.
.
.

صباح / مساء الخير --> كلـــــن بوقته

بحكم خبرتي في التهكير والدخول في خصوصيات الاعضاء
حبيت أسرق بعض الرسائل الخاصة من بريد الاعضاء وأطرحها أمامكم حتى نعرف خفاياهم

ونبدء في عرض رسائل الضحايا :










إستلمي الخفارة يابنت

اقتباس:

المشاركة الأصلية كتبت بواسطة تووتي صباح الخير أنيقة خلاص الحين إنتهى وقتي على المنتدى وبروح أنام إستلمي انتي الحين الواحة وانتبهي من ردود حاكم ووزير تعبوني اليوم كل شوي أحذف وأعدل في ردودهم خليك مركزة عليهم

اقتباس:

المشاركة الأصلية كتبت بواسطة أنيقة خخخخخخخخخخخخخخ أدري عنهم دوم ردودهم غريبة و فيها شوية جرأة مايحتاج روحي نامي والوآحة بإيدي آمينة وأنا لهم ولغيرهم بالمرصاد بس إصحي بدري لأن وراي روحة للجامعة

من يقول إني أصلع ! قسم ماني أصلع

اقتباس:

المشاركة الأصلية كتبت بواسطة •● هدُوء ~ صباح الخير يازيدان قريت في أحد المنتديات عن علاج للصلع وتساقط الشعر وحبيت أخبرك عنه وإذا تبغاه رد علي علشان أعطيك إسمه

اقتباس:

المشاركة الأصلية كتبت بواسطة زيدان ومن قالك إني أصلع ماأقول إلا حسبي الله على اللي شوه صورتي النقية أحس إني من جد بديت أصلع من كثرة ماتنادوني بالأصلع > يمكن أحتاج العلاج مستقبلاً الف شكر لك

حفايظ فجرعلي

اقتباس:

المشاركة الأصلية كتبت بواسطة حاكم بيزنطة كيفك يا قلب بغيت أقولك إني ناوي أنزل قصة جديدة وحبيت أخيرك بين أكثر من دور تبغى أحطك بدور خياط ملابسي ؟ وإلا القهوجي حقي ؟ وإلا وش رايك بعامل النظافة ؟ وترى هذا عرض خاص لك أنت بس وإلا غيرك أحطه بأي دور بدون ما أشاوره

اقتباس:

المشاركة الأصلية كتبت بواسطة قلب المملكة بالله هذي أدوار تحط فيه مراقب منتدى ؟ أقول إنقلع بس ياخي أختار لي دور كويس أبغى أتكشخ قدام الأعضاء وترى إذا حطيتني بدور كويس حفايظ فجر لمدة شهرين على حسابي

إلحقي ياترلة عندنا مسابقة

اقتباس:

المشاركة الأصلية كتبت بواسطة منّو صباح الروقان ياوث وث وشسمه عندنا مسابقة بالواحة تعالي وشاركينا كل الترلات موجدات نبغى نشوف صرقعتس

اقتباس:

المشاركة الأصلية كتبت بواسطة وثيقه متلحفه صباح الطرب والسهر والمسابقات يامنو الوناسة مجتمعين من وراي عندكم مسابقة ونااااااااسه يالله الحين بلم قشي وأطرد حوش بكر من عندي وأرد على كم موضوع بالكيكور وأجيكم طايرة مثل الصاروخ خخخخخخخخخخ وسهرتنا الليلة خلوها صباحي

يازين البراءة والإعتراف

اقتباس:

المشاركة الأصلية كتبت بواسطة حنين الرووح صباح الخير يافوفو خير ماعاد أشوفك تشاركينا مثل أول بالمواضيع ! عسى المانع خير نبغاك ترجعين بقوة مثل الأول حنين الرووح

اقتباس:

المشاركة الأصلية كتبت بواسطة مره فاضيه صباح الورد حنون إيه صح صرت ماعاد ارد على المواضيع أحس فيني كسل وبعدين أنا إذا دخلت على موضوع خربته وتسببت في حذفه وخصوصاً إذا كانت موجودة معي ثوثو فقلت خليني أكف شري عن المواضيع لايدعون علي أصحابها

أثاري النحاسة جت منك وأنا ما أدري

اقتباس:

المشاركة الأصلية كتبت بواسطة Mr.RęLǻҗ السلام عليكم ورحمة وبركاته كيفك ياالخال وكيف البرد معك هالايام وكيف الحلال ماشالله سوقه ماشي بالأضاحي عاد فكرت أزورك وقلت أتعشى عندك ونطلع واحد من التيوس اللي بالزريبة زكاة عن الفلوس اللي كسبتوها من بيع الحلال > يحب يعزم نفسه

اقتباس:

المشاركة الأصلية كتبت بواسطة شَغّبْ ! وعليكم السلام هلا بالبناخي طحت بإيدي والله وفضحت نفسك من يوم بعت 3 خرفان بذيك القيمة وأنا لاحقتني النحاسة الددسن خرب علي وأنا جاي محمل علف للحلال هذا غير إن عنزين ماتن بسبب مجهول غير إن حلالنا ماعاد أحدن يسومه أثاريه من عيونك يالنحس طيب إن مادفعتك قيمة ذي الخساير ماأكون ماجد

الله يرحم والديك لاتعلمين فضل

اقتباس:

