السلام عليكم ورحمة الله وبركاته

كل عام وانت بخير

اخوي بغيت استفسر عن رؤوس التريلات من المانيا انا حاب ابدا براسين لتحميل الاسمنت الوزن تقريبا 20 طن ويعتبر جدا قليل وش افضل نوع لهذا الغرض

وايش انواع الروس والفرق بينها ...منافيخ ....سست ....قير كهرباء ونص كهربا وعايدي ....

وايش الافضل المرسيدس او الا الفولفو

وايش رايك في تجارة الاسمنت ؟؟ مع العلم اني من جدة وناوي احمل من املج او رابغ....

وكم الدخل المتوقع ؟؟

وهل يوجد شروط عشان احمل من المصنع والا اوقف تريلتي واحمل واروح؟


انتظر اجابتك يالغالي



ملاحظة: ارجوا من الاخوة اللي ماعنده اي خلفية عدم الرد

السلام عليكم ورحمة الله وبركاته
اخوي حاكم بيزنطة انا ادري اني خاش عرض في الموضوع وبدون دعوة ولكن بغيت اصحح معلومة عندك
انا لقيت لك رد على احد الاخوان راس ماله 50 الف تقول جب من المانيا راسين تريلات
اخوي قبل كم شهر كان اليورو مقابل الريال 4.60وجبت راس تريلة مان موديل 2000 مع الشحن 65الف ريال هذا من غير عمولة المكتب 5000الاف ريال والجمارك 6500ريال
والحين اليورو في السما والدولار طايح اليورو مقابل االريال 5.20
هذا اللي حبيت افيدك فيه وهذا اللي انا متاكد منه
اما الباقي يفيدونك الاخوان
وربي يوفقك .والحركة فيها بركة .اسمنت والا غيره ان شاء الله تلقى خير

^^^

حياك الله اخوي ارحب بأي مشاركة فيها معلومة من بعيد او قريب

ردي على موضوع الاخ هو يقول راس ماله 500 الف ان كان مانيب غلطان

موضوعي هذا ابي فيه تفصيل عن الانواع المناسبة لكل شغلة

يعني منافيخ تنفع للاسمنت ؟
وانت ماشي


مداخلة رائعة وياليت تعطيني نبذة عن تجربتك في شراء التريلا تكون من الى

وكيف تحويل الفلوس وكيف تسلمها والشحن والجمرك والمدة والاجراءات

شكرا لك

اخوي حاكم بيزنطه..

انت راعي جميل علي في موضوع لي سابق اللي هو موضوع المطعم وحبيت ارد لك شيء ولااني بااكثر خبره من الاخوه المذكورين ...

انا كنت استورد من الاردن وكنت في بداياتي مااشتريها الا سست وقير عادي... ودبل تيربوا و1935

بالنسبه لدبل التربوا وال1935 فهي المرغوبه وهي الافضل حتى الان _وكلامي طبعا عن المرسيدس

اما السست والقير العادي فااكتشفت انا ماعندي سالفه فقط مجرد ان شيباننا الكبار تعودوا على السست والقير العادي ولايقبلون غيرها الابعد زمن طويل... او بعد الموديل يفرض نفسه

من خلال تجربه وجدت ان المنافيخ افضل من السست لامور كثيره سواء تحمل او قطع غيار اوحتى فك وتصليح

وجدت ايضا ان القير الكهرباء افضل من العادي لامور كثيره واهمها انك تهتم بحسساته وتهتم بتنظيفها كل فتره


خبره متواضعه من اخوك

^^^

اخوي عبدالله مابيننا جمايل وانت اخ وعزيز وان شاء الله لي زيارة للمدينة واجي اتعرف عليك واجيب معي بنتي فجر اخليها تقرط في جبهتك ترى تو يطلع لها سنون وتبي تمرنها

بس وانا اخوك لو تعطيني معلومات اكثر عن قطع الغيار ...وين الافضل المرسيدس او الفولفو لاني ناوي اشتريها من البلد الام

^^^^

طيب وش الافضل للتيدر العادي الفولفو والا المرسيدس


حبيبي خذ راحتك واسرح وامرح على كيف كيفك في هالموضوع

الاخ
حاكم بيزنطه
اخواني الاعضاء
في البدايه كل عام وانتم بخير
والله يعيده علينا وعليكم بالصحه والعافيه اعواما مديده
شوف ياعزيزي
في البدايه الافضل المرسيدس بلاشك
بالنسبه للست
ركب وانسى
المنافيخ
اريح للتريله
تقريبا نظام هيدروليك
يعني انسى المطبات
ولاكن
الاهم
ان لاتكون مشمسه ولافيها تنسيم
والمنافيخ يركبونها على القلاب 24 متر ولاهناك مشكله
بالنسبه لموضوع الاستيراد من المانيا
هناك امور كثيره يجب ان تضعها عين الاعتبار
في البدايه وقت الشراء واقتناص الفرص الذهبيه
ومراقبة سعر الصرف (اليورو)
هناك سماسره (نصابين)واغلب عروضهم ضاهرها ممكن وباطنها مستحيل
ولايخفى عليكم التريلات المسموح لها بدخول السعوديه
اخر عشر موديلات يعني من ال 2001 وانت طالع
موضوع اللاسمنت
لو تحصل عقود مع مصانع الاسمنت اوالخرسانه الجاهزه تكون ضمنت العمل بلاتوقف باذن الله
اما التحميل عن طريق المصانع وحالك حال باقي التريلات
انصحك بالسطحات الاوربيه لانها عمليه ورخيصه
موفق بإذن الله
دعواتك
رفحاوووي.

هلا بك اخوي حاكم بيزنطة
التريلة المرسيدس افضل شي القطع متوفرة والمان والفولفو طيبات بس القطع شوي غالية وبدت تتوفر الحين في السوق
انا ابغى راسين تريلة مان ومارراح استورد وربي مافيه فرق من ناحية السعر كل الفائدة راحت اصلاحات
انا بشتري من هنا على عيني وافحصها وادفع الفلوس بعدين
انا بالنسبة لي ماستفدت من الاستيراد
يا حاكم كل شي ماشي المان والمرسيدس والفولفو تصلح لوابد وسطحات وقلابات المان فيه واحد يحمل قلاب 40 طن وماشي زي الحلاوة صح ان القلاب يتعب السيارة والسطحة مريحة
بس اهم شي الاحجام وانا اخوك
المان عن تجربة 19.414 19.464 وفيه ناس شغالة على 19.403
واسال الله لك التوفيق
وانا شغلي اعلاف والحمد لله دخلها كويس ومريحتني وتريلتي عند عيني
وشكرا لك
اذا معك الفلوس توكل على الله واشتر الراس وان شاء الله تسهل امورك