[align=center]
الهندي وما أدراك ما الهندي !
[/align]
بقلم دانيــال ،،
[align=justify]

في أحد الليالي ، كنت ضايق الصدر فإجريت مكالمة لأحد الأصدقاء القداماء لعل وعساء نتقابل ونضيع الوقت وأوسع صدري مع هذا الصديق القديم المهم أجريت المكالمة وينك يا فلان أنا والله في الشقة ، قلت أجل جهز نفسك وخلنا نتقـــابل بالمقهى الفلاني علشان نسولف يأخي ونتذكر أيام أول ، رد علي وقال قدام موعدنا بعد العشـاء علطول ، المهم سكرت الجوال وأنا مستانس قلت حلو ! أخيراً راح القئ واحد وأقعد ( أتفلسف عليه ) أخوياي كلهم كرهوني لأني دائماً أتفلسف ولحد منهم صاير يرد على جوالـه !!
المهم رحت للمقهى شوي الا والرجال جاي ومعه 2 من أصدقائه ، ارحبو يا شباب .. كيف الحال وش مسوين الخ الخ .. ، وبعدها بدأت أسئلة التحقيق والتذمر من الحالة كيف دوامك الجديد وكم راتبك و يأخي مديري كذا ويأخي ظالمينا و و و و و !! عمري ما شفت أحد من أصحابي منهم اللي يستلم فوق الـ10 ألاف ريال ومنهم اللي يستلم أقل بكثير بس سبحان الله محد لقيته مرتـاح !! كلهم يتذمرون ويشكون حالهم ولحد راضي بالمقسوم و كأنهم راح يموتون من الجوع ، المهم مالكم بالطويله زي ما ذكرت لكم قبل شوي كنا في مقهى والأجواء جداً راقية في شمال جدة و ( slow music = موسيقى هادئه ) وقريب منا جلسات كثيـرة.

واحد من أخوياء صديقي كان ( شاطح و ملقـوف ) مركز على مجموعه شباب كانو جالسين بـ الزاوية شوي الا ويصايح علينا يقول يا شباب شوفوا ( هنـووود ) أول مره أشوف هنود مجتمعين بمقهى !! يأخي وش جاب هذولي هنا ، هذولاء مكانهم الشارع ، المهم وجلس يردد كلمة أبو هنـود أبو هنـود ، جلست شوي الا والشباب اللي معي الباقين شطحو معه !! وجلسو يرددون أبو هنود ، عاد بالنسبة لي نفذ الصبر بعد ما حسيت إنهم راح يسببون لنا مشكلة. فجلست أناظر فيهم وأقول بصوت خفيف حتى لا يسمعني أحد من اللي ( ما أمون عليهم ) ويجلس يضحك علي لأن مهما قلت عن الهنود فهم ( شرذمة الشعوب ) ! أبو هنود وما أدراك.

أبو هنود هذولاء اللي تستهزئون فيهم لهم تاريخ أعمق وأعرق من تاريخنا بألف مره ، ومن لا يعرف بتاريخ حضارة أسيا القديمة بلاد الهند والسند بلاد الحكايات والمغامرات والأساطير ،هذولاء الي أنتم تستهزئون فيهم وقفوا جنباً إلى جنب في تطوير التكنلوجيا مع الأمريكان وخصوصاً في مجال البرمجيات الحاسوبية هذولاء اللي أنتو تستهزئون فيهم مالين نص الشركات الأجنبية سواء في بريطانيا أو في أمريكا أو في السعودية ! وناس مبدعين في أعمالهم منهم الدكتور والمهندس والمبرمج ومنهم علماء الفضاء ومخترعون وأثبتو جدارتهم على المستوى العالمي ( وبشكل ملحوظ ) أجبر العالم كله لأن ينظرون الى الهند ويقول ( ها أنا ذا بين شعوب ودول العالم الجديد كما كنت في الماضي القديم في المقدمة) الكل يحسب ألف حساب للهند على الصعيد السياسي والإقتصادي هذا الهندي إذا خرب جهازك توديه له يصلحه لك ، هذا الهندي هو اللي يغسل لك وينظف لك ويوصلك من مكان إلى مكان من منظف شارع ودورات مياة أعزكم الله في المراكز الى سواق إلى عامل بناء حتى وصل بناء إنه صار بيننا مزارع إلى إلى إلى ..هذا أبو هنود حمر العين إللي أنتم مستخفينه وشايفينه ما يسوى !
همس لصحابة شكل خوينا ذا منهم ! فنظر فيني واحد وشطح فجاءة وقال : ونعم يبو هنـــوود !

تحياتي ،، دانيــال ( سعودي أصلي ).
[/align]

المسلم اخو المسلم ..الهندي قد يكون عند الله احسن مني ..

سبحان الله !

باقي في ناس تفكر بالعقليات هذي

أقصد الإستهزاء بالعمال اللي لاحول لهم ولاقوة والتطاول عليهم بالتجريح ..

الحركات هذي مايسويها الا الناقص واللي يحس بفارق سلبي بينه وبين أفراد المجتمع مع الأسف ..

اشكرك اخوي دانيال وبارك الله فيك على الطرح القيم ..

سلمت يمينك

للمعلوميه نص موظفين شركة مايكروسوفت هنود


يسلمو على الموضوع

تحياتي

ويمينــك خيتـو ،، بنـدورة

الغالي علـــووش ، ماهو بس مإيكروسوفت الا وياهو إلى شركة سيسكو الشبكات إلى وإلى وإلى ..

شكـراً للفتتـكم وتعليقـكم على الموضوع ،، تحيـاتي

^

مؤسس الهوتميل هندي ومسلم اسمه صابر بيتا

الهنود متميزين في كل شي في الصناعه والتجاره والزراعه وصياغة الذهب
ولاحظ اكبر دول العالم لها شركات في الهند مثل بريطانيا وامريكا
شعب مكافح بكل ماتعنيه الكلمه مع شدة فقر شعبها
يعطيك العافيه