24-01-2011, 12:59 AM
|
 |
عضو متواصل
|
|
تاريخ التسجيل: Nov 2010
المشاركات: 79
معدل تقييم المستوى: 29
|
|
اقتباس:
المشاركة الأصلية كتبت بواسطة عوف بن حطاب
احسن الله عزائكم يالعسكريين في وظائف ديوان المظالم
السلام عليكم ورحمة الله وبركاته
مساء الخير لجميع الأعضاء والزوار الذين خلف الشاشات
مما يوسفني أنا العريف بحرس الحدود المتقدم على وظيفة مراقب أمن وسلامة المرتبة السادسة , أن يتم استبعادي من المفاضلة بحجة أني لآزلت على رأس العمل , طيب ياناس ليه ما علمتونا من الأول يعني لازم نخسر فلوس , طيب وليه ننتسب في الجامعات من الأساس , وترفضونا من التدريس , وترفضونا من وظائف الخدمة المدنية , يعني لازم نسوي مثل : البو عزيزي وننتحر .
ياشباب نصيحه الواحد يكون حريص على وظيفته ترى وظائف المرتبة السادسة بديوان المظالم بمرحلة خطيرة جداً جداً , واللي يقول ما فيه مفاضلة والله ما ودي أقول انه كاذب بل سأقول مكذوب عليه ....
أنا ذهبت اليوم لديوان المظالم بالرياض وقلت خلني أحسبها صح , ما ودي أفصل من العسكرية وفي النهاية ما أنقبل تعرفون ياشباب من اللي أختبرنا في التخصص ؟؟
أكيد هو مدير ألأمن والسلامة بالديوان
طيب تدرون ليش رحت له؟
حتى أسأله عن عدد الشباب اللي اختبروا عنده في التخصص طبعأ أسأل عن المرتبه السادسة؟
طيب وش الفائدة؟
أنأ اعلمكم علشان إذا كان العدد قليل راح أعرف ان حظي في الوظيفه كبير فأفصل وإذا كان العدد كثير راح أعرف ان أملي في الوظيفة قليل وأريح نفسي من العناء في المرحلة القادمة وآخذها برأسي
المهم للأسف قال لي مدير الأمن : والله ما أدري والله ما أذكر كم العدد لكن كانو كثير.
اتكلم أنا طباً عن المرتبة السادسة .
قلت طيب يا عزيزي من راح يفيدني بهالموضوع؟
قال : اما تروح لمدير شؤون الموظفين بالدور الثامن , والا تروح لدعم القرار بالدور الثاني عشر
المهم رحت لمدير شؤون الموظفين بالدور الثامن وسألت أحد الموظفين ابو من هو قال : أبو عبدالرحمن دخلت عليه وسلمت عليه وقلت يابو عبدالرحمن أنا جيتك بخصوص المرتبة السادسة قال لسى ما خلصت قلت ادري انها ماخلصت باقي مفاضلة ولكن يابو عبدالرحمن انا لازلت عسكري وأخشى من المرحلة القادمة تروح اوراقنا للخدمة المدنية ويستبعدوننا ,
قال وهو رافع صوته مو زعل ولكن متحمس : انتو كيف قدمتوا من الأصل وهو غير مسموح لكم , قلت نحن اخبرناكم في المقابلة الشخصية , وفي اختبار التخصص ولم تخبرونا انه ممنوع , ولكن نحن نستطيع ان نفصل ونعدل المهنة خلال ثلاثة ايام , قال لازم تجيبون لنا مع أوراق نماذج المفاضلة وثيقة الفصل وتعديل المهنه ترى راح نستبعدكم من عندنا قبل ما نرسل أوراقكم للخدمة المدنية
قلت يابو عبدالرحمن نحن لم نضمن الوظيفة بعد لماذا لاتعفونا من هذا الشرط ونعدكم ان نأتي بوثيقة الفصل بعد ظهور اسماءنا في المرحلة المقبلة خلال ثلاثة أيام
قال ما علينا منكم انتوا تتحملون المسئولية
قلت طيب اريد منك خدمة
قال وش هي قلت اريد معرفة كم عدد المقبولين لمراقب أمن وسلامة المرتبة السادسة بأبها ؟
اريد عدد فقط مو أسماء قال : اسمح لي ما أقدر
قلت طلبتك أنا جاي من 500 كيلو وحتى أعرف اذا كان عددنا قليل راح افصل من الآن
حاولت معه يعلمني لكن تعذر , المهم أشر لي أحد الوظفين وفهمتها وطلعت , انتظرت خمس دقائق وأتاني وقال يا عوف انتوا سته
(( طبعا عدد المطلوب لتخصص مراقب أمن وسلامة لأبها المرتبة السادسة اثنين فقط ))
قلت ياشيخ عدل بدل ما فيه غير هالكلام؟!!! يعني اربعه راح يستبعدونهم قال: الله يعينك ومع السلامة قلت الله يعطيك العافية ما قصرت
المهم قعدت اضرب اخماس اسداس صدّق كذّب , جاني الشيطان وقال هذا يصرفني
والله وأروح لدعم القرار بالدور الثاني عشر وأمر على جميع المكاتب وليها فاضية وكلهم مجتمعين على طاولة كأن عندهم اجتماع , والله ورجعت قلت بأطلع وانتظر ساعه لعل انهم يخلصون من الإجتماع وأنا طالع لحقني موظف وقال ياأخي آمر أخدمك بشيء
قلت يا أخي أنا الاحظ ان عندكم اجتماع وقلت بأنتظر
قال: آ مر وش تبغي ؟
قلت ياأخي أنا مقدم على المرتبة السادسة ولا زلت عسكري وأجبروني على الفصل أو يستبعدوني من المفاضله فأريدك يا أخي تشوف لي كم عدد المقبولين بأبها مراقبين الأمن والسلامة قال طيب تنتظر ساعة أو نص ساعة قلت ابشر طلعت وقلت اصلي الظهر وارجع لك .
المهم صليت الظهر ودخلت عليه وكانت الكارثة
قال : عددكم 6 أشخاص وسوف نختار في المفاضلة 2 واربعة برا
قلت يعطيك العافيه وحلال على اخواني الخمسة الوظيفة
كان هذا أخر ما عندي
والسلام عليكم ورحمة الله وبركاته
|
السلام عليكم ورحمة الله وبركاته
انا اقول كمل دمك وصلت المفاضله وانت علي راس العمل بدون اي استفسار من المشرفين ومش الموضوع وشف اذا قالو نجحت افصل وكمل وذيك الساعه لها الف حلال
وهذا مجرد راي
موفق بإذن الله ... لك مني أجمل تحية .
|
العرض العادي
