نصائح لـ أصحاب المشاريع

بدر البلوي · #1 (**permalink**) 19-11-2010, 10:17 PM

بسم الله الرحمن الرحيم

السلام عليكم ورحمة الله وبركاته

أما بـ ع ـد :

عندي لكم كم نصيحه وأتوقع ماحد يغفل عن الاشياء اللي بقولها .. ولآكن من باب ( فذكر ) !!

اي مشروع يحتاج لشخص قوي البديهه , وقوي الشخصيه .

عندنا كم عيب اللي نواجهه مع اعظم اصحاب المشاريع

أول شي :

يقولون : أجر المحل على العامل .

والله ياشباب انها أكبر خساره لك ولبلدك .
طيب ليش ماتقول للعامل تشتغل براتب 1000 ريال اذا عامل عادي اذا معلم 1300 فقط لاغير

مانطمع العمال ويشوفنا مساكيـن ..

صدقوني لو كل صاحب عمل جزم على العامل وقاله تبي تشتغل بالراتب حياك ماتبي الباب يفوت جمل.

ماكان هذا مصيرنا يالسعوديين ندور وظائف بـ 1500 ريال

أي مشروع قائم وعليه زحام اكيد بيكون له دخل يفوق الـ 10000 ريال

طيب بتقول العامل بيسرقني بقولك خصص كل يوم لك ساعه اجرد على العامل كل صغيره وكبيـره .

وحسسه وأكد له إنك مانت بحاجتـه .

اكبر التجار اللي الان ناجحين واصبحو من عمالقة الملايين لو سألناهم بيقولون كنا نجلس بالمحل طوال اليوم .

الاستثمار ماهو بالسهوله اللي الكل يتوقعها . لابد أن تصبر لكي تنال .

النصيحه الاخرى .

اللي عنده رأس مال كبير لايضعه كله في مشروع وآحد .. وفيه مقوله أو مثل بالاصح ( لاتضع بيضك في طبق وآحد )

يحاول يقسمه بأكثر من مشروع .. والافضل الشراكه لآنها تخفف عليك عبأ الخساره اذا عزمت عليك .

النصيحه الاخيره .

مرضاة الله في تجارتك ., ووضعه نصب عينك .. لآن الذي ليس لله لن يبارك فيه مهما كبرة ونمت .

والابتعاد عن الشبهات والسؤال عن المشروع قبل البدأ فيـه , فصدقوني الصلاه والخوف من الله

بكل صغيره وكبيره يقيك الخسائر .
وأخيرا أدعو لي ولوالدي ولجميع المسلميـن .

ووفقكم الله لما يحبه ويرضاه

أخوكم ومحبكم في الله : بدر البلوي

ملآحظه الرجاء عند النقل ذكر المصدر وعدم نزع حقوقي