10-11-2010, 02:19 PM
|
عضو جديد
|
|
تاريخ التسجيل: Aug 2010
المشاركات: 28
معدل تقييم المستوى: 30
|
|
ياما قدمت على وظائف وماانقبلت وصدقوني شيء عادي عندي
لكن ديوان المتاعب يوم عرفت النتيجه زعلت بصراحه !
يااخوان بالعقل طالبين 930 شخص على عدد الوظائف صح
طيب ليش تقبل تقريبا 12 الف ؟؟
اقلها اقبل الفين بس
مو معقوله الكل جاب نفس الدرجه مثلا ومسوين فيها عدل وقبلتوا هالعدد الخيالي !
اللي يجيب الدرجه الكامله مثلا من 100 يدخل المقابله الشخصيه
اذا مافيه احد جاب 100 ينزلون لـ 99 ,98 ,97 ...الخ
واقبل عدد معين مو 12الف مره وحده !!!
والنتيجه اخرتها مصاريف بين طيران وليموزينات وفنادق !
والله عيب اللي سووه بالناس ..لو كان واحد منهم عنده ولد عاطل ومايقدر يصرف عليه مايرضى
يصير لولده هالشيء
شكرا ديوان المظالم < اصحاب الفنادق
شكرا ديوان المظالم < الطيران
شكرا ديوان المظالم < سابتكو
شكرا ديوان المظالم < الكدادين
شكرا صديق ديوان مزالم< الهنود والباكاستنيه ..تكاسي الرياض
-----------
ترى مو عيب انكم تخطون لكن العيب المكابره وعدم الاعتذار
الحين جت بعضنا رساله على الايميل تفيد بقبوله !
انا بعرف كيف عرفوا ايميلات المقدمين ؟ من وصل لايميلك وصل لبياناتك الشخصيه
والله انها كارثه ويجب عدم السكوت عليها وديوان المظالم مطالب بالتوضيح وعلى موقعه الرسمي
اقلها يقدمون لنا اعتذار عن تسريب ايميلاتنا لاشخاص مجهولين !
---------
كلنا ولله الحمد نرضى باللي قاسمه لنا رب العالمين بس الله ماقال اسكت عن حقك
عمرنا ماراح نتطور اذا كان كل شيء نقول عنه ارضى باللي قاسمه لك الله
لازم اللي يشوف خطأ يحاول يصححه ومايسكت عنه
يعني يجي واحد ويسرقني وافتح فمي واقول يله هذا المقسوم ولا اروح اقدم شكوى ولاهم يحزنون !
---------
سبحان الله مع انهم غير مسلمين لكن الواحد لاشاف ظلم او اخطأ بشيء يقدم استقالته ويطلع بالعلن ويقدم اعتذاره
سبحان الله ولاشفت اي مسؤول عندنا يقدم اعتذاره او استقالته على خطأ ما ..معقوله مافيه اخطاء
-------
ربما ان الشيخ الثالث سيقدم استقالته قريبا !
|
ديوان المظالم الاختبارات التخصصية
أسئله مهمه جداً بشرى خير أنشالله لوظيفة مشغل أجهزة حاسب في جده 
العرض العادي
