[align=center]
السلام عليكم

اخواني الاعزاء . . كل عام وانتم بخير <~ مع انها شويه متأخره

قبل الحج رحت للديوان وحبيت اكتب موضوع باللي صار معي بالديوان لكن ضغط الحج والزحمه اخرتني

رحت للديوان في الرياض ولقيت شباب مجتمعين وضاربين سرااا <~ قلت ان شاء الله انهم متوظفين خخخخخخخخخخ طلعوو كلن بيسأل عن رقمه


العلم سألنا انا وكم شخص من الصيدله عن تخصص الصيدله وكم عددهم طبعا بعد ماجننا الموظف اللي شايف روحه مدري على وش <~ قسم محسسني انه وزير ماهو موظف سنترال لدرجة قلت لخويي هي خربانه خربانه اشوته برجلي وافقع وجهه واطلع حرت الوزير فيه بس خويي قال يابن الحلال اتركنا منه خلنا نسأل <~ مع اني ادري خويي وده بلعن خيره

مالكم بالطويله بعد شد وجذب اصرينا نقابل المدير ودخلنا و سألنا المدير وبصراحه اول موظف اقابله اخلاق ومحترم ويعطيك معلومه وقلنا له الصيدله وش وضعها كم توظف وكم باقي قال ابو ثلاث سنوات ونص كلهم مشيناهم مابقى الا ثلاث سنوات و سنتين ونص وسنتين <~~ هذا كلامه والله على ماقول شهيد طيب والباقين كم صيدلي على مستوى المملكه بعد ماطقطق ع الكيبورد >~ قال العدد الاجمالي ( 3764 ) طبعاً انا رقمي 3512 خخخخخخخخخخخخخ وان شاء الله انتم اخر دفعه تتوظفو لانه خلاص بعدكم مافيه تسجيل دبلوم صيدله بعد ايقاف توظيف الدبلوم الصحي من الوزير قلت طيب ماراح يفتح الديوان قبل تنفيذ القرار قال احتمال بس الاحتمال ضيئل لان عندنا زحمه ونبي نصرفكم

وهذا اللي صار معي مع اني ضارب مشوار من مكة للرياض بس عشان اسال والله يفرجها ع الجميع

أحترمااااتي
[/align]

هذا رقمك هو رقم المفاضلة ؟
وبعدين انت قلت رحت من مكه الى الرياض ليش جدة مايعطوك رقم المفاضلة

اي اخوي هذا ترتيبي

مع العلم ان تخرجي 1430

اما بخصوص ليش رحت للرياض لان جده مو وزارة فرع لها وبعدين سالتهم اكثر من مره كل مره يعطوني رقم مره ع مستوى الغربيه ومره ع مستوى المملكة وانا كان عندي شغله بالرياض فقلت حجه وحاجه اروح لهم

وعليكم السلام ورحمة الله وبركاته


العدد الاجمالي ( 3764 )


الله يكون بعونك والله يا اخوي

الله يوفقكم يارب ويفرج همومكم عاجلا غير اجل

بس عندي سؤال يعني على كلامه الديوان ماراح يفتح السنه ذي ولا احتمال يفتح ؟؟

رددو يا زملائي الصيادله

يا ليييييل مطولك ههههههههههههههه


اسأل الله لي ولكم التوفيق والصبر


وحسبي الله ونعم الوكيل

موفقين يا اخواني بإذن الله الجميع يتوظفووا

تصدقون ليتني ما عرفت المنتديات اللي تخص مثل هذي المــمواضيع






شكــــلي ابنتحر

ابو ثلاث سنوات ونصف باقي 400 ع الوزاره ماتعينوا والديوان اكثر من 900 وانا من ضمنهم
شلون يقول خلصوهم؟ للاسف يا انه يكذب عليك.. او انك ماسمعت كلامه صح..

كل التوفيق للجميع..

اخوي قناص هذا الكلام طلع من فم مدير التوظيف الدور الثاني وممكن اذا انت بالرياض تروح لهم وتسأل

وللعلم انا نزلت بعد تحت وفي سيكورتي ع الكمبيوتر يطلع رقمك كم ترتيبه سالته قال عدد الصيادله الاجمالي 3764