السلام عليكم ورحمه الله وبركاته

اخواني انا ناوي بأذن الله افتح مشروع محل بيع وصيانه كمبيوتر

طبعا انا ماعمري فتحت مشروع هذه مشروع العمر يعني

وانا عندي مبلغ تقريبا 50 الف بطلوع الروح طلع معاي هذه المبلغ مو لي لحالي ( حلال ايتام )

انا اشتغلت بشركات كثير ومحلات كثير بس ملابس وعطورات وحلاويات

بس انا لي خبره في الكمبيوترات والصيانه وانا راح اشرف على المحل واكون فيه على طول
وانا احب هذه الشغله تكون ممتعه بنسبه لي
طبعا ناوي اجيب معلم صيانه اتعلم منه اكثر بعدين انا وواحد من خوياني نديره لا عماله من برا ولا شي

انا حصلت محل للاجار داخل مجمع حاسبات والاجار حقه 35 الف والمجمع جديد يعني توه فاتح المجمع على شارع محترم وداخل البلد المجمع هذه اذكره كل مايفتح محل يقفل مايطول بس الحين خلوه حق حاسبات وبدات المحلات تتاجر مابقي غير محلين بس

وانا ابي نصايحكم انا شايف الاجار غالي حقه بس موقعه له مستقبل وانا ماعندي يعني ممكن ادفع اجار سنه من جيبي بعد سنه او سنتين اتوقع انه راح يكون المجمع ولا اروع

الديكور ابي احاول اوفر فيه قد مقدر

طبعا راس مالي 50 الف مع تكاليف الاجار والديكور والباب واللوحه والبلديه والبضاعه هل يكفي


الاجار كل سته شهور


اللي عنده خبره او شي ياليت يفيدني فيه

وابي اسم للمحل يكون ذوق


هل تنصحوني اني اتكل على الله واستاجر المحل ؟؟
وانا استخرت الله
بنسبه للأكسسوارات والهردوير من وين اجيبها

الله يجزاكم الجنه ابي مشورتكم

أنت وين اخوي

انا من المدينه المنوره

لا تستعجل ابدا
خاصة انه كل مافتح مشروع في نفس المكان تقفل
والله شي يخوف
ومال ايتام لا تضيعها
اصبر اركد شوي


اذكر فيه اسواق عندنا (( اسواق مكه )) مجمع يعنى
كل مايفتحوا فيها مشروع
يقفل بعد فتره
والان مازال مغلق وله اكثر من 15 سنه على نفس الحاله
وازيدك من الشعر بيت
والله على شارع كويس
وقريب مررره من السوق
بس هي ارزاق وصاحب المجمع مو مكتوب له رزق
ومو مكتوب لاى شخص رزق يفتح في نفس المكان
انت اصبر ... واستخير ..
ولو تشوف لك محل في مكان معروف من زمان
احسن من مجمع جديد ... ولا انت ضامن كيف رح يكون لاإقبال عليه


مجرد راي
وإن شاء الله الشباب يفيدوك اكثر

وفقك الله

الله يوفقكـ وييسر امركـ ان شاء الله

الله يوفقك اخوي لاكن انا اشوف ان الاجار غالي شوي .
انت احسبها لو تقدر على الايجار وتتوقع بتطلع حقه واكثر

بيكون عليك 3 الاف بالشهر تقريباً .. والله يوفقك .

الاجار غالي جدا عزيزي

يعني مثل ماحسبها احد الاخوان 3000 ريال بالشهر شي مو بسيط

اذا الاجار 3000 ريال كم تتوقع تجيك فايده ؟


انتبه ولا تغامر ولا تستاجر محل اكبر من 20 الف بالسنه

موفق بإذن الله ... لك مني أجمل تحية .

؟؟؟؟؟؟؟؟؟؟؟؟؟؟؟؟؟

اشكر كل من رد على الموضوع والله يسستر عليكم ويرحم ولديكم ويرزقكم من اوسع ابوابه

اخواني الاجارات تقريبا غاليه في كل مكان حصلت في اماكن ثانيه على 40 وعلى 45 الف

وانا يهمني الموقع والمجمع ماتتعب بالزباين مو مثل اروح مكان لحالي ويكون الاجار 20 الف واقعد اهش ذباب
انا دورت في مجمعات ثانيه بس ماحصلت كلها فل وهي كل اللي عندنا 4 مجمعات بس وكل مجمع اكبر شي تحصل 10 محلات مو مثل الرياض وجده

3000 بشهر يعني 100 ريال في اليوم

بس اللي عنده خبره في محلات الكمبيوتر هل من السهل اني ادخل 200 ريال في اليوم

اول سنه ماعندي مشكله انه مايطلعلي شي بس ما ابي ادفع من جيبي الاجار

وعندي استفسار محل الكمبيوتر هل يحتاج شهادة عشان الصيانه

واذا عندي مثلا شهاده دبلوم كمبيوتر ic3
تطبيقات الانترنت - التطبيقات الاساسيه - مبادئ الحاسب

هل تنفع افتح فيها صيانه

ارجو الافاده

الله يفتح لك ابواب رزقه ،، استشير اكثر و استخير
اما من ناحية الاجار الله يحللكم عنا احنا عندنا الكشك في المجمعات الكبيره وصل 90000 الف ريال

الله يوفقك