ياناس ساعدوني تكفون شوفولي حل لاني يائس

آبوعبدالله · #1 (**permalink**) 23-11-2010, 06:18 AM

خلصت الدراسه من الكليه التقنية

ومافيه وظيفه تخطر على بالكم ماقدمت عليها
مافيه مدينه تخطر على بالكم مارحتها
ولكن النتيجه وحده لايوجد وظائف شاغره او نعتذر لعدم القبول

كنت مبسوط وانا في الكليه كان يجي مكافاة 990 ريال شهريا
ماكنت احتاج احد حتى الوالد والوالده كنت اعطيهم الفائض والله ماكنت اطلبهم

تخرجت ع بالي بلاقي وظيفه قدمت ع الوظائف المدنيه حسب تخصصي لان تخصصي اداره مكتبه ( سكرتاريه )
ولكن للاسف مالقيت وظيفه ونفس الشيء اقدم من السنه الي طافت على العسكريه من الحاجه
ونفس الشيء مانقبلت

فكرت افتح لي مشروع او شيء علشان تجيني فلوس لو 500 ريال في الشهر
علشان الطفره والحاجه
بس للاسف مافي ماده ماعندي فلوس والوالد مهوب موظف ولاشيء بس يجيه راتب من الضمان الاجتماعي تقريبا 1800 ريال ويالله تكفي اهلي ومصاريف البيت وكذا

قدمت على بنك التسليف قالوا ماندعم الا الي عنده مشروع يعني مسويه ويحتاج دعم
حاولت الاقي محل اول شيء اجار بس وين اجارات غاليه وماعندي راس مال حتى لو قليل علشان ابداء فيه

فكرت وفكرت وحاولت وحاولت

قلت بجرب سوق الخضار وكذا والله من ثالث يوم مسكوني البلديه قالوا ممنوع البيع على السيارات
لازم تستاجر محل او بسطه مثل مايقولون

فكرت اكد احمل ركاب وانقلهم داخل او خارج المنطقه
المهم تقريبا خمسه او سته ايام وانا احمل ركاب ومبسوط لاني بديت الاقي فلوس وكذا
الا وانمسك من دوريه وعطوني مخالفه اسمها ( تحميل ركاب ) وماسوتها مره ثانية

قلت للوالد اني ابي احمل ركاب وانتنقل من منطقه لمنطقه وهالشيء فيه دراهم وكذا
وابيه يعطيني سيارته
قالي ياولدي وشلك في وجع الراس انت تعرف الخطوط خطيره وخايفين تخرب عليك السيارة او يصير لك شيء
وتتحمل ذنب الركاب الي معاك او يمسكونه الشرطه ويعطونك مخالفه
خلك عندي وارتاح وانا ماراح اقصر معك انت اطلب وبس عيوني لك

والله ان الوالد مايقصر معي لو اطلبه عيونه مايقصر حتى امي بعد والله ماتقصر
بس والله اني تفشلت كل يوم ابي خمسه ابي عشره تفشلت
اقسم بالله اني ماصرت اطلع من اخوايي علشان الاحراج لو نبي نطلع البر او شيء مالاقي فلوس
الي لازم اطلب ابوي او امي

والله اني محتار وماني عارف وش اسوي حاس اني ضايع في بلد مهيب بلدي
ماني حاس اني سعودي او انتمي للسعودية

انا اقسم بالله شخص طموح بس ذابحتني الحاجه للفوس ماعندي شيء يساعدني علشان افتح مشروع او شيء

انا عندي شهادة من الكليه التقنيه ( جامعيه متوسطه )
وعندي ثانويه عامه
وعندي رخصه عمومي نقل ثقيل
واعرف لصيانه الكمبيوتر والبرمجه

وعلى طاري الكمبيوتر دخلت دوره الحاسب الالي كنت مجمع شوي دراهم بعد الكليه
( الرخصه الدوليه لقيادة الحاسب الالي icdl )

ودرست واختبرت ثلاثه اختبارات ونجحت فيها بقي اربعه اختبارات
يوم جيت ابغى اختبر قالوا معليش الاختبارات موقفه على مستوى المملكه
طبعا مو انا بس الي واقفه عندي عند الي مسجلين كولهم بالمملكه

والله للان منتظرين يفتحون الاختبارات علشان نحصل على الشهادات

وش اقول وش اخلي اااااااااااااااااااااه بس يالقهر جالس في البيت
اقسم بالله ماني عارف وش اسوي وش الطريقه

فاضي اربعه وعشرين ساعه ماعندي شغل والعمر يمشي
والادهى والامر من هذا اني خاطب بنت عمي لي ست سنوات وانا ماسكها من اول ثانوي تقريبا
ع بالي بتخرج والاقي وظيفه واتزوج

لاكن تخرجت وجلست في البيت وحااااائر ماني عارف ايش اسوي
اااااااااااااااااااااااااااااااااااه

يارب افرجها علي وعلى كل واحد يدور وظيفه

مسافرقهر · #2 (**permalink**) 23-11-2010, 07:34 AM

الله يفرج همك ويرزقك خل املك بالله تعالى كبير والزم الاستغفار

نآعمة كالسحآب · #3 (**permalink**) 23-11-2010, 07:48 AM

والله ضاق صدري بعد ماقريت كلامك

وضعك مزعجك وقاهرك وهذا شي واضح

اكيد انت كتبت الموضوع وحسيت انك فضفضت شوي

واكيد انك تفضفض على اصدقاائك وترتاح شوووي

لكن نفس الحاله

لكن لاتنسى اللي خلقك واللي مقدرلك رزقك

توضآ وصل ركعتين وانت ساجد فضفض له

اشتكي له قول نفس الكلام اللي كتبته هنا

لكن برجآء بيقين بثقه انه هو الوحيد القادر على نفعك

وفتح ابواب رزقه لك ....

و الدعاء ثم الدعاء ثم الدعاء

والاستغفار

وتابع وظائف منطقتك هنا بالموقع ولاتيأس قدم وقدم وقدم

وان شاء الله ربي يرزقك بالوظيفه اللي تتمناهآ

وييسرلك كل امورك واتمنى لك التوفيق

P.fragrance · #4 (**permalink**) 23-11-2010, 08:48 AM

الله يكون بعونك ياخوي ويرزقك باحلى وظيفة يارب
ليه ماتقدم عالشركات انشالله بيقبلوك وعاد تحملهم لين تجي الوظيفة انشالله

في الصميمـ · #5 (**permalink**) 23-11-2010, 09:03 AM

اقتباس:

المشاركة الأصلية كتبت بواسطة طاريك اربكني

والله ضاق صدري بعد ماقريت كلامك

وضعك مزعجك وقاهرك وهذا شي واضح

اكيد انت كتبت الموضوع وحسيت انك فضفضت شوي

واكيد انك تفضفض على اصدقاائك وترتاح شوووي

لكن نفس الحاله

لكن لاتنسى اللي خلقك واللي مقدرلك رزقك

توضآ وصل ركعتين وانت ساجد فضفض له

اشتكي له قول نفس الكلام اللي كتبته هنا

لكن برجآء بيقين بثقه انه هو الوحيد القادر على نفعك

وفتح ابواب رزقه لك ....

و الدعاء ثم الدعاء ثم الدعاء

والاستغفار

وتابع وظائف منطقتك هنا بالموقع ولاتيأس قدم وقدم وقدم

وان شاء الله ربي يرزقك بالوظيفه اللي تتمناهآ

وييسرلك كل امورك واتمنى لك التوفيق

الله يكون بعونكـ إن شاء الله