السلام عليكم ورحمة الله وبركاته

احد الاخوان ارسل لي على الخاص يسألني عن طريقة استيراد جوالات من دبي وما حبيت يكون الموضوع سري او خاص وحبيت انه يكون على العام عشان الكل يستفيد

الاجراءات الرسمية ماعرفها بالضبط

اول شي تروح للسوق هنا عندنا وتشوف كم سعر الجوال الفلاني وتكلم صاحب المحل تقوله ابجيب لك كمية من دبي والمكسب يكون نسبة بينكم يعني تعطيه 20 % وتاخذ الباقي

بعد كذا تروح لدبي وخلي بالك كل مازادت الكمية كل ما قلت التكلفة وزاد الربح ...

تاخذ لك كونتير جوالات ....وترجع لعملائك وتنزل لكل واحد النوع والكمية اللي طلبها وتسوي له فاتورة

اخر كل شهر تروح تحصل فلوسك

وسلام عليك


صديق مقرب لي كان يعمل بهالطريقة قبل 5 سنين لكن غلطته انه حط جزء كبير من راس المال في سوق الاسهم وزحلطن قروشه

كان راس ماله 450الف وشهريا يدخل من 90الى 120


وله فترة يحاول فيني ادخل معه لكني متردد بينها وبين مشروع تريلات


الزكاة تحسب على اساس قيمة البضاعة اللي دخلت لك لمدة سنة

وكل واحد وشطارته في التصريف


والسلام عليكم ورحمة الله وبركاته

جزاك الله خيرا ً اخي الغالي

و ايضا ً لدي احد الاصدقاء عرض علي مشروع مشابه

و لكني مشغول جدا ً في امور تجارية اخرى

و إن تيسرت الأمور سيكون بإذن الله تعالى لكل حادث حديث


في اعتقادي ان دبي ستكون المورد الأساسي الأولي في القطع الاستهلاكية ( ربما لا يوافقني البعض )

شكرا ً و جزاك الله خيرا ً اخي الفاضل

وعليكم السلام ورحمة الله وبركاته




يعطيكـ العافيه يا حاكم ومشكور وما تقصر على الفكرهـ

الموضوع كوم وتوقيعك كوم بلحاله



بالنسبه للجوالات ياحاكم أقدر اجيب لك جوالات من الصين مثل مايجيبونها لك من دبي

المشكله اني ما اعرف الاسعار الموجوده في السعوديه

^^^^

يفداك التوقيع وصاحب التوقيع

بس عطنا اسعارك عندك....بس خل في بالك الاجهزة حق خويي فنلدية اصلية

سسلام عليكم

تعقيباااا ع كلام بعض الاخواااان

انا كنت اول بروووح لدبي لاجل جملة جوالات واستشرت بعض الاخوة هناااا:
وعطوني عدة نصااااائح::

تكلفة سسفرر+اجار شقة +اكل وشرب+مخالفة لابد منهاا هناااك

= تبحث ع فرق الهلللات هنااااا

ونصحووني بحاجة ماكنت اتوقعهااااااا

سوق الجملة بجدة بشارع فلسطين
والرياض المرسلات والبطحاااء
قسم اكسسسورات جوالات يابلاااااااش وكل شئ

البلد خيررة كثير يالغاااالي وانصحك جدة ولا الرياض

واانا رايح للرياض يوم الاثنين اللي يبي يوصيني بحاجة


>>> بالتوفيق يارب لكل واحد بالمنتدى

السلام عليكم

حبيت اشاركم الموضوع لان الاستيراد وخاصه الجوالات شغلتي من سنين


اول شي تروح للسوق هنا عندنا وتشوف كم سعر الجوال الفلاني وتكلم صاحب المحل تقوله ابجيب لك كمية من دبي والمكسب يكون نسبة بينكم يعني تعطيه 20 % وتاخذ الباقي

بالنسبه للنسبه ما تقدر تحددها في مكسبك بالجوال والسوق اللي يحددها حيث انها تعتمد على العرض والطلب
مثلا عندك جوال ان 95 والسوق غرقان منه ممكن تبيعه بمكسب بسيط قد لا يتجاوز 10 ريال


تاخذ لك كونتير جوالات ....وترجع لعملائك وتنزل لكل واحد النوع والكمية اللي طلبها وتسوي له فاتورة

اخر كل شهر تروح تحصل فلوسك


كونتير بجوالات ما تحتاج كونتير...... اكسسوارات ممكن لان الكونيتر يشيل تقريبا اكثر من 20 الف جوال لوتحسبها ممكن تطلع عليك تكلفه البضاعه اكثر من 20 مليون ريال لو حسبنا الجوال 1000 ريال
اذا كان اعتمادك على تنزيل فاتوره اجله على المحلات لمده شهر انا اعتبرها خساره قل اربع ايام او 6 ايام بالكثير وهذا المعمول به الان وممكن تبيع كاش بسعر اقل فائده خلال يوم او يومين لتدوير العمليه اكثر من ثلاث مرات بالشهر .
والسبب في البيع السريع لانها فرص ممكن ينزل جوال جديد مو موجود في السعوديه ويكون الفائده عليه مربحه جدا وانت قاعد تستنى فلوسك شهر وبعد ما يخلص الشهر يكون نزلو فائدته التجار 70 في الميه ممكن السوق محتاج نوع من الجوالات وهو فيه الحركه وانت قاعد تستنى السيوله واعتبرها نصيحه شهر مره كثيره .

وبالنسبه للصين انا كنت اشتري من الصين ولقيت صعوبه في استرجاع الجوالات وطريق الشحن مكلفه الا عن طريق الميناء وتجلس بالاشهر لو قارنها باسعار دبي ممكن ما فيه فرق في السعر

وبضاعتك تاصل خلال يومين او ثلاثه بالكثيبر
وممكن اسافر بالشهر اكثر من مره كلها ساعتين وانت في دبي ...زوانا كنت اسافر من الرياض الساعه 7 صباحا واشيك على البضاعه واعطيهم الاوراق المطلوبه والساعه 10 بتوقيت دبي وانا في المطار راجع للرياض هذي ميزت دبي

واسف على الاطاله

انتم تتكلمون عن جوالات نوكيا ولا الجوالات الصينية ؟

طيب هنا فيه وكلاء محتركين سوق الجوالات ومشهورين بضمانهم ومحلات الجوال يأخذون منهم

وإذا راح الواحد لدبي هل بجيب جوالات ارخص منهم ؟