السلام عليكم ورحمة الله وبركاته

وش فيكم اليوم ما في احد ما في اخبار ما في شي جديد
ياليت الي معه شي جديد يخبرنا

[align=center]
السلام عليكم ورحمة الله وبركاته..
شباب هذي اول مشاركة لي في المنتدى.. ووالله اني مسجل بس عشان اعلمكم وش صار معي وتستفيدون وقسم بالله هذا اللي صااار.. لأني أشوف ناس يتكلمون عن المفاضلة وكلام كثير ..
وأعذروني على الإطاااااااااالة ..

اقول لكم قصتي :
انا الحمدلله طلع اسمي في ديوان المظالم وهيئة التحقيق.. طبعا في هيئة التحقيق كملت اوراقي ووقعت على اقرار انو تسقط جميع المفاضلات من ديوان الخدمة.. وقعنا وخلصنا..
يوم رحت لديوان المظالم بالرياض اللي هو يوم السبت 25/2 عبيت اوراقي وعطوني ورقة اقرار هذا نصة بالضبط :

[align=center]
( إقرار)
[/align]
أقر بأني تقدمت بموجب مؤهلي للمفاضلة على وظائف ديوان المظالم المجراة بتاريخ 16/7/1432 هـ وحتى 22/7/1432هـ الخاصة بالمرتبة السادسة , ولقبولي المبدئي بالديوان , ولعلمي بأن المفاضلة ستكون من قبل وزارة الخدمة المدنية , لذا فأني أتنازل عن أي طلب تقدمت به عن طريق إعلانات وزارة الخدمة المدنية والغاء سجلي من جميع المفاضلات .
وعلى ذلك جرى التوقيع ,,


طبعا كان ودي ارفعه صورة بس ماعندي سكنر..
المهم شكيت في التاريخ وقلت قبل لأ أوقع بروح أسأله وجيته ولقيت عنده زحمه قلت خلني أسأله اول عن المفاضلة ووضعي في هيئة التحقيق هل يتكنسل رقمي فيها ؟
سألته : قال نعم يتكنسل أسمك في هيئة التحقيق بمجرد مايدخلون اسمك في سستم الخدمة المدنية عشان المفاضلة حتى لو ما قبلت قبول نهائي !!!
انا انصدمت ونسيت اسأله عن الباقي قلت ياخي مايصير.. قال هذا من عند الخدمة انا موظف فقط ؟
المهم خذيت اوراقي ودزيت لوزارة الخدمة المدنية اللي على طريق الملك فهد.. سألت السكيورتي قال أطلع لقسم الأحتياج لقيت موظفين 2 سألت الأول عن نظام المفاضلة وهل يسقط أسمي اذا كنت مقدم على وظيفتين في وقت واحد .. قال ما أدري .. قام وسأل خويه اللي جنبه قال برضو ما أدري.. رح لفرع الوزارة اللي بعدنا بأشارتين..
قلت صبر جميل اذا الوزارة ماعرفت الفرع بيعرف ؟
المهم رحت للفرع وقابلت واحد بشووش ومحترم جدا وفي قسم التوظيف وعلى فكرة لقيت اوراق المرتبه الرابعة على مكتبه ..سألته عن موضوعي قام يحك راسه .. قال والله مدري.. وقام معي وراح يسأل اخوياه اللي معه في الأقسام الثانية والله نصهم يا أخوان مايدرون !!! وراح لأخر واحد وشكله فاهم ..يقول الأكيد أنه بسقط أسمه من موقع الخدمه المدنية مليون بالمية.. ويقول نحط برنامج خاص لديوان المظالم وبرنامج خاص لهيئة التحقيق ونكتب فيه أسماء المرشحين ودوراتهم وخبراتهم والجهاز يرتب أسمائهم حسب الأفضلية !!
قلت طيب متى تطلع الأسماء ؟؟ قال شف بالنسبة للسادسة يمكن من شهر الى شهر ونصف..
قلت اوف ليه ؟
قال لأن مافيه الا 4 او 5 موظفين هم اللي يشتغلون على قسم الترشيح..
قفل جوي منهم وطلعت..
واللي يبي يتأكد يمر فرع وزارة الخدمة بالرياض ويطلع للدور الثاني قسم بالتوظيف.
وأعتذر عن الإطالة مررة ثانية.. وهذا اللي صار معي حرفيا.. ويعلم الله أني ماسجلت في الموقع الا عشان أقولكم وش صار..
ودعواتكم لي بالقبول في هيئة التحقيق لأني شكلي بسحب على ديوان المظالم الفاشل..
[/align]

ٍٍٍٍ أستغفر الله العظيم من كل ذنب عظيم ٍٍٍٍٍ
ٍٍٍٍ أستغفر الله العظيم من كل ذنب عظيم ٍٍٍٍٍ
ٍٍٍٍ أستغفر الله العظيم من كل ذنب عظيم ٍٍٍٍٍ
ٍٍٍٍ أستغفر الله العظيم من كل ذنب عظيم ٍٍٍٍٍ
ٍٍٍٍ أستغفر الله العظيم من كل ذنب عظيم ٍٍٍٍٍ
ٍٍٍٍ أستغفر الله العظيم من كل ذنب عظيم ٍٍٍٍٍ

الله يسعدك يادواء جروحي وشاكرين لك حرصك

أستغفر الله العظيم

مسحنا الرد والله كريم

الله يوفقك ويسعدك دنيا وآخرة وجزاك الله خير على هذه المشاركه يا دواء جروحي وثانياً إلزموا الإستغفار ثم الإستغفار فالرازق بسماء وليس ديوان المظالم ولا هيئة التحقيق ولا غيره وكمل أوراقك مع الإستخارة قبل كل شيء

السلام عليكم :
اول شي بالنسبة للإخوان في المرتبه الرابعه لتاريخ اليوم لم يصل أي جديد بخصوص المباشرة
وكان اخر رد الساعه 10 صباحاً من مدير الادارة عند سؤاله رد ( والله إني إحرص منكم على قرار المباشرة )
وقال ابتصل الحين على ديوان بالرياض ( وسمى شخص بعينه هو المسؤول عنها ) بس راح عن بالي اسمه
ولما اتصل ماكان فيه رد منه ورجع قال ان شاء الله بكره يكون فيه خير ( والرئيس المباشر لنا ) يقول إن القرارات
منتهين منها بس باقي يرسلونها والمرجح بتأخيرها بسبب فيه كذا موضف اوراقه ناقصه وطلبوا يكملوها يوم السبت الماضي ..،

بالنسبة للإخوة بالمرتبة السادسة المقدمين على الدمام حسب ماوصلني ان المطلوب 19 موظف والمرشحين
19 وانهم يعتبرون مقبولين نهائياً وعلى ماسمعت إنهم عطوهم نموذج الفحص الطبي والي يسلم ورقته ينتظر بس قرار المباشرهـ
واتوقع ان بعض المناطق المرشحين لها حسب الاحتياج وعطوهم نماذج الفحص الطبي عشان يخلصون اوراقهم ويباشرون ولا لهم علاقه بالمفاضله

أخوي عبدالكريم 19 المجموع كامل ولا شلون , يعني بالنسبة لمشغلين الحاسب بالمرتبة السادسة

كم عدد المقبولين فيها يعني كم عدد إلي حضروا الفرع كي يعملون الفحص الطبي , أرجو إفادتي وربي يجزاك خير