بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
ياشباب معاد بقى لي حلم في هذه الدنيا الا حلم قبولي في الأمنية واذا لاسمح الله ما انقبلت ما ادري وش بيصير فيني وانا الان تخصص فيزياء وان شاء الله بحول هندسة في نهاية هذا العام الدراسي يكفيني صدمات ياشباب صدمة عدم قبولي في كلية الملك عبدالله للدفاع الجوي ولكن مازال املي بالله كبير ومازال حلمي يتجدد كل يوم تجاة الكلية الأمنية وتجاه خدمة هذا الوطن المعطاء وتجاه ابناء وطني وتجاه هذا المنتدى الذي علمنا حب الخير للناس وعلمنا كيف نساعد بعضنا في نقل المعلومات المفيدة وفي الختام لايسعني القول الا جايك ياحلمي الأمنية

^^^^^^^^^^^^^^

شف وانا اخوك شد حيلك بدراستك وركز عليها

والي كاتبه الله بيصير وانا اخوك

الله يوفقك ويحققلك مرادك

تحياتي

اضربي دفوفك ..
وسلي سيوفك ..
وغطي كتوفك .. بلادي بالعلم
جاوبي الشيله ..
واعرضي الليله..
وافرحي .. لين تحسدنا الأمم
امسكي ذراع .. حبيبك فهد
ما احد مثله .. ولا مثلك احد
طاهرة رمالك ..
وعالية جبالك ..
ونعم برجالك .. قناديل الظلم
انتي الأول ..
وانتي الأجمل ..
وانتي بك مهد الرسالة والحرم ..


$$ قصيدة الأرض $$


انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض

***
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر


حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود


قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي





$$ قصيدة الله أحد $$


الله أحد.. وارضي بعد ..
ارضي تحت ظل الفهد ..
في يدنا كتاب الله .. وفي يدنا الحسام
إخوان من طاع الله .. في حرب وسلام
الله معك يا بلادي ..
حنا الوفا من طبعنا .. وعادتنا طيب وكرم
حكامنا من شعبنا .. هذا اخو وهذا ابن عم
حنا جسد فيه الفهد روح .. حنا بلد للخير نبني صروح
في يدنا كتاب الله .. وفي يدنا الحسام
إخوان من طاع الله في حرب وسلام
الله معك يا بلادي ..
لي ديرةٍ عالي السحاب .. يسكن في شم جبالها
اطهر ثرى .. وأغلى تراب .. تفخر بفعل رجالها
حنا جسد فيه الفهد روح .. حنا بلد للخير نبني صروح
في يدنا كتاب الله .. وفي يدنا الحسام
إخوان من طاع الله في حرب وسلام
الله معك يا بلادي ..

يا وطنا دام عزك شامخ والدين سيرة
.................. مارضينا غير ارضك نسكن ونعشق ثراها


انتمي لك والفخر لي شخص وارضه جزيرة
.................. من يلوم اللي يحبك ام وتغلي ضناها


يالسعودي بس اسمك لا لمع في كل ديرة
.................. والله انه تاج اكبر من على هامة سناها


شعب ودستور وأمه ترتوي من فيض خيره
.................. لا عدمنا من حكمنا ولا نسينا من بناها


من شمالك لي جنوبك كل شبر فيه غيره
.................. حاسدك ربي يعينه مادرى انه ما نساها


يحتمي بك رغم غيضه اه ياشين البصيره
.................. وين ماترحل عيونه يرجع ويذكر سماها


كل حرف لا كتبته غير اسمك استشيره
.................. وين يا كلي تمهل ارفق ولملم حلاها


ايه احبك يا بلادي دون شك ودون حيره
.................. كل عرق لا نشدته قال ينبض من غلاها


يا فديتك بالمشاعر والا روحي لك ذخيره
.................. ما تردينا من اول كيف لاجت في سواها


يحفظك رب كريم من صودايف عسيره
.................. يا منار الحق للي ضاعت حقوقه لقاها


دام ابو متعب يقودك سيري دروبك يسيره
.................. والمواطن في يمينه خط ما نبغى سواها


ايه احبك يا بلادي دون شك ودون حيره
.................. كل عرق لا نشدته قال ينبض من غلاها


يا فديتك بالمشاعر والا روحي لك ذخيره
.................. ما تردينا من اول كيف لاجت في سواها