تجمع المتقدمين لوظائف جامعة المجمعه

فارس العازمي · #**711** (**permalink**) 28-01-2011, 07:37 PM

اقتباس:

المشاركة الأصلية كتبت بواسطة هااوي جنونك

اتمنى احد يجيب علي

ماعليك من كلامهم جب خبرات دورات الخ

انت سجلت وجتك رسآله رح لمهم وعطهم قرآطيسك ,,,

وبعدين يحلهآ الف حلآل

ديمقراطي · #**712** (**permalink**) 28-01-2011, 08:08 PM

شكرا ياجامعة المجمعه على التنظيم الممتاز بدون تعقيد وبكل سهوله اجتزنا المرحله الأوله ...

والله مشكلة · #**713** (**permalink**) 28-01-2011, 10:21 PM

تمت مطابقة البيانات اليوم الــ 4 مساء مسجل معلومات المرتبة الخامسة
صار شوي فوضى ماهو فوضى فوضى بس الشباب حضروا في وقت واحد وهم معطيننا فرصه ثلاث ايام
والموضوع بسيط مجرد صور للبيانات فقط لاغير

zela · #**714** (**permalink**) 28-01-2011, 10:22 PM

اليوم رحت لهم وطابقوا الشهايد وقالوا لي بعد أسبوع أو أسبوعين بتجيكم رسائل على الجوال
وكان التنظيم أكثر من رائع وكانوا يتميزون بوجود جهازين حاسب الي وكل واحد يتأكد من الوظيفة اللي مقدم عليها ..
موقعهم على حسب وصف احد الاخوان في الصفحات المتقدمه
وكان الوصف جداً رائع ويشكر لوصفه الدقيق

أنا كنت جايهم من الرياض طلعت مع مخرج المجمعه
ومن بعدها سيده تعديت ثلاث إشارات والإشارة الرابعه راح يكون ( هرفي / وبنده ) على يدي اليمين من بعدها رحت يسار الدوار الاول تعديته والدوار الثاني طلعت معاه يمين . تحصل الموقع على يدكـ اليمين
يعني بعد الدوار وقف على طول راح تحصل المبنى على يدكـ اليمين

ولكم تحياتي

وإن شاء الله اني أتوظف

عاطل وربك كريم · #**715** (**permalink**) 28-01-2011, 11:04 PM

السلآم عليكم ورحمة الله وبركاته وبعد ..

انا مقدم على وظائف جامعة المجمعه ورحت لهم وعملو مطابقه لشهاداتي والحمد لله

وبعد كم يوم دخلت موقعهم لقيت النتيجه مرشح لدخول الاختبار التحريري

والمشكله ماعطوني موعد او تاريخ علشان اروح لهم

ارجو من يكون عنده خلفيه عن الموضوع هذ1 يفيدني

تحياتي لكم ..

عاطل بالحيل · #**716** (**permalink**) 28-01-2011, 11:51 PM

شباب

أسألكم بالله تساعدوني ...

أنا الحمد لله موظف قطاع خاص و جاء اسمي و ترشحت للأختبار التحريري بفضل الله و نعمته .

المشكلة انا في الخرج و اخاف أروح لهم المجمعة و أطابق و أختبر و أنجح في المقابلة و في الأخير ما انقبل !!

كل شي بتوفيق الله لكن الواحد ينقهر يتعب و ما يلقى غير الشقا .

انا الحمد لله موظف في شركة بس و ربي أبغا وظيفة حكومية ابغا استقرار وظيفي أبغا اداوم مثل الناس مو كل يومي في الدوام .

الحمد لله على كل حال ...

نخيتم يالربع بالي مشغول ما أدري و ش السواة و أنا اخوكم ........

عاطل888 · #**717** (**permalink**) 28-01-2011, 11:52 PM

على كلام احد الاخوان راح يرسلولك رساله ان شاء الله يحددوا فيه موعد الاختبار

آبو بندر · #**718** (**permalink**) 29-01-2011, 12:14 AM

هذا مقر الجامعة على Wikimapia

http://bit.ly/e9mKmT

وأسهل وصف اول ماتدخل المجمعة سيدة اول اشارة تبع بندة عدها

ثاني اشارة تبع STC خذ يسار امش الى ماتوصل دوار خذ يوتيرن

تحصل المبنى على يمينك

بقاياأمل · #**719** (**permalink**) 29-01-2011, 12:31 AM

اقتباس:

المشاركة الأصلية كتبت بواسطة عاطل بالحيل

شباب

أسألكم بالله تساعدوني ...

أنا الحمد لله موظف قطاع خاص و جاء اسمي و ترشحت للأختبار التحريري بفضل الله و نعمته .

المشكلة انا في الخرج و اخاف أروح لهم المجمعة و أطابق و أختبر و أنجح في المقابلة و في الأخير ما انقبل !!

كل شي بتوفيق الله لكن الواحد ينقهر يتعب و ما يلقى غير الشقا .

انا الحمد لله موظف في شركة بس و ربي أبغا وظيفة حكومية ابغا استقرار وظيفي أبغا اداوم مثل الناس مو كل يومي في الدوام .

الحمد لله على كل حال ...

نخيتم يالربع بالي مشغول ما أدري و ش السواة و أنا اخوكم ........

اسعى ياعبدي واسعى معاك

أنت أجتهد وصل الاستخاره ولاتلوم نفسك ربما تكون هذه الوظيفة من نصيبك

وبعدين المجمعه قريبه للخرج والرياض أعتقد المسافه معقوله وخط سريع ومريح لكن بدون سرعه

توكل على الله وأستخر ولا تتردد

موفق ان شاء الله