مساء الخير للجميع ,بماأني جالس في الرياض اليومين هذي نقزت الساعة 8,30 للمقر الرئيسي اللي سوينا فيه المقابلة وحدث مايلي :

قابلت العسكري عند الباب اربع اشرطة وقالي وين قلت له ابغى شؤون الموظفين قال وش عندك قلت له اسمي نزل من ضمن المقبولين في وظائف كتاب الظبط وابغى استفسر قال طيب اتصل عليهم مااحد يرد طيرت العين عليه وقلت يااخي وش يبي يظرك كله كم سؤال وانا ماشي بعدين على طول عطيته نظره عاطفيه حزينه خخخخخخخ,قالي يله ادخل على الجهاز والدور الاول قلت ابشر ,طلعت فوق حصلت المسؤول بشؤون الموظفين قلت الله يخليك طول بالك معي عندي الله لايهينك كم سؤال وعطيته نظرة براءة قالي تفضل :
س :الاسماء اللي نزلت بالموقع يعتبر قبول نهائي ولاكيف ؟
قال بالنسبة لنا ايه يعني احنا نبغى العدد هذا وهذولا من عندنا خلاص مؤهلين نقوم برفع الاسماء لديوان الخدمة المدنية وهم يعينون هل حسب عدد الوظائف المتاحة الميزانية والخ
نزلت راسي للارض غصب علي وقلت كيف يعني هم يرشحون على اي اساس قال :ماادري هذا شغلهم على حسب الخبرات والمعدل والدرجات في المقابلة والاختبار
س:قلت طيب بالنسبة للتعين كيف يكون على اي اساس؟ قال على حسب الرغبات اللي سجلتوها وبرضه هذا من اختصاص ديوان الخدمة..
س:طيب طبيعة العمل المسائي سمعت انه فيه عمل مسائي ؟قال ايوه ممكن تجلس ستاند باي يعني تحت الطلب اربع وعشرين ساعة تروح مع المحقق في اي ساعة يتصلون بك حتى لو اخر الليل واحتمال مايتصلون وتاخذ مكانها اف 48 ساعة..
هذي الاسئلة اللي قدرت عليها طبعا كنت مجمع له اسئلة بس بصراحة انصدمت وتبخرت...
طبعا مايعني هذا عدم القبول بالعكس الامور تبشر بخير ومادام وصلنا للمرحلة هذي باذن الله ابشروا بالوظيفة ,اسال الله للجميع التوفيق..
والله والله ماقصدي اكدر خواطركم بس فيه احدممكن يستفيد من هالكلام....

هذا ماحصل ولاادري هل كلامه صحيح ام لا لكن هو مسؤول وحسيت من كلامي معه انه جدا فاهم وواثق...