السسلام عليكم ورحمة الله وبركاته ،

كيـفكـم إنشآءالله تمإم

شباب اي واحد عنده مستجداات يطرحها لنا هنا

الموعد باقي نفس الموعد بعد العيد او اجلوه ، كم الرواتب ، ما هيا الرتبه ، مدة الدوره

شباب الي عنده اي معلومه يطرحها هنا عشان النااس تستفيد ، تحيآتي لكم متقهوي

هلا متقوي كيف حالك ؟
الموعد ما تغير قالوا لنا تعالوا اول يوم في الدوام 12/16
انا عن نفسي ماني ساكن في الخميس وإلا كان كل يوم واخر اسير عليهم واشوف
نتقابل ان شاء الله يوم 16/12
اما عن الرتية والراتب ومدة الدورة ماعندي علم ياخوك ابد
انا قالولي روح قدم في المدفعية رحت والحمدلله انقبلت فيها ولا عندي اي خلفية عنها

السلام عليكم شباب كيفكم الموعد باقي ما تأجل بعد العيد 16/12 يوافق الاثنين على ما اظن .
اما الدوره على كلام نااس كثير 9 شهور والمكافاه 900 ريال لانو كانت زمان 700 بالمتوسط .
الرتبه الظاهر والله اعلم انها جندي وفيه واحد تخرج السنه الماضيه اعرفه تخرج جندي وعينوه بحفر الباطن ومرتااح وفاالها .الراتب بعد الزياده 3025 اساسي و900 صنف 250 شهاده ثانويه و400يسموهنا بدل نقل وهذي الظاهر في الالويه مثل اللواء الرابع الثامن وكذا اضافه الى 500 الاعاااشه وهذي الظاهر للمتزوجين مع ان اغلب العسكر ما خذينها وهذا الراتب اكيد انشاء الله والله اعلى واعلم .
ويا رب اكون افدكم ولاتنسوني من دعاكم .

موفقين باذن الله

السلام عليكم ورحمة الله وبركااته
كيفكم شبااب وكيفك شبعان بطااله . ردا على سؤالك اتوقع باقي اوراق بسيطه من متطلبات الدوره والتوجيه الى الدوره وميعاد الحضور والخ... لا كن كلها تنتهي باسبوع لجميع المتقدمين انشاء الله لاكن جميع اوراق القبول انتهت ورفعت للي خلصوا الي المدفعيه .
وماعاد الى خير يا رب. ويا رب يوفقنا جميع. واي استفسار انا تحت الطلب .

مساك الله بالخير اخوي علي حاب اسألك عن الراتب صافي بعد الزياده والاعاشه للمتزوجين فقط والا كمان للعزاب عشان اسمع كثير من الشباب قالو لنا يعطونكم جندي اول بعد الدوره صحيح ولا لا

مساء النور اخوي ويلي الراتب صافي انشاء الله راح يكون تقريبا من 5100الى 5300وبالنسبه للاعاشه الظاهر للمتزوجين والعزاب ايضاا على ما سمعت . الرتبه سمعت انها جندي لاكن اتوقع انها جندي اول او راح يكون هناك جنود وجنود اوائل وما اعرف طريقه التفاضل بينهم لانو ناس دخلوا الدوره جنود ولما جاء وقت التخرج اعطوهم جنود اوائل.

موفقيين بإذن الله ...