السلام عليكم ورحمة الله وبركاته

اخذت سيارة تاجير منتهي بالتمليك من وكالة معروفة

وبعد ثلاث شهور يكلمني الموظف يقول حصل خطا فني في النظام والسيارة قيمتها اعلى وبنزود القسط

وطالب مني اراجعهم واكتب عقود جديدة

طبعا هو جاني باسلوب حبي ويقولي تكفا لانضر ويفصلوني ويحملوني الفرق علما ان ا لفرق حول 35 الف

وانا رديت اني ماتحمل غلطه وطبعا العقود معي صور منها اللي يقول انها خطا
بس هو مازال يحاول معي ويتصل بي وطبعا باسلوب طيب ويستعطفني
وش رايكم علما اني انا ايضا راح انضر وماقدر على قسطها العالي الجديد او الدفعه الاخيرة اللي بيزودها

دق علي شيخ ويفتي لك والله ماعندي علم بها

والله شوف تبي الصراحة نفسك نفسك
بس تدري انا بعطيك اكثر من حل يمكن يعجبك انت ماعليك في الموظف الموظف غصب عنه يقبل ok
1-يزود عليك فترة السداد اي إذا كانت مدة الاقساط (48) شهر يزود عليك الاشهر من دون زيادة في
قيمة القسط الشهري او الدفعة الاخيرة (بس ممكن يقولك النظام مايسمح)
2- تعمل عقد جديد معه وتحسب كم راح من الاقساط أوكيه وتقسم الباقي من الاقساط (الباقي من العقد الاول + 35 ألف) على الشهور الي تناسبك و على القسط إلى يريحك والدفعة الاخيرة إلى تبي

وانت ومزاجك

يخوي خذها نصيحه مني وانا والله ماابي غير مصلحتك ان كان فيها ضرر علي الموظف وبيدفع الفرق من جيبه اوينفصل من عمله لا والله حق الناس لناس ترهذ حديد وفلوس مهي داخله معك في قبرك وانت وضميرك

دام الموظف غلط والمعروف ان هذا قيمتها
فأنت مجبور تدفع القسط الجديد ولا يحق لك تستخدم سيارة بأقل من القسط المعروف
وجل من لا يسهو اتق الله واذهب لتوقيع الاوراق الجديدة ولا تراها بتصير نقمة عليك لانك ظلمت موظف مسكين مابيده شي ولا يكفيه راتبه لنهاية الشهر

لا والله حراااام عليك ترااا تروح بركه ما ملكت
ومن ترك شيء لله عوضه الله خيرا منه

اخوي انا حصل معي موقف قريب من موقفك

لكن وانا اخوك لاترضى تاكل او تركب حرام

عطني سعر السيارة الاجمالي...ودفعتك الاولى ...والنسبة السنوية وانا احسبها لك صح وكلنا نشوف اذا كان نصاب والا لا....

خبرة في في حساب النسبة والفوائد وصيد الوزغان وتراني ما نيب موظف بنك ولا شركة سيارات ولا شي بس اجبرتني الحياة ان اتعلمها