[align=center]جاري انتظار محمد الحبيب...
[/align]

امممم
ياشباب

اول شي مبروك لمن سوف يشملهم الامر الملكي بالتثبيت هذا اليوم
http://sabq.org/sabq/user/news.do?section=5&id=20540



ثانيا ودي أسال بخصوص هالموضوع

اللي اعرفه انو فيه موظفين غير مثبتين قدموا معنا على وظائف المرتبة السادسة بديوان المظالم

في هالحاله ؟ شنو بيعلمون

هل بينسحبون من الترشيح ؟ او لا

السلام عليكم ورحمة الله وبركاته

ياشباب قصتنا طولت حنا المرتبه الرابعه اللي ماتصلو عليهم ولاصدرت لنا قرارات معقولة نجلس كذا مكتوفي الايدي ونصدق كلامهم ياشباب انا اتصلت الاسبوع الماضي وقالو نفس الكلام انتظر من اسبوعين اوثلاثه اصريت اني اعرف ان اسمي مع الاسماء والا فقط انتظر ويمكن لي اسم اولا المهم حولوني الى شخص قالو هو المسؤل اتصلت عليه تلفونه مباشر يوم رد علي قالي نفس الكلام انتظر ثلاثه اسابيع اصريت عليه قلت له يالغالي ابي اعرف اسمي موجود والالا اروح ادور لي شغله موانتظر واخرتها وهم ومافيه شيء تعذر قال والله الملفات كثيرة ومايمديني اجلس ادور بين هالملفات قلت طيب والحل قالي خذ لك كم يوم وارجع اتصل علي وذكرني سالته قلت له طيب ملفاتنا جت من الخدمة المدنية قالي بالحرف الواحد هي اساسا ماراحت للخدمة المدنية عشان تجي الصراحة من يومها وانا جالس اوسوس وافكر يعني سحبو علينا ويماطلون الين يروح الوقت ووقتها مانقدر نحجهم بيقولون وينكم من يوم صدرت قرارات زملائكم وكمان جاء في باللي انهم صدرو لنا قرارات وماارسلت على الفروع على اساس بعد كم يوم يصدرولك قرار فصل على اساس انك ماباشرت وبكذا يعينو اقاربهم الواسطات لاحد يقول مستحيل يسوون هالشيء الا بيسوونها اش معنى حنا ماجت قراراتنا واحنااوراقنا كامله لذلك اي شخص في المرتبه الرابعه ولا طلع له قرار نحدد يوم ونروح لهم الديوان الفرع الرئيسي بالرياض ومانطلع الا وحطينا النقاط على الحروف هذا اللي عندي لان الصراحة نفذ صبري ايش معنى يعينو ناس وناس لا ايش المغزى من هالشي

السلام عليكم


معليش ياشباب النت فصل الصباح وماقدرت اخذ ارقامكم . اكرر اسفي لكم ..

رحت لديوان المظالم بالرياض ومباشرة الى دعم القرار .. قابلت واحد من المسؤولين هناك ..

قابلني ورحب فيني ودعا للجميع بالتوفيق ويقول نتمنى لو نقبلكم كلكم معنا ..

المهم سالتهم عن النتائج قال احنا وجهنا بقرار بتسريع الاجراءات في الموضوع .. روح للموارد البشرية بالدور الثامن وأسألهم ...

نزلت للدور الثامن وقابلت واحد قبل الصلاة و رجعت بعد الصلاة لقيت شخص ثاني وايضاً سألته للتأكيد ...


بالنسبة للمرتبة السادسة .. المرسل اوراقهم اقل من 700 بقليل والأسباب :

1 / فيه اشخاص ماحضروا في المطابقة الاخيرة .

2 / فيه اشخاص قدموا على وظائف لاتناسب اطلاقاً تخصصاتهم .. يقول مثلاً شخص معه دبلوم رياضيات من كلية التقنية مقدم على مشغل اجهزة حاسب آلي .. طبعاً لايمكن قبوله لان التخصص مايناسب الوظيفة المقدم عليها .

3 / فيه اشخاص قدموا اوراقهم لكن ماكملوها واتصلوا فيهم ولكن ماحضروا وانتظروهم اسبوع واتصلوا فيه مرة ثانية وماحضروا .. لذلك اعتبروهم منسحبين .



بالنسبة للعدد المطلوب للسادسة يقول : المطلوب اكثر من 400 وقد نتصل بـ 500 شخص او اكثر والسبب :

1 / من تجربتهم في المرتبة الرابعة انهم اتصلوا في ناس وماحضروا بعد القبول النهائي وتعذر الاتصال بالاحتياط وسبب لهم تأخير واضطروا يسوون دفعة ثانية لتوظيف الشباب بالمرتبة الرابعة .. عشان كذا راح يتصلون في اكبر عدد ممكن حتى يضمنون العدد المطلوب .

