السلام عليكم

يا اخواني الكرام نظرا للتساؤلات الكثيره احب اوضح بعض النقاط والاخوان اللي راحوا وشاهدوا الوضع يأكدون صحت كلامي في الردود السابقه .. << لا تقولون مغرور لا والله موب قصدي لكن احب تكون المعلومه من مصدر .. وانا مــصــدر ..

اولا : الموقع في تبوك اول ما تدخل تبوك اسأل عن المدينه العسكريه وتوجه الى مابين البوابه رقم 1 والبوابه رقم 2 تلقى لوحه مكتوب فيها (( مركز ومدرسة المظليين وقوات الامن الخاصه )) لف معها يمين تلقاهم بوجهك ...

ثانيا : ما يخص الطول والوزن ذكر احد الاخوان انهم يطبقون معادله الطول والوزن وهذا الكلام غير صحيح ... الامر زي ماهو واضح في الاعلان (( الطول لايقل عن 168 والوزن لا يزيد عن 80 ولا يقل عن 50 )) يعني لو يجي واحد طوله170 ووزنه 45 لن يقبل ..

ثالثا :الرتب حسب المؤهل الدراسي وقد سبق ان وضحتها في احد الردود بالتفصيل فارجوا من الجميع مراجعتها وايضا اضفت لها سلم الرواتب والزيادات فسأجيب عن تساؤل احد الاخوان عن راتب الرقيب بعد الزيادات اول سنه فقد يصل الى 8000 ريال تقريبا ويزداد كل سنه حتى اعرف احد الرقباء يستلم 13000 ماشاء الله تبارك الله ..

رابعا : اللجنه المشكله من افضل اللجان اللي مرت وانا وقفت على عملهم بصراحه مرتبين وعملهم جميل جدا .. وكل عمل يالربع يعتريه القصور مهما صار .. لذلك التمسوا لهم العذر وللمعلوميه ترا عددهم 5 او 6 فقط .. والاعداد اللي تقدم كبيره قد تصل في اليوم الى 100 شخص ..

خامسا : الحضور يجب ان يكون بدري عشان ما تظطر انك ترجع من بكره ..
وبالنسبه للي يسأل هل يوم يكفي اقوله ما اتوقع لان احتمال يرسلونك على اللجنه الطبيه وتخلص مره وحده ..

اتمنى اني قدمت المفيد وتقبلوا فائق احترامي وتقديري