20-02-2011, 12:02 PM
|
عضو جديد
|
|
تاريخ التسجيل: Aug 2010
المشاركات: 14
معدل تقييم المستوى: 29
|
|
اقتباس:
المشاركة الأصلية كتبت بواسطة مقرن الشوش
السلام عليكم ورحمة الله وبركاته
صباح الورد
الله يستر ياشباب علينا بثاني يوم
وانا كتب تجربتي قبل كذا لكن مافصلتها
واليوم راح اقولكم وش اللي حصل
باختصار قالي القاضي حنا هنا نشتغل مع بعض بمعنى مافي توزيع للمهام رغم انه وصى الموظف القديم بتوزيع المهام وسبحان الله طلع الشيخ ويتغير كل شئ قلولي الموظفين والله حنا هنا ماعندنا توزيع مهام يعني لو غاب واحد راح يغطي اللي بعده يعني لازم تعرف كل شئ والمشكلة والله ياشباب حنا بالدائرة اربع موظفين وانا رابعهم طبعا يعلم الله ان تقريبا الساعه (11) طلع اثنين وبقيت انا وواحد على يشتغل على بند وخلصنا كم ملف حفظ قضايا وتدوينها بالحاسب ومارجعوا الاخوان الا الساعه وحده ونص وياعين لا تبكين هذا وهو اول يوم كيف باقي الايام وانا والله مادري وش اسوي والله والله لو النظام يسمح للنقل لوزارة ثانية واله لا انقل تدرون ليش لان كذا الكل يبي يشتغل شغل ماهو له يعني انت اللي عليك تعرف كل شئ بالوقت نفسه ................ كيف كذا
وانا اقولها بصراحه الواحد هنا يعرف نفسه اكثر من غيره وانا عن نفسي لو اشوف ان الشغل كذا كركبه في كركبه على طول اسحب واروح ارجع للقطاع الخاص واتحمل هناك ولا هنا براتب مايغطي اي شئ
المهم حنا نجرب الايام الجايه ونشوف والله يكتب اللي فيه خير
ورسالتي هنا لاصحاب الخبرات (( انا امين سر ... هل استطيع انقل ( انحاش ) من الديوان وادور شئ ثاني بنفس المرتبة ))
بالتوفيق
|
طيعي دائما في أي دائرة حكومية تجد مثل الشكليات اللي مثل ما تفضلت وقلت عنهم , لكن انا أقول لك وانا واخوك بحكم إني من موظفي القطاع الحكومي لمدة ثلاث سنوات ونص , طبيعي يجيك مثل هالشعور في أول الأيام , ثانيا اصبر شهر أو حتى أقل من شهر لجل تعرف الرتم اللي ماشية عليه الإدارة أو القسم اللي انت فيه وراح تسير حريف وتقدر تتعامل مع أي أمر يواجهك ونفسيتك ترتاح , ثالثا خلهم على بينة من أول تعامل لهم معاك اني أنا إنسان أخلص الشغل اللي علي واللي يوكل إلي وبس غير هالكلام مافي , رابعا إلتزم بالنظام ما أحد يقدر يقول لك " بم " لو هو الحقيل بنفسه , خامسا لا تعطي أي شخص فرصة لإستغلالك للتغطية عليهم أو أخذ الشغل عنهم إلتزم بشغلك وبس , والإنسان اللي ما يقدرك ليش انت تقدره , انا عن نفسي هذا نظامي امشي معاي عدل أمشي معاك عدل . لكن بالنسبة للنقل , نعم يمديك تنقل لكن بعد سنة إجبارية تقضيها في نفس المكان اللي تعينت فيه والله ناسي بالظبط هي سنة واللا أكثر , لكن بعد فترة يمديك تنقل خدماتك لأي دائرة حكومية بالسعودية وبأي منطقة كانت , أنت جاي من قطاع خاص على طول لقطاع حكومي لإن القطاع الخاص أكثر تنظيم واهتمام أعط نفسك مهلة لا تزيد عن الشهر وإن شاء الله راح تلاقي نفسك ارتحت واستقريت نفسيا وتأقلمت وعرفت كيف تصرف أمورك .
الف مبروووك الوظيفة وعساها فاتحت خير عليك بإذن الله وعقبال ما تبشرنا بزواجك ونشوف عيالك .
تحياتي .
|
العرض العادي
