البارحة في تالي الليل محتار
مدري وش آخذ من علـــــومٍ واخلّي
من كثر همي دمعتي كنّها أنهار
باسباب فــقد أمــي دمــوعي تـهـلّي
تزوج الوالد وهو مكرم الجار
زوجة جديدة وقـــلت ذا مـنــوةٍ لــي
لكن علينا يارب ضاقت الدار
قامــت تـعــاملـــنا بحـقــدٍ وغــلــــي
تعذيبها ياربعنا سر وجهار
عجزت باوصّف عــذابٍ حـصــــــلي
باسبابها ياصحابنا ذقنا الأمرار
الـــهم لازمـني كــما وصــف ظــــلي
ياخالتي خافي ترى فيه قهّار
يجــازي اللـي فــي حيـاتــه يــزلــــي
ياخالتي وش ذنبنا توّنا صغار
وشــلـــون تعذيــبــك علــينا يـحـــلي
الظلم شينٍ ماتسويه الأبرار
راعــيــــه ضــايــع دايـماً مـايـدلّــــي
ضربك بعد لأختي تسمى بالأقدار
من جــلســةٍ بالبــيت صارت تمـــلـي
جتني تصيح ودمعها مثل الأمطار
تشكي تحسب إن الزمن صافي(ن) لي
مافي يدي حيلة ياليت الزمن دار
بـس اصبـري والـلـــــه لهمّــك يجلّـي
ياخالتي كافيك قصّاف الأعمار
وحسـاب يعــادل عن صغـيرٍ وجـلّــي
ياليت والدنا عرف كيف يختار
إن كان نجمــه صـار فــوق متعــلّـي
أخذت لي مع نظم الأشعار مشوار
لــعـلـــــه لقـــلبٍ حـزيــنٍ يـســـــلي
شرحت بعض اللي حصلّي بالأشعار
من فضــل ربــي جـالــه اليـوم حلّي

همسة في أذن كل أب

فـكـّــــــــــــــــــر مــــــ 100ـــــــرة قبـــل أن تقــدم على هـــذه الخــطـــــــــوة

جانيت