21-12-2010, 01:54 PM
|
 |
عضو مهم
|
|
تاريخ التسجيل: Mar 2010
المشاركات: 200
معدل تقييم المستوى: 44
|
|
قصيدة البطالـه
يومي اليا طل الصباح وتبّسم=
واحيا شعاع الشمس صوت العصافير
انا صباحي في عيوني تجهّم=
احباط يرميني طريق ومشاوير
رث الملامح من زمانه تعّلم =
ان الامل طيرٍ رمته المعاذير
حظه الياقال انتخيلي تبّلم=
اردف ترى بعض الاماني مخاسير
عاطل وابروي قصتي واتكلّم=
مع ان وضعي مايبيله تفاسير
خريج واحلامي سمو المعلّم=
وكنت انتظر فرحه نجاحي على خير
اربع سنين ارقى على المجد سلّم
=مواطن ازرع لليالي تباشير
جهد وتفاني في طريق التقّدم=
اسابق الدنيا واقول المقادير
لابد ترضي شخص كافح وقسّم=
وقته مابين المكتبه والطباشير
يبني امل مشروع لكن تهّدم=
هبت عليه العاصفه والمعاصير
ريحٍ تهبه بالتعب وين يمم=
حتى سقط غصن الفرح للمحاذير
عاطل وبرجي من علّوه تحطّم=
احيا بطاله ياوطن منطقي غير
غريب يرتاد الضياع المنظم=
ماعادله بعيون الاحساس تقدير
عاله بلامعنى طموحه تيتم=
مابه جديد ولاحصل فيه تغيير
اصرخ بصمتي لين جرحي تظلّم
=كنه يقول العمر خدعه وتزوير
فيك اتباها ياوطن واتوسّم
=وشلون وانت الملهم الغالي الغير
عندي ولاك ان قاله الله معظّم
=ياموطني كلي ولاءدون تفكير
نموت بارضك ننجرح ونتآلم=
ونرددك غنوه مع الغيم والطير
لكن انا فيني ظروفي تحكّم
=فقير يدفع للبطاله فواتير
واليوم هذا ياوطن لوتكرّم=
محتاجلك خذني كرهت المشاوير
ان شفتني فاقد حنانك تبسّم=
من بسمتك غنا الشجر للعصافير
من القصايد التي صورت حال العاطل والبطاله بشكل محترف
للمبدع سعيّد العمودي
منقول
التعديل الأخير تم بواسطة شاعر نجد ; 21-12-2010 الساعة 02:00 PM
سبب آخر: ذكر اسم الشاعر
|
العرض العادي