2 / رغبتهم في توظيف اكبر عدد ممكن .



طيب بالنسبة للأوراق ليش طولت عندكم ؟ يقول :

كان فيه فرز وتأكد من الشهادات ومثل ماذكرت لك فيه ناس قدموا على وظايف لاتناسب تخصصاتهم فكان لازم نتاكد من الشهادات والتخصصات والخبرات ... ونتاكد من ان الاوراق كاملة فيه ناس راحوا على اساس يكملون اوراقهم بيوم او يومين ومارجعوا واتصلنا فيهم وطلبانهم فيه منهم من حضر ومنهم سحب وماجاء وانتظرنا اسبوع كامل عشانهم .


طيب بالنسبة للخدمة المدنية هل ممكن يدخل فيها واسطة بكل صراحة ؟ يقول :

لا بإذن الله .. احنا رتبنا الاوراق كلها وعندنا نسخ منها لكل اوراقكم وشهاداتكم .. الاوراق اللي اخذناها في المطابقة الاولى للشهادات راح نطابقها بالاوراق لما ترجع من الخدمة المدنية ..
راح يكون كل شخص له عدد من النقاط .. ومرتبين حسب الاعلى نقاط و توضيح بعدد النقاط وتفاصيلها . يعني مثلاً :

فلان اخذ 200 نقطة ليش ؟ 50 نقطة لكذا و 20 لكذا .. الخ .. ويقول لن نقبل بأي تغيير مهما كان السبب .. تعبنا في المسابقة لسبعة اشهر وماراح نرضى الا بالاشخاص اللي رشحناهم .



طيب بالنسبة للنتائج متى ؟ يقول :

ماادري والله يااخوي احنا مثلكم بالانتظار .. لكن عادة الخدمة المدنية تاخذ اسبوعين فقط مثل المرتبة الرابعة يعني بحول الله النتائج على الاسبوع القادم وراح نتصل بالاشخاص اللي نقبلهم ونسبة القبول مرتفعة .



بعد صلاة الظهر رجعت وكلمت موظف ثاني كلامه كان مطابق تماماً لكلام زميله لكن اضاف بأنهم حريصين بان مايتوظف عندهم الا ناس خبرة وعارفين ايش يسوون لذلك ماراح يرضون بالواسطة ولا اي تدخل من اي جهة ..
واضاف :

عدد المقبولين كبير ونسبة القبول ممتازة ونتمنى ان الكل يتوظف لكن هذي الامكانيات اللي عندنا . جانا قرار بتسريع الاجراءات وانتهينا منها الاسبوع الماضي وهي الان بالخدمة المدنية باذن الله اسبوع الى اسبوعين وبنتصل فيكم ... العدد المرسل اقل من 700 والقبول فوق ال400 لكن الى الان ماتحددت الارقام بالضبط ..


سألته هل هي فعلاً 500 ؟ يقول :

احنا نبي اكبر عدد ممكن واللي كان مطلوب اساسا 400 لكن الاكيد انها بتزيد ويمكن بحدود 450 ويمكن توصل 500 ..



كان بودي اروح للخدمة المدنية لكن ماامداني ...

تحياتي لكم

محمد الحبيب
عضو نشيط

وعليكم السلام ورحمة الله وبركاته
حيالله من جانا بالعلوم الزينه
الله يبيض وجهك ومشكوور وما قصرت
الله يجعلني ويجعلك وكل الي بالمنتدى من المقبولين بالمظالم قول امين
ما قصرت كل الاسئله الي بخاطري سئلتها انت

الامر الملكي الجديد بتثبيت الي على بنود او متعاقدين
هل له تأثير على المتقدمين في ديوان المظالم
لان ملاحظ في القرار ((( وفق ضوابط تضعها وزارتا الخدمة المدنية والمالية وأن يكون التثبيت لمن تثبت الحاجة الفعلية إلى تثبيتهم وأن يكون على مراحل اعتباراً من العام المالي القادم 1433/1434هـ وذلك بحسب الوظائف التي تعتمد في ميزانية وزارة المالية لهذا الغرض ،[gdwl] إلا إذا كان لدى الجهة الحكومية شواغر فيتم التثبيت عليها هذا العام بعد موافقة اللجنة[/gdwl])))

ليكونوا بيحطونهم على الوظائف الحاليه 402 وظيفه.

الف الف الف الف مبروك والله يوفق كل الي على البند او متعاقد