سمعت ببيت شعري للشاعر الكبير ضيدان بن قضعان ...


فلفت إنتباهي وأحببت أن أكتب نص يعكس نظرية بن قضعان بأن نسمات الجنوب هي


النسمات المحملة بالرطوبة المأخوذه



من رذاذ الضباب ...


الشطرلابن قضعان هو (ياوجودي كل ماهب نسناس الشمال)...




ياوجودي كل ماهبّ نسناس الجنوب


وجد بن قضعان لاهب نسناس الشمال





وجد من شاهد من البعد دخان وشبوب


وجد قناصٍ يشوف الحبارا والغزال





وياوجودي وجد عاشق عشق بنتٍ لعوب


وجد من هو شاف لــه برق واغيومٍ تخال





وياوجودي وجد راعي غنم شاف النصوب


وجد من شاهد برد منتثر فوق التــــــــــلال





وجد من يبني له قصور مافيها عيوب


لادخلها حسّ بالأمن والرزق الحلال





لهفة المضرور لاراح من داره هــروب


تارك بلاده وربعه لسطو الاحـــــــــتلال





وجد من هو شب جسمه وفي وجههه حبوب


وجد شيخٍ حايرٍ لافقد لام الـــــعــــــــــــيــال





آه ياويلي على من سلب لـــبّ القلــوب


استحلّت مركـز العــزّ في حسن الجمال





فاتنه ريّانة العود مافيها عيـــــــــوب


خصّهـا الخالق بكل المعـــاني والكمال





تجعل قلوب المحبين بالنظره تذوب


تفتن اللي شافها صار في عقله هبال





لو تمس الورد بيدينها عطره يجوب


يكتسب من مسكة ايدينها برد الظلال





تسحر الشاعر وتجعل لحاسيسه عطوب


وتجعل الرسام لاشافها رام الخــــــــيال





وجهها لاقابلت كنّهـا شمس الغروب


ويلها تكوي وتذبح ولا تعطي مـــجال




كلمات/ صالح أبو غريب...


تحــــــــياتي
خيـــــــــــال
شهـــــــــــران