السلام عليكم ورحمة الله وبركاته

قصيدة لا أعلم من قائلها

ولكن انا اشهد انه شاعر

[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/.gif" border="groove,3,silver" type=0 line=0 align=center use=sp num="0,black""]
غثا.. وش هالغثا؟ ..كل القصايد عن غلا الاسعار=طبيعة ربعنا ..لا قال شاعر ...رددوا زيه

ترى غثيتمونا بالحكي يامعشر الشعار=وانا خابر قصايدكم ...خجوله وانهزاميه

على ثالوث الاشعار المقدس تكمن الأخطار=سياسات الدول ...والجنس... والذات الإلهيه

واشوف اكثركم اليومين هذي....صار دمه حار=غلاء الرز ولّد فيكم الروح القتاليه

نصيحة جربوا كبسة شعير مكشنه ببهار=اهي فرصه تخف كروش بعض العالم شويه

ولكنّ البلا حتى الشعير الزين سعره نار=وساوتنا البهايم في الغذا ...قيمه ونوعيه

ويمكن تسمعون من البهايم جملة استنكار=هذي عيشه ... هذي عيشة بشر في وسط محميه

ما دام إنا نثور بدون ما نفهم مع اللي ثار=ابفهم بس ... ليه افكارنا ضحله وسطحيه

ولا يهرف بما لا يعرف ..إلا واحدٍ ثرثار=يصيح بشي ما ينفع .. ولاهو ذات اهميه

تروّوا وافهموا ..ما للحكومه ذنب في اللي صار=ولا في يدّها تخفيض الاسعار الخرافيه

صحيح إن التجاره تاخذ الموضوع باستهتار=ولا لحماية المستهلك أي ادوار فعليه

ولكنّ اقتصاد العالم .. بخبرة يهود ..يدار=وهذا اللي حصل لعبة سياسات اقتصاديه

طبيعي يرتفع سعر البضايع... فرصة التجار=لأن النفط لقمة عيش ... واسعاره خياليه

انا اذكر يوم كان النفط سعره بثنعش دولار=وكنا عايشين بفضل ربي في رفاهيه

وصارت عائدات انتاجنا ضعفين للمقدار=بديهي حصة الفرد اصبحت 200%

تفائلنا بخير وطار منا بالفرح من طار=ولكن للاسف باقي الرواتب زي ماهيه

تقسّم راتبك مصروف يومي ..ما يجيب فشار=مع فرق اتساع محيط الاشياء الاساسيه

لذا ...تحسين وضع الفرد واجب ..مطلب استقرار=لتحقيق التوازن حسب الاحوال المعيشيه

واذا ما حسّنوا وضعك .. فلا قدامك أي خيار=سوى انك تنحرف وتصير من ضمن الحراميه

أنا في رأيي إن اللي فقير بهالزمان ..حمار=مسوي لي مثالي ... خلّ تنفعه المثاليه

لو انه يفهم اصبح ما يفكر غير بالمليار=ولا يبغي لها مجهود ... شغله بهلوانيه

بسيطه ... كل مافي الامر يفتح شركة استثمار=يقدم للتجاره بأنشطه وأوراق وهميه

ويستعرض بمكتب كل قطعه فيه (سفن استار)=ويغري هالغلابه بالعبارات الدعائيه

يلاقي بالهبل .. هبلان زيّي .. معسرين افكار=يجونه ينفضون جيوبهم ... ياحي هالجيه

يلم من الدراهم لين ما يشبع ..بسطر إقرار=وتحت السطر .. دمغة ختم تعكس طيبة النيه

يحط لهم سكرتير اجنبي يعرف يجيب اعذار=وهو يجرد بهم ... واللي ورط ياكل ملوخيه

وحتى لو يفكر يشتكي .. ماغير اكل مشوار=لأن وريقته لمؤوسسة ماهي نظاميه

يقولوا له... تصوّر جنبها ياحلو.. للتذكار=ترى القانون ما يحمي المغفل يا افنديه

ينقّعها ويشرب مايها ع الريق سبع مرار=مناعه جيده ضد الدلاخه وبـفعاليه

ويرقب كل يوم اثنين وش تحمل له الاخبار=ولا ينسى يقول الله يعزك يالسعودية
[/POEM]

قصيده جميله
ومعبرة
صح لسانك وتسلم يمينك

تجنننننننننننننننننننننننننننننننننننننننننننننننن ن بجد تسلم اليديين

ممتاااااااااااااااااااااااازه // صح لسانك

صح لسان الشاعر


وتسلم على النقل المميز

__________________
ومن يعمل من الصالحات وهو مؤمن فلا يخاف ظلما ولا هضما

صح لسانه