18-01-2011, 05:50 PM
|
عضو نشيط
|
|
تاريخ التسجيل: Jan 2011
المشاركات: 157
معدل تقييم المستوى: 1103
|
|
اقتباس:
المشاركة الأصلية كتبت بواسطة موظف بالاحلام
أخوي بالنسبة لكلامك الي من عرعر عنده استعداد يتوظف بجازان .
[ بالاعلان عند التسجيل واضعين لكم الكلمة بالخط العريض ] يجيب عليك اختيار مقر المدينة .
ماهم فاضيين لكم هم يتصلون عليكم ويقبلون ناس قبول نهائي بالاخير يقولون له وديناك بقيق
ويرفض وهذا يقبل ويدخلون بمتاهات مع الناس .
وضحوا لكم [ كل متسابق يحدد المنطقة اللي يرغب العمل فيها ] والدليل بعض المناطق لم يقدم عليها أحد وهي التي لم يرشح عليها أحد والدليل عدد الوظائف ككل على المرتبة الرابعة 528وظيفة .. الي قبلوهم 444 . لأن المناطق الثانية ما أحد قدم عليها .
لذلك لاتقول لي الي من عرعر يوافق ان يروح جازان . اجيبها لك بمعنى اسهل .
طالما واضعين شرط اثناء التقديم بالخط العريض [ تحديد مقر الوظيفة ]
الي من عرعر تسابق على عرعر وجوا ناس أفضل منه من عرعر واخذوها .
____________________
وبالنسبة للشطر الثاني من كلامك .. من هم داخل المنتدى من المقبولين اقل مستوى من المستبعدين . اقول لك .. هههههه وش ينفع مستواه؟ اذا ماتمكن من اجتياز اختبار تحريري كان صميمه [ اللغة العربية والإملاء ] ؟!! وين الي تقول مستويات أعلى ؟
اللي صادق وماخذ وثيقة ماهو ولد دكتور ولا عمه دكتور بالجامعة وماخذها عن جهد واجتهاد.
ماكان حصل صعوبة بمراحل هذا المسابقة وكان اجتاز اختبار يعتبر سهل للمتخرجين من الكفاءة .فما بالك بالثانويات والجامعة .وهو الإختبار التحريري الي عملوه لكم .
واذا تشوف ان اللي بالمنتدى اقل مستوى من المستبعدين .
اقول لك اللي مجتهد بمستواه التعليمي وعنده ثقة نفس ويناقش الاساتذه والدكاتره بمسيرة تعليمة [اكيد بتكون عنده ثقة نفس وسرعة بيدهة ولباقة عندما ينعمل معه مقابلة شخصية ] صح؟
قول له اذا عديت يابو مستوى أعلى من ،من هم بداخل المنتدى الأن وش خلاك ترحل من المقابلة؟
انطوائي؟ ولا يحمر خشمك يوم يكلمونك؟ ولا كذوب ولا ؟ مدخن ولا شارد الذهن ؟
واذا تشوف ان اللي بالمنتدى اقل مستوى من المستبعدين ايضاً .
اقول لك اللي مستواه أعلى ماظنتي عايش بالعصر الحجري بعصر لايخلوا منزل من جهاز الحاسب .
اذا عدا ابو مستوى عالي الاختبار والمقابلة ؟ وش الي خلاه مايعدي من اختبار اجادة الحاسب؟ الي كان عبارة عن اشياء بسيطة جداً للمستخدم العادي ليس من معه دورات لاعادي.
تنسيق خطاب؟ واسئلة عن اختصارات اللصق والنسخ؟
ولا هذا ابو مستوى عالي .. اثناء مسيرته التعليمية ماعلموه بأن الحاسب الآلي قد دخل جميع الاعمال في عصرنا الحالي وان اجادة الحاسب الآلي اصبحت [ مفتاح] للحصول على الوظيفة .
بختصار وأنا بقول لك شغله . بسيطة انا اذا انت مفحط لك سنه متخرج او سنتين .
انا عمري الآن وصل 30 سنه .. فحطت بتقديمات ووظائف وأدرس بنفس الوقت ومعي شهادات يشيب شعر راسك منها .في كل المجالات .
ماخليت مسابقة إلا دخلتها وشاهدت تعاملهم فيها .. في المدينه في جده في الرياض في الشرقية في مكه المكرمة في ابها في تبوك . حتى الوظائف العسكرية انخرطت بتقديمها .
والذي نفسي بيده لم اشاهد مسابقة وظيفية نزيهة على مدى عذابي في التقديمات مثل ديوان المظالم.
وراح تدخل مسابقات كثيرة مثل ماقلت للأخوان بالسابق ومن أول ماتدخل راح تشوف العجب بشغل الواسطات والتعقيدات .وراح تقول ياليت ديوان المظالم يعتمد التوظيف بالمملكة بدل ديوان الخدمة.
وأنت تقول بأن المقبولين داخل المنتدى أقل مستوى من المستبعدين وأنا اقول لك .
بأن المقبولين داخل المنتدى هم ..أجدر وأفضل وأرقى من المستبعدين .
