[align=center]
السلام عليكم ورحمة الله وبركاته
يا اخوان ما اقدر اتكلم عن تفاصيل المشروع في صفحه او صفحتين بس بحاول اختصر بالشرح جدا:
انا مهندس واعمل في شركة صيانة وتشغيل متقاوله مع جهه حكوميه كبيره ,
واستطعت ولله الحمد انا اكتسب الخبره في فتره وجيزه جدا .
يعني بكل صراحه استطعت انا اكتشف كثير من اسرار المهنه التي تؤهلني لفتح مؤسسه
ودخول المناقصات والتقاول مع شركات ضخمه او مع نفس الجهه الحكوميه الي انا متقاول حاليا
معها.
اولا استقدم عمال نظافه وعمال زراعه وبعض الفنيين ....... الخ
واوظف كثير من الشباب السعودي طبعا على بند الصيانه المقرر من الجهه الحكوميه وطبعا لكل
موظف راتب مخصص من الجهه الحكوميه استلمه منهم انا ويسمى مسير ويكون اخر كل شهر.
نفرض انا وظفت عامل زراعي هذا العامل انا استلم من الجهه الحكوميه راتب محدد نفرض مثلا 900 ريال واكون انا والعامل متفقين ان راتبه 300 ريال بكذا اكون استفدت 600 ريال صااافي
طبعا بيكون عندي اقل شي 50 عامل .
اضف الى ذالك اعمال الصيانه والتشغيل وطبعا دخلها جدا كبير ...
مشروعي هذا يعتمد بشكل كبير على العلاقات لانها تفيد بترسية المناقصات على المؤسسه
صدقوني يا ناااااس الاجانب يدخلو بلاوي وحنا نايمين .
انا كل الي محتاجه رااااس مال كبير طبعا ادخل فيه المشروع واكون شريك بالنص .
اذا في احد جاااد وعنده استعداد يشاركني يراسلني على الخااااص
اخيرا وليس اخرا
دعواتي للجميع بالسعاده وكل عام وانتم بخير مقدما
[/align]

راس المال من كم لكم اخوي

موفق اخوي الله ييسر لك امرك
والى الأمــــــــام دائمآ... لك مني أجمل تحية .

حدد اخوي حد اعلى وحد ادني للمبلغ المطلوب

الووووووووووو

باش مهندس معاي

حدد المبلغ لو تكرمت عشان نستمر في النقاش و الإستفسار او لا

يالحبيب 50 % على ايش وش راح تسوي

ترى الموضوع صيانه ونظافه ماتحتاج لشئ .

وش راح تقدم عشان تاخذ هالنسبه :


اذا قلنا اني بدفع :

التأمينات كل شهر

الزكاه والدخل

اجار المحل والاوراق واشتراك الغرفه التجاريه

لا حظ معي هذا قبل ما نبدأ وبعد ما ندخل بالمناقصه بقدم الضمان البنكي الابتدائي وشراء الكراسه والضمان البنكي تبع الاداء 5% اللي ماراح آخذه الا بعد انتهاء المشروع .


لا تقولي اعرف اسرار الشغل ؟ الشغل مافيه اسرار كلها موجوده بالكراسه .. حط سعرك واقل واحد ترسي عليه ..


اذا بتدفع معي مثل ما ادفع حياك ولك النص واحطك بعد شريك رسمي ونرفع المؤسسه الى شركه ونشهرها في وزراة التجاره .

موفق بإذن الله ... لك مني أجمل تحية .

من وين رآس المـآل وآحنـآ عـآآآآآآآآآطلين ؟!؟! ^_^

عسـآ الله يسهلك ويرزقك إنشـآء الله

يارجال الناس ذابحهم كثر الهنود والبنقال بالشوارع

وتبي تفتح مؤسسه وتجيب 50 عامل بعد

عزالله رحنى وطي يالحبيب

ياليييييييييييييييييييييل ما اطولك