السلام عليكم ورحمة الله وبركاته اخواني حبيت اوضح لكم انه في تقديم في رئاسة الحرس الوطني على مدار السنة في نفس الرئاسة يعني تروح يمهم وتقدم ويعطوك رقم على حسب الشهادات في رقم جندي وجندي اول وعريف وبعدين يدقون عليك على حسب الشاغر اخوي قدم في شهر اربعة ودقو عليه وسوى كشف والدورة في 15 /10 /1428 الجاي يعني خلال اربعة شهور اتصلو فيه والله ياخوان اني ابي الاجر فيكم وفيه واحد قدم قبل اسبوع وعطوه رقم يمكن يدقو عليه بعد شهر شهرين ثلاثة الله واعلم انت ورزقك وحضك والله يوفقكم يا اخوان اتاكدو من غيري الي يعرفله احد في الرئاسة يساله ويستفسر انا ابي كل العاطلين يتوظفون وفي عيال من عندنا طلعوا اليوم الرياض يبي يقدمون ورحوا الحقوا رزقكم والله يوفقكم اخوكم خووووووووي الذيب

شكرا لك

ولكن ياليت تحدد التقديم بأي مدينة

وياشباب اللي بعيد عن مقر التقديم لا يروح لمقر الحرس الوطني إلا ان يتصل هاتفياً ويتأكد من ذلك

بالتوفيق للجميع

__________________
ومن يعمل من الصالحات وهو مؤمن فلا يخاف ظلما ولا هضما

شكرا0000

يعطيك العافيه
اعرف واحد من الشباب مقدم عليهم له تقريبا سنه وما ردو عليه الى الحين ما ادري يمكن لان شهادة الكفاءة المتوسطة
عالعموم قدموا يا شباب يوم السبت واعطونا الاخبار
بالتوفيق للجميع

جـــزآكـ آللـه خـير

آخـوي عـلـى الـخبـر

إخوي معليش ماودي أحطمكم بس هذا ما سمعت وحاولته أنا شخصيا
قدمت على التجنيد ومسكت سراء في شهر 8 وحاولت محاوله إخرى في الشرطة العسكرية الي قدام الرئاسة تماما وقالوا الارقام الحالية تكون للترقيات يعني إذا فيه رقم الناس تتوسط لترقية يعني يكون محجوز في نفس الدائرة مايروح للتجنيد وهو بادي من 1/9 إلين شهر ثلاثة على كلام ضابط في الشرطة العسكرية وحاولت في المدرسة الطبية التابعة للحرس خلف مستشفى الملك فهد وعطوني رقم وقالوا نبي نرسلة أول شي لطب الميداني ترفع للقائد وإذا جائت الموافقة ترسل إلى التجنيد لجز الرقم ويتم التعين عليه وما صار شي إلى يوم الثلاثاء مريتهم يقولون ما جت من القائد إلا الآن وهي تكون بالرفظ أو الحفظ أو الموافقة وهذا خلاصة الكلام أنا لي شهرين أحاول فيهم بس أنتم حاولوا وردولنا خبر
الله يوفقكم ويجزاء كاتب الخبر ألف صحة وعافية
أخوكم عاطل يا باطل

السلام عليكم ورحمه الله وبركاته
يا اخوان انا ما ودي احطمكم بصراحه انا ماخذ رقم بالحرس الوطني من تاريخ 16/8/1426
يعني لي سنتين دقو علي قبل سنه سويت مقابله شخصيه وقالو ندق عليك بعد شهراو شهرين
والى الان مادقو واذا رحتلهم وسالتهم قالو انتظر يجيك سراك لان الارقام على السرى
والي يبي يروح موقعهم رئاسه الحرس الوطني بالرياض مخرج 13 امام بيت الملك عبدالله بن عبدالعزيز على طريق خريص والبوابه من الخلف على ما اضن والله ماني متذكر الدور الثالث
يعطونك ورقه مراجعه وتاخذ الرقم من مكتب التجنيد الي ورا الرئاسه على نفس الشارع
والاوراق المطلوبه شهادتك وحسن السيره والسلوك وصوره من بطاقه الاحوال
هذا والله اعلم

والله ياخوان ماودي احطمكم انا واعوذبالله من كلمه انا فيه واحد عقيد في رئاسه الحرس سألته عن الموضوع وقال الملفات اللي ماسكه سرا عندنا 34الف يعني اذا حج البقر لكن الواسطه اكبر من الشهاده والله يحفظكم

الله يعطيك العافيه

تبون الصحيح عزالله انا تحطمنا وتكسرنا

بس هذي ماهي مشكله

تدون وش هي المشكله

المشكله ان ماحد درى عنا وعن تحطمنا
بس الله كريم