[poem=font=",7,black,normal,italic" bkcolor="transparent" bkimage="https://www.btalah.com/mwaextraedit2/backgrounds/186.gif" border="double,3,black" type=1 line=1 align=center use=sp num="0,black""]
تعبت من كثرة التفكير وأبعاده=كثرة تفاكير فكري وين وداني
أحاول أطلع من الروتين والعاده=أكبر فرح صرت أشوفه أكبر أحزاني
واحيان اقلط عدوي فوق سجاده=وأرضيه وأزعل الطيب من أخواني
زعلت من يعتبرني قوة إسناده=لو ماقدرت أزعله وأرضيه بالعاني
ماكان شفت الزمن في عيون حساده=ولا عرف ليه أبيع العمر مجاني
مالوم بعض الصدور تصير جحاده=لاصرت أبي ضحكة الطيب وبكاني
تخطي علي الخطأ أشوفه إفاده=ويزيد قدرك وأشوفك واحدٍ ثاني
اللي كسب تجربة عمر الشقى ناده=وإن قال لي كان ودي بس ما أمداني
بعلمه ليه للمنقود نقاده=وبعلمه كيف رب البيت نجاني
أبيات شعري تجي في الراس منقاده=أكتبها في الشارع ويبكون جيراني
اكتب قصيدي ولا أبغى كلمة إشاده=كم واحد قد مدحني قلت غلطاني
لازم تعيش العمر ميتين وزياده=عشان تفهم وش اللي قاله لساني
أعيش عمري مع التفكير وعناده=واعيش بعناد راسي لاتحداني
[/poem]