مركز نسائي ابي مشورتكم يا اهل الخير

عطوره · #1 (**permalink**) 10-11-2010, 07:13 PM

السلام عليكم ورحمة الله وبركاته

ابي مشورتكم العاجله يا اهل الخير والكرم

انا بودي افتح مركز نسائي بس مطلوب فيه 170 الف وانا حاليا ما عندي سيوله كافيه

والين ما اقدم على المئويه او باب رزق يكون المركز قد راح من يدي

ففكرة اني اسوي عليه قروب مع الجماعه

والسهم بالف ريال والي تبي تشارك باكثر من سهم يكون ارباحها اكثر

واعطي على كل سهم ارباح سنويه

وش رايكم بالفكره هل هي ناجحه ام لا

والي عندها فكره احسن تتحفني فيها

واذا الفكره حلوه ايش الضمانات الي اقدمها للمساهمين

والي تعرف احد سواها تقولي عن التفاصيل

والي عندها افكار للمركز تتحفني فيها

ولكم مني جزيل الشكر والامتنان

تحياتي

لينكون · #2 (**permalink**) 10-11-2010, 08:04 PM

موفقه

هآمتي فوق · #3 (**permalink**) 10-11-2010, 08:48 PM

الله ييسر امركـ ان شاء الله

ويرزقكـ من واسع فضله

عطوره · #4 (**permalink**) 10-11-2010, 10:10 PM

شـكرا لكم على سرعة تجاوبكم

بس ما ادليتم برايكم

هل الفكره حلوه والا ما تصلح

وكم تقترحون يكون حد السهم الواحد

تكفون عطوني مشورتكم

P.fragrance · #5 (**permalink**) 10-11-2010, 11:14 PM

وعليكم السلام ورحمة الله وبركاته
الله يوفقك ويرزقك ياختي
بصراحه ماعندي اي معلومه لكن فكري اولا فالمشروع ونسبة نجاحه وكم يدخل فالشهر وكم يحتاج ويعني اشياء كثيرة فكري فيها قبل ماتفكري للمبلغ حتى يكون كلشي تمام معاك ومتوقعه لكل شي
اتمنى لك من كل قلبي التوفيق والنجاح انشالله

هذا مكتوب · #6 (**permalink**) 11-11-2010, 12:21 AM

أختي الفاضلة
إن شاء الله أكون لكي من الناصحين

هي فكرة حلوة ولكن المساهمات الرسمية والغير رسمية بجميع أنواعها لاضمانات فيها
ويوجد فيها بعض من المشاكل فلو نجح مشروعك لابد من وجود البعض من المساهمين
الذين سيتهمونك في كل مرة بانك أنقصتي عليهم أو ماأعطيتيهم كامل ربح مكسب السهم وهكذا
وتدخلين معهم في دوخة في كل سنه
والامر الآخر لو قدر الله ومانجح مشروعك ستدخلين في معاناة مع مطالباتهم بالتعويض عن
خسارتهم وماعليك إلا بالأعتماد على نفسك في إيجد حلول أخرى كمثل شريك بالمناصفة
وبما إنه لايتوفر لديك أي مبلغ أتفقي مع الشريك بأن يقدم كامل مبلغ المشروع
ويأخذ نصف المبلغ الذي هو عليك يأخذه على طريقة أجزاء سنوية حتى تكملي ماعليك من هذا المبلغ
فإذا لم تجدي الشريك ماعليك سوى إنتظار باب رزق أوغيره مع البحث المستمر عن موقع آخر حتى لو فاتك
هذا الموقع الحالي فلو كتب الله لك الرزق ستجدينه حيث ماذهبتي

متمنياً لكي كل التوفيق والنجاح
وآسف جداً على ملاحظاتي لو عارضت فكرتك أو سببت لك احباط في مشروعك هذا

قحطانيه · #7 (**permalink**) 11-11-2010, 12:43 AM

الله يوفقك ،، وانا بعد مع مشكله الشراكه دوخة و صداع

طيب اذا نبي ننقاش فكره المركز النسائي ،، اولا وش مكون منه ،، بعدين المنطقة اللي انتي فيها بحاجه لمثل هذا المشروع ،، ولى زحمه مع الناس بعدين بتصير عروض اللي على عشره ،،، و انتي عندك خبره ،، وفكري وش اللي بخليك مميزه عن غيرك

الله يسهل لك كل خير و استخيري

عطوره · #8 (**permalink**) 11-11-2010, 05:11 PM

الله يوفقكم على ردودكم الي اثلجت قلبي

اخي هذا مكتوب بالعكس انت نورتني اكثر وابدا لم تحبطني فانت ادليت بالراي الصحيح

ان شاء الله ادور على ممول افضل لي

وادعوا لي بالتوفيق

شكرا شكرا لمروركم العطر