مبروك لجميع المقبولين

وحظ أوفر للباقين

انا واحد من المستبعدين في اخر مرحله بس لـ الامانه كلمة حق في مسابقة ديوان المظالم انها كانت مسابقة نزيهه ماراح اقول بنسبة 100 % لاننا في السعودية لكن والله العظيم اتمنى جميع الجهات الحكومية واولها وزارة الخدمة المدنية ان تجعل طريقة ديوان المظالم في التوظيف قدوة لها في المسابقات القادمة

- استقبال المتقدمين آليا بكل بساطه وسجل بياناتك انت وذمتك
- تحديد اختبار تحريري بصراحه متفوقي المرحلة الابتدائيه ينجحون فيه
- مقابلة شخصية لمعرفة سلامة حواسك الخمس
- اختبار اجادة حاسب آلي ابجديات التعامل مع الكمبيوتر


شكرا ديوان المظالم

شباااب


قررت اقلب الطاولة على الشركة الي انا شغال فيها


قبل اسبوع استاذنت منهم اجازة ٥ ايام اظطراريه عشان عندي اختبارات جامعه وسمحولي بالاجازة

الان سمعت اخبار انهم بيخصمو علي حق ال ٥ ايام

ودي اقلب الطاولة واروح اشتكيهم في مكتب العمل انهم رافضين يعطوني اجازة سنوية براتب

[align=center]يالربع من اليوم وانا اطامر من متسان لي متسان

والحمدلله كل الامور تبشر بخير

باتسر الصبح ان شاء الله تبين لي علوم جديده خاصه للاخوان العساكر

لا احد يقدم فصله اصبروا شوين لين نشوف معكم وقت لو حتى بعد تاريخ 25 يتضح لكم أكثر

مع ان كل الاخبار تبشر بخير بس ما ودنا باتسر يزحلقونكم

بالنسبه للنماذج ما يوزعونهن إلا في تاريخ 25 ومدة المراجعه خمس ايام يعني معكم وقت

لان نماذج المرتبه الرابعه غير المرتبه السادسه وبالقصيم وزعوا عليهم نماذج نفس الرابعه وعاتبوهم المظالم ليش توزعون قبل يوم 25 بالنسبه لمنطقة سكاكا ما وزعوا نماذج اخذوا ارقام الجوالات وقالوا لما يرسلون لنا النماذج الجديده ندق عليكم تجون تكملون الإجراءت

والله يوفق الجميع يارب خاصه الاخوان اللي ما نزلت اسمائهم والله العظيم اننا نتمنى لكم كل خير وكان ممكن نكون احنا معكم خارج الحسبه ولا بنا زودن عنكم بس هذي ارزاق مقسمه من الله سبحانه ان خذيناها فهي مقدره لها ومكتوبه وان ما جت فالله ما كتبها وانا اجزم ان فيكم ناس احسن مننا بس عاد هذا هو النصيب والله يرزقكم ويعوضكم خير منها والله يفرج همنا وييسر امرنا ويجعلنا من المقبولين في الدنيا والآخره يارب [/align]

قسم بالله العظيم انه ماعندي واسطة ولا ليا قريب في ديوان المظالم ولا شيخ

وانا بالمدينه وقدمت بالرياض عيبهم الوحيد فقط التاخير

ياجماعة والله ديوان المظالم مافية واسطة ولا محسوبيات ياليت كل الجهات الحكومية زيهم

لو جينا نتكلم عن الواسطة فهي (وزارةالخدعه المدنية)

وقريتوا التوائم الوظيفية وتوظيف عيال العم والاب وابنه

لكن نقول من اراد فينا سوء حسبنا الله ونعم الوكيل

نبغى حقنا ونبغى مفاضلة نزيهة من ديوان الخدمة المدنية

الف الف مبروك للمقبولين

والله يعوض على الباقين

السلام عليكم ورحمة الله وبركاته

الى الغالي الاخ

يسواااهم

بما انكـ رحت وماقصرت وسألت وزارة الخدمة المدنية هل القبول نهائي وردولكـ ايه نعم قبول نهائي ...

أرجو منكـ توضيح كل مادار بالوزارة معكـ لتطمئن قلوبنا

عسى ربي يطمن قلبكـ يالغالي ...

يعني هل كتب علينا ألا راحة ؟
أسأل الله أن يوفق من لم يُوفّق في ديوان المظالم في غيرها .
"فأضيّق الأمر ما فكرت أوسعه " !
ونسأل الله التوفيق لمجموع المقبولين ..
بالنسبة لي .. قبلت ..
ولكن - وهي حرف استدراك يا جماعة - وش الدبرة بديوان الخدمة ..
إن صح أن عدد المقبولين على المرتبة الرابعة لم يكن بأكثر مما هو متاح - وهذا ما حصل .
فأعتقد أن المرتبة السادسة كذلك .. وتعللوا بالقبول المبدئي من أجل
من لم تصح مؤهلاته .. يؤتى بغيره ..
وإلا وش تشوفون ..؟؟!
أبك ضاق صدري يا رياجيل ..
والله لو المسابقة هذي توديك جنة ونار ..
أمدانا نقضي !!
لا اللي ما طلع اسمه ارتاح ..
ولا ريحوا من طلع اسمه !
^^
بالنسبة للواسطة فلا أعتقد ..
معدلي ماهو بذاك الزود ..
فوق الثلاثة بشويات ..
وأنا ما امدح ديوان المظالم على إقامة مسابقة نزيهة ..
لأن هذا ماهو واجب على كافة الجهات ..
فما بالكم بجهة لها خصوصية وطابع حسبوي !
لكني أثني عليهم على فكرة المراحل والشخل ..ولو طالها التأخير ..
ولو كنت أول المستبعدين ..
فمن لا يشكر الناس لا يشكر الله .
موفقين .