لمعرفتهم باللغة العربية والإملاء+ لثقتهم بأنفسهم بالمقابلة الشخصية+ لإلمامهم باستخدامات الحاسب.
الوظائف يا غالي .. تبحث عن الأجدر بشغلها . [ العملي ]والإجتماعي ماهو كل من جاب تقدير عالي أنقبل خلاص وصار أجدر.
لو كان كذا الوضع لكانت الوظائف كلها بالمملكة أصبحت [ ميراث ] لأبناء المعلمين والدكاتره.
والمواطن العادي مايحصل لقمه فيها .
امَ اللي أخذ معدله بالواسطة أو بالغش أو يمكن يكون مجتهد صحيح بدروسه ومعدله يستحقه
لكن مايستحق وظيفه لأنه انسان نظري ليس عملي .
يمكن يكون انسان نظري وعملي ..لكن ماهو إجتماعي ماعنده ثقه بنفسه .؟ مايستحق الوظيفة.
بختصار المقبولين داخل المنتدى يستحقون المرحلة اللي وصلوا لها 100% .
واللي أخفق . يراجع نفسه باللغة العربية أو بثقة نفسه او بستخدام الحاسب ولا يلوم غير نفسه.
وأنا عن نفسي اقول [ بيض الله وجهك ياديوان المظالم ، نخلتهم بمنخل وسقطوا أصحاب الواسطات والمعدلات العالية الي مايستحقونها ] ومابقي لديك هم الأجدر والأفضل .
تحيتي
|
هلا بك ..
أغلب ما جاء في تعقيبك يا طيب ..
هو على عبارة فهمتها أنت بشكل خاطئ ..
وطرت في العجة ودحدرت واجد ..
وعليه فغالبية تعقيبك ..خاطئ !!
أنا قلت لأحد الأشخاص على خلفية تعقيبه لي ..
أنه غالبية من هم بالمنتدى هذا لم يقبلوا ..
على عكس المتبقين اللي من الواضح إنه غالبيتهم تم قبوله .
وهذا ما يعني انه اللي تم قبوله في المنتدى ما يستاهل ؟!
هل انا قلت كذا ؟!!
من باب أولى فأنا ما استاهل !!
وغالبية الأسئلة اللي بالتحريري أجبت عليها ..
حتى السؤال اللي ما أحـد أجاب عليه هنا بالمنتدى "اليوم الجمعة بعد 200 يوم كم يكون " ؟
هذا السؤال الوحيد اللي تأخرت علشانه وأجبته بالنهاية .. كان الأحد !
بالمقابلة الشخصية كنت مرن أكثر من الشخص اللي معي ..
وتخصصي يتطلب هالشيء .واجتزتها الحمد لله ..
باختبار الحاسب كنت أول شخص خرج من القاعة وكنت اتوقع اني راح اطبع ..
بس قالي المشرف نسّق بس .. نسّقت كأحلا ما يكون ..
اجبت على كافة اسئلته عن طريق الكيبورد ولم استخدم الماوس حتى !
فيا أخي انا ما جبت طاري المستبعدين خير شر !!
وأنا ما قلت إن المستبعدين خارج المنتدى أحسن ممن تم قبوله في داخل المنتدى ..
لأن المستبعد أخذ نصيبه ..
لأنه ما يستاهل ..
والمسابقة نزيهة لحـد هنا ..
فأنا ما كان عندي مشكلة ..
لا تقولّني شيء ما قلته وشيء في ظاهره غبي !
الشيء اللي ما استوعبته أنت ..
إني كنت أتمنى إن المفاضلة - لاحظ مفاضلة يعني المسابقة انتهت بخيرها وشرها -
تمنيت تكون جماعية ..
وما راح أحد يحس بكلامي إلا من يقال له " آوت " في نهاية
المسابقة .
وبمناسبة هم قالوا لك حـدد المدينة من البداية ..
فغالبية المسابقات وحتى ديوان الخدمة يقولك حـدد ..
ويعطونك أكثر من خيار ..
فاللي توقعناه أنه في حالة عدم وجود وظيفة شاغرة ..
نقاطك تؤهلك لوظيفة في مدينة أخرى لأنهم ما راح يبخصونك حقك !
هل استوعبت ؟
ما عندي إلى الآن أي مشكلة مع مراحل المسابقة لديوان المظالم
بالعكس نزيهة ..والدليل وجودي إلى الآن ..
وكل من تم قبوله بهالمنتدى نحسب إنه يستاهل والله حسيبه ..
الله يوفقهم جميع ..
وانا احترمك كشخص اكبر مني بكذا سنة وكشخص حي ..
يقدم هنا وهناك ..
بس المسألة كلها ..
مجرد حل كان أفضل من آخر ..
وصلى الله وبارك وإن شاء الله القلوب صحاح ..
انا ما جيت اتهاوش معك ولا الله حادني ..
ولا هي من زود الفضاوة ..
انا حاليا أدرس ماستر تنفيذي بمعهد الإدارة ..
ولكن الوظيفة ألزم لي .
|
العرض العادي