المشاركة الأصلية كتبت بواسطة راعية الابل السلام عليكم ورحمة الله ياالجرح تراك من جد زودتها تراك مشرف بس باالإسم ماعمري شفتك تشيل أو تحط موضوع بقسم الشعر ترى حتى أنا وراي إلتزامات وترى كثرة غياباتك في الفترة الاخيرة والله لو ماتعتدل وتنتبه للقسم مره ثانية لأبلغ فضل وأخليه يطردك من الاشراف

اقتباس:

المشاركة الأصلية كتبت بواسطة الجرح الاليم وعليكم السلام ورحمة الله وبركاته لا الله يرحم والديك لا تبلغين فضل بغياباتي أخاف يطردني من الاشراف بعدها بيتشمتون فيني الاعضاء من بعد ماكنت مشرف ارجع عضو عادي أوعدك إني ما أغيب الا للظروف القاهرة جداً يعني لما أروح البقالة او الحلاق وبس حتى نوم ماعاد بنام وبسنتر قدام الجهاز

وإلى موعد آخر ورسائل أخرى

انت تتكلم جد ؟؟؟

يومه منك
خلاص ماني راسله رسايل خاصه اجل تتجسس علينا يامال العافيه
رجع وزير ورجع نشر الغسيل والهلس
تشكرات افندم لطفت الأجواء وصحيت الأعضاء من سباتهم

ههههههههههه

اتوقع انها توليف

قبل ما ارد عليكم أشكركم فردا فرداَ على مروركم وتشريفكم

اقتباس:

المشاركة الأصلية كتبت بواسطة مسلف بيل جيست انت تتكلم جد ؟؟؟

إيه أتكلم جد الجد ماتلاحظ إن المشرفين مايتحرشون فيني
خايفين لا أطلع المزيد من الفضايح

اقتباس:

المشاركة الأصلية كتبت بواسطة زيدان إيه ياخي شايف هالهكر كيف منزل رسايلنا الخاصه وخصوصياتنا ؟

وهذا إقرار من مشرف مهم بهالشئ

اقتباس:

المشاركة الأصلية كتبت بواسطة منّو خخخخخخخخخخخخخخخخخ الله يرج العدو ! وشلون طبيت فيذاك وانا مسكرته وناطله المفتاح في البحر الميت بعد التعديل <~ عشان فيه ناس بيصدقوّن إنك هكر أولاً : شسمة أنا أقول ياثوثو وإذا خربتهآ قلت يالزلابة ,, مااقول وث وث . ثانياً: أنا انتبه للإملاء على قد مااأقدر "موجدات" فيها خطأ املائي فادح <~ الله أكبر عاد خخخخخخخخخخخخخخخخخخ لا والله بصراحة كيذا جتني بهجة <~ بهجة ماهيب بسيطة .. لما شفتك منّزل موضوع ,, ادري بتجمع بين الذب والطقطقه والفلّة لبّى هدوء اللي على نياتهآ وتحب تساعد الجميع عآد فيه اعضاء ذكرتهم فقدنآ تواجدهم والله ,, راعية وريلاكس ,, الله يحفظهم وين ماكانوا ,, أبدعت ياوزير ,, جايبهم تمآم ميه ميه ,, فيه نآس ثآنية نتمنّى نشوفهم في الاجزاء الجايّة ,, وبحكم خبرتك في التزوير والتهكير ,, أكيد بتجيبهم صح ! الله يسعدك,, ويوسعّ صدرك قل آمين

لا هم مصدقين إنها حقيقة مابها أي تزوير
وبعدين الخط وكل شئ لك لا تنكرين
ومن قالك إن راعية وريلاكس غايبين ترى موجودين بس على خفيف
وإذا فيه ناس عندهم أسرار خطيرة بالبريد أكيد بأطلع عليها وأنزلها لكم --> عايش الدور
بس أهم شئ إنكم أقريتوا بكل شئ

اقتباس:

المشاركة الأصلية كتبت بواسطة أنيقة عآد وزير وعآدت إنبثآق الحقآئق <~ إنبثآق لآ عآد تخش بخصوصيآتنآ ! موب عشآنك وزير لك السلطة يجيك إعفآء ملكي بعدين أكثر شخصيتين عرفت لهم " Mr.RęLǻҗ " & " شغب " شآيف كيف <~ صدق المسكين يآوزير

الحمدلله وهذا اقرار آخر من المشرفة أنيقة بأن هذه حقيقة
وبعدين مثل ماقلت فوق إنكم ماتقدرون تتحرشون فيني
خوفا من المزيد من نشر الغسيل

اقتباس:

المشاركة الأصلية كتبت بواسطة مره فاضيه يومه منك خلاص ماني راسله رسايل خاصه اجل تتجسس علينا يامال العافيه رجع وزير ورجع نشر الغسيل والهلس تشكرات افندم لطفت الأجواء وصحيت الأعضاء من سباتهم

وهذا إقرار من عضوة قديمة ومن جيلي وتعرف قدراتي الخارقة في الاختراق
وبعدين لازم ترسلين رسائل خاصة كذا بيطيح سوقي في نشر الفضايح

اقتباس:

المشاركة الأصلية كتبت بواسطة طموح بلا حدودد ههههههههههه اتفاق بين المشرفين

لا المشرفين مالهم اي ذنب
هم بأنفسهم ضحايا

هههههههههههههه




وزير انت ولا مزور...؟؟؟؟


ربي يسعدك دووووووووم