بعد ان تنهي يومك الشاق من الكد والعمل والتفكير والروحه والجيه

عندما تضع راسك على الوساده عشان ترتاح وش اول شي تفكر فيه قبل تنام اكيد تختلف من شخص لشخص نشوف وش تفكيركم

الوساده نقمه !

أحيان تجي ترقد يطري عليك ذاك اللي يطلبك دراهم يالليل أنا تسيف أبسدده
ثم يطري عليك الشعير الغالي أنا تسيف أشتري علف لشياهي : /
ثم يطري عليك واحد أنت كافله وسحب عليك ولا سدد :/
ثم يطري عليك قسط السياره
ثم يطري عليك قسط البنك
ثم يطري عليك إن راتبك راح هشك بشك
ثم يطري عليك البنقالي حق بطاقات السوآ
ثم يطري عليك أخوك الصغير مواعده لك سنيتن بسيكل
ثم يطري عليك إن وراك دوام مع الفجر
ثم يطري عليك إن الوساده نقمه
وليست بنعمه خصوصاً لاصارت منتفخه تفتح لك عشرين باب
وتقعد تطير مع أفكارك .. تقول أنا بصير تاجر وبياع تيوس بسوق النظيم .. تحسب إنك مع خشمك
اللي لاف يمين عن قارعة وجهك تبي إتكسب
ما تدري إنك داجً مدج جدتي


ليت الوساده عن منامي هنتني
ما كان وقتي يا هوى الوقت خالي
..
مير البلا كثر الهموم أسفهتني
من وين ما لقت تحد التوالي
..

مشكورين لمروركم اما بنسبه لي اول شي افكر فيه الي ماقدرت احققه اليوم يمكن

يتحقق بكره

كنت اول ما تعطلت كنت ارسم في بالي وظيفه زواج فلوس ومن هذا القبيل


اما الان صراحه وصدق افكر في صلاه الفجر اقول الله يستر لا تفوتني مع الجماعه ولا اصحى ولله الحمد ما تفوتني الا نادر في الشهرين ولا ثلاثه مره واحده لا حد يحسدني على تفكيري

إذا كــان في يومي شيء أفكر فيه أكيــد

وإذا كان عادي أقرأ اأذكــار وأنـام والحمد لله

يعطيك العافية

بـــ كل شي
مشكور على الموضوع الجميل ..

اذا مافكرت بغاده
اقعد اتحلم احلام يقضه عندي طيارات خاصه والخ
وبعدين يروح بالي لديره وبعدين يرجع واشوف جداتي واخوالي وسوالف معهم
وبعدها يجي ببالي كم واحد من الشباب وبعدها افكر بوزارة الصحة وكيف ومتى بتوظف
وبعدين اقعد اتخيـل نفسي عندي قارب كبير وابحر فيه بالمحيطات وكل مره اوقف بجزيرة
وعايش حياتي بعيد عن الناس والوزارات ومشاكلها وكل شي <-(احد احلام حياتي خخخ )
ومرات اشوف نفسي امبراطور يخشاه كل العالم وواقف احيي جيوشي الجرااره من برج عالي
خلاص يكفي كذا
وظفونا وربي العطاله بتفقدني عقلي

انا من احط راسي ماخلي شي ما افكر فيه
والف العالم كله من شرقه لغربه
راعية واجب اسم الله علي