مرحبا يامعشر الشباب والصبايا

من منا لايريد المال لقضاء حوائجه اليوميه

نفسي في حاجات كثيره الحين

حرمت منها بسبب الحال الذي جمعني وإياك في هذا المتنفس

للبحث عن اخبار الوظائف

وبما انني في انتظار وزارة الخدعه المدنيه يتكرمون علي انا وباقي الشباب يطلعون ترشيحنا

عاد بتخيل مثل ماراح تتخيلون معي ( وش نفسك فيه حالياً وحدك الأئتماني 20 الف بس )

أن قدامنا بوك البطالة

تدعكه ويطلع لك فضل أو سطل كوسه

ويقولك وش تبي بــالـ 20 الف يابو وبعطيك اياها ؟

صفوا بالدور ياجماعه ببدأ انا أول شي

خلوني اطلع اللسته

ملابس وعطورات 2500 ريال

جوال جديد 2300 ريال (لأني زهقت من ابو كشاف)

لابتوب جديد 4500 ريال (زهقت من صوته اللي كنه كنداسه ددسن هو ومروحته)

اشترك سنه في موبايلي برودباند حول 2000 ريال ( لأنه صار لي 4 شهور شابك على الجيران )

صيانه للسياره 2000 ريال

كفرات جديدة 1400 ريال

1500 ريال بطاقات سوا

بسسسسسسسس هذا اللي نفسي فيه الحين والباقي 3800 ارجعها لبوك البطالة << مصدق



يالله اللي بعدي هات طلباتك .


سي يو

ألف مبروك .. لقد سعدت بهذا الخبر

الله يوفقك ويرزقك

اما ابو كشاف حلو ويصبر له معي الحين تقريب السنتين مشاء الله اطلق من البلاك بيري