحد

المرايات ممكن تسوين تفصيل شكلها ارقى وافخم ومميزة اكثر وكمان ممكن تصبغين الصالون وتحطين مرايات تفصيل على شكل مميز وحلو

والكاميرا تقدرين تروحين البلد وعمارة الكورنيش فيهه هناك الكاميرات والعدسات والمظلات والفلاتر وبااسعار حلوة طبعآ الفلاتر ممكن تاخذين واحد او اثنين نفس حق التصفية لان الكمبيوتر صار يسوي كل التاثيرات معاد يحتاج فلاتررر

واكيد بتحتاجين لاب توب

اما اذا كنتي بتحمضين الصور عندك في المشغل بتحتاجين معمل والمعمل مكلف جدأأ حوالي اربعين الى ستين الف << حسب ماسمعت سابقأ

لاكن مبدئيا ممكن تستعينين بطابعة صور بروفيشنال او انك تتعاملين مع استديو قريب يطلعلك الصور وتخلينه لصور الاطفال وصور النساء تطبعينها عندك


واتمنى لك التوفيق واي خدمة انا تحت امرك

موفق بإذن الله ... لك مني أجمل تحية .