مافي وظايف نسائيه .؟

السلام عليكم ورحمة الله وبركاته


صبآحـ الخير للجميعـ ,,


يوم السبت الموافق

8/10/2011 رحت للأداره حقت الجامعه

وسألت عن النتائج واللي قالو اننا بأحتياط

وقالو تحصل كل هالقرآشيع عند مدير شؤون الموظفين ابو خالد

دخلت عليه وسألته انت ابو خالد قالي وصلت المهم

سألته عن المسآبقه وخصوصا "نآسخ آله " وقالي:


انتهى كل شي ومافي جديد خلاص انتهت المسآبقه والتعيين والخ


قلت طيب به احتياط ولا كيف ؟؟


قال لامافي لاحتياط ولاشي عينآهم انتهينآ ,,


قلت فيه وظائف ع العقد وزي تسذآ قآل كان فيه بس حالياً مافيه شي ,,



يعني اللي ينتظر على امل انه احتياط ينسى هالكلام قاله لي مديرشؤون الموظفين ,,


وتصبحون على خير

ماقدر اقول الا حسبي الله ونعم الوكيل يلعبون علينا اصلا من اول انا عارف الطبخه وساكت

لانه اغلب الجامعات يسون لك اختبارات واساس في ناس متوظفين لا وبعد والمصيبه كبرى انه الي يشرف عليك في اختبار ههههههههههه توه متوظف على حسابك

بسم الله الرحمن الرحيم ..

السلآم عليـكم ورحمة الله وبركآته ..

كيف حآلكم يآ جمآعة الخيـر

لآ اجيد المقدمآت للآسف ..

ولكن بدخل بالعلم على طول .. انا توظفت في تقريباً شهر رمضآن وبديت معاهم على تقنية المعلومآت

والحمد لله امورنآ سالكـه معهم بالشكل المطلوب .. وكلنآ اربعه اشخاص .. فنين صيآنة حاسب آلي

سألت عن المسابقة قبل تقريباً شهر لـ مدير تقنية المعلومآت عندنا .. قال لي بصرآحه حنآ محرجين من المتقدمين

للعلم انه ما يدري اني من ظمنهم ههههههه لآني قدمت ملف لـ مدير الجآمعة معالي الدكتور خآلد بن سعد المقرن

المهم قال لي حنا الغينا الممتقدمين على مسجلي معلومات ومشغلي اجهزة حاسب آلي

قلت ليش ! قال لآن اكتفينا

وغير هذا كله بيجي موظفين من الخدمه المدنيه بداية السنه يعني بننزحم موظفين

قلت انا له انا من ظمنهم قال انت امسك هالوظيفه بيديك ورجليك لآن الترسيم جاي قريب لكم متى بالضبط مافيه اكيد لكن قريب قلت بنفسي الحمد لله واستاذنت منه وطلعت اصلي ركعتين لله شكر

صدقوني ياشباب ما حبيت اتكلم بهالموضوع لكن لمصلحتكم حبيت اذكره لكم عشان ما تعطون الموضوع امل كبير

وتجيكم الاخبار متأخره

مع العلم ان كلآمي هذآ كلـه ممكن يكون صدق وممكن يكون غلط ..

الي يسوي المقابلات الشخصيه هالرجال الي كلمته لكم وهو يقول في اخر كلآمه لي انو مو متأكد من الكلآم مية بالمية نسبه كبيره راح تلغى السالفة حقة المسابقة لـ قسمي المسجلين للمعلومات ومشغلي اجهزة

السموحه منكم ان اخطيت

آخوكم مح ـمد المطيري

تسجيل ومطابقة اوراق واختبار تحريري ومشوره وروحات وجيات واخرها اكتفينا ليش تعذبون الناس ليش تعلنون من اولها وظفوا الي معه واسطه واخلصوا بلا قلت حياء وظلم للناس

سفر وخطريات على الفاضي
حسبي الله ونعم الوكيل
على من ضلمنى في هذه الجامعه

هل من جديد ياا جماعه احد جاااه تغيير في الجامعه عند اسمه

ياااااااااعالم صووووروو الرووابط ونزلوو الصوور هنا واتركو الامر لي والله لا انزلها بسبق

لا انشب لهم ولو تبوون ارفعه لرقاابه والتحقيق بعد ارفعهاء شووووف من يصوورها

ياجماعه شووف لنا حل عجلوو علينا كل ما شفتها انفقع كبدي وقلت بالعسل ياجماعه

حسبنا الله ونعم الوكيل تعبونا كذا بس والله جد يا شباب لازم ما نسكت عن هذا الموضوع

والله يوفق المتقدمين