السلام عليكم ورحمة الله وبركاته ,,,

اسمحولي ادخل بالموضوع بدون مقدمات

ياناس داخلة بمخي فكرة من وجهة نظري اشوفها جهنمية وناجحة مية بالمية

اول شي لاحد يجلس كذا ويقول ودي اسوي كذا ونفسي اسوي كذا وهو جالس بمحله

قسم بالله اتحدا واحد فيكم طرح فكرته او مشروعه هنا وقام فيها الا من رحم ربي

بس فالحين نخطط ونفكر مجرد نسلي النفس الي ودها تسوي وا وا وا بدون فعل وتقرا الردود وتشارك معهم بموضوعك وخلاص بردت الفكرة اليوم الثاني وهونت وتجي بعد اسبوع ونعيد السيناريو...؟ طيب ليش كذا

المهم ناوي على فكرة ابطبقها بس ماعندي اي خلفية عنها وابي مشاركين معي ولهم نسبة لانجح المشروع او اعطي لكل شخص حقه قبل لاينجح او يفشل المشروع عشان يتطمن بس ابي مشاركين يقومون بامور اخرى

اول حاجة اعطيني رأيك بفكرة المشروع

ثاني حاجة اعطيني عيوب وميزة المشروع واذا عندك اضافة لها تفضل

ثالث حاجة ابي الي يقول بشارك معك قدها وقدود ماودي اتعشم بناس يسحبو علي

الفكرة ياطويلين العمر والسلامة,,,,
نصور برنامج عن افكار واحلام الشعب السعودي سوائن ذكر او انثى ويذكر ليش ما تحققت وكيف ممكن تتحقق ...افهمكم اكثر مثلا الي يجي لموقع التصوير يجلس عالكرسي ويعرف بنفسه براحته ويبدء يقول فكرة مشروع او فكرة تخدم البلد مع ذكر تفاصيلها والعوائق الي يواجها وماخلته يبدء بالمشروع او الفكرة انشالله فهمتو علي وكل شخص له فرصة يتكلم ربع ساعة مثل المقابلة لما يسئله شخص ايش المشروع الي ودك تحققه وايش الي تخاف منه من فشلة وليش ماتحقق وكذا بس بدون مقدم ولاشي

هذي الفكرة بشكل عام ... وايش خلا هالفكرة تجي براسي لان لو شفت عالتلفزيون برنامج مثل كذا بيشدني بصراحه وبجلس اسسمع واستفيد ممكن فكرتة تدخل براسي واكون قادر عليها وبتم اتابع البرنامج ومأظن محد بيشده هالبرنامج لانعرض عالتلفزيون صح ولا غلطان..؟

وبيستفيد المشاهد اقل شي يسمع افكار الشعب السعودي وطموحاته

والحين نجي لمكسب المشروع نضرب عصفورين بحجر ياكثر الشعب الي يطلع ورا الكاميرا لما تجي مقابلة مع شخص بسوق مثلا او اي مكان عام تشوف العالم الي يوقفون وراه يبي يطلع عالتلفزيون والمصور يبعد الكاميرا وهو يروح وراها
وخلنا نعطي هالاشكال فرصة بالظهور عالتلفاز مقابل مبلغ مادي يجلس عالكرسي ويقول احلامه ومشاريعه<<<بتكسب من وراهمويجلس عالكرسي لمدة ربع ساعة
والشي الثاني اذا في محطة استقبلت هالبرنامج نتفق معها على نسبة تعرضه عالشاشة

وياكثر الي بيجون بموقع تصويرنا اقل شي يكسب شهرة بين جماعته واتصالات شوفوني بالقناة الفلانية بيوم كذا

وبس نجلس6ايام للتصوير كل يوم نصور 10 اشخاص والمجموع 60 شخص ونعرض الحلقه لمدة 15 يوم بقناة معينة
والحلقة لانعرضت تعرض 4 اشخاص كل يوم وكل واحد منهم له ربع ساعه يصير مجموع الحلقة ساعة كاملة والوقت الاضافي حق الاعلانات هم يتحملووه

وهذي مجرد التجربة والمكسب الي بيجلس عالكرسي يدفع 200 ريال و200 على 60 = 12000

هذي بس مجرد تجربة واذا شافو اقبال عالبرنامج القائمين عالقناة وحبو يزيدو الحلقات نزيده لهم بالحلقات الي يطلبوها واحنا علينا موقع التصوير ونجيب الي نجلسهم عالكرسي ونقدملهم الشريط مصو وجاهز وهم عليهم يعرضووه ووبس وودي بكذا شخص يمشي معي بالمشروع للنهاية مثلا واحد منهم ينسق لاصحاب القنوات عن فكرة البرنامج وقبل لانبدء بالتصوير او اي حاجة لازم نقابل مسؤل بقناة معينة ويعطينا الضوء الاخضر اننا نبدء بس اهم شي انها عجبته الفكرة وبعدها نبدء بالتصوير ونعطيه الشريط جاهز ومجهز,, بس خوفي يسرقو فكرتي وهم يطبقوها ومايحتاجونا

طبعا الي بيشارك معي نتفق على مبلغ معين نجيب فيه مصورين نستأجرهم لمدة اسبوع ونستأجر مكان عام ورايق مثل كوفي بمول رايق وزي كذا...


ابي رأيكم بكل نقطة واضافات واي شي تحبو تقوله .. والله جالس عالشاهي مع هالصبح ومخمخ وشغال تفكير وطرحت هالفكرة وابي اسمع وجهة نظركم