أستفسار عن وظيفه انا حالياً بها

روح الوجع · #1 (**permalink**) 24-11-2010, 01:03 AM

السلام عليكم ورحمه الله وبركاته

السموحه اذا كان ماهوب هذا القسم المناسب
لاني جديده ومابعد تعودت على المنتدى وتو هذا اول مشاركه لي

ابي نصيحه منكم اذا ممكن والي عنده خبره بهالمجال يفيدنا

انا كنت اشتغل من فتره في شركه خاصه بالاصح في مستشفى خاص
لمده تقريباً 9 اشهر
وتضررت من العمل لديهم لان صار معي انزلاق في ظهري
المهم انا قدمت لهم تقرير طبي عن حالتي الصحيه
وهم عطوني اجازه شهرين بس وقعوني على ورقه اني مالي راتب بالشهرين الي راح اخذهم اجازهم
وطبعا ماكنت استلمت راتبي تبع الشهر الي اشتغلته قبل لا اطلع اجازه المفروض
استلم راتبي في نفس اليوم الي بطلع اجازه بس مانزلوا لي راتب
المهم رحت داومت معاهم بعد الاجازه 4 ايام وطالبت براتبي الي المفروض اكون استلمته قبل لا اخد الاجازه
فقالوا ان مالي راتب لانه كله غياب واني مادوامت فيه اعتبر
على الرغم اني كنت اجيب لهم اعذار من نفس المستشفى الي اتعالج فيها
وكنت اتغيب عن الدوام يوم واحد بالاسبوع فقط
يعني في الشهر اغيب 3 مرات وبالكثير 4 مرات
وعلى الرغم اني طلبت منهم تغير وظيفتي الى وظيفه مكتبيه او وظيفه سهله
وكانوا عارفين بحالتي الصحيه بالكامل لان عندهم تقارير طبيعه
فطلعت من العمل بدون مااااقدم استقالتي بس اتصلوا علي وقلت لهم
اني خلاص ماراح اادوام معهم
والمفروض الحين اني من طلعت من العمل باقي شهرين واكمل سنتين
الحين وانا ابحث في مكتب العمل والعمال
لقيت اسمي مازال علي راس العمل
ومازال مقيد بالشركه عندهم ومكان العمل
وبعدها رحت بحثت عن التامينات طلع لي اني مسجله في التامينات لمده معينه من العمل
واني حالياً غير نشطه

اتمنى انكم اتفيدوني بحالتي هذا
لاني حابه اتقدم على وظيفه بنفس الشركه بس ماهوب نفس وظيفتي القديمه

غدا يوم آخر · #2 (**permalink**) 24-11-2010, 02:50 AM

ينقل للقسم المناسب
وان شاء الله تجدين الفائده

وشوفي كمان الرابط واطرحي فيه استفسارك عن التامينات
https://www.btalah.com/showthread.php?t=70597&page=47

msh3al · #3 (**permalink**) 24-11-2010, 04:49 AM

الله يحقق لك اللي تتمنيه

وياريت اخواننا يفيدوها

اخصائية 2007 · #4 (**permalink**) 24-11-2010, 09:05 PM

الله يعينك بس انتي كان المفروض عملتي اخلاء طرف قبل لا تنسحبي

راجو القحطاني · #5 (**permalink**) 24-11-2010, 09:41 PM

أختي الله يوفقك
لك راتب الشهر اللى قبل الإجازة المرضية
و لك راتب حتى عن الشهرين
أما الغاء أسمك من التانينات أكيد عشان يرتاحون من دفع النسبة المئوية مع أني متأكد انها قليلة
ممكن تذكري راتبك الأساسي اللى مسجل في التامينات
اما اسمك في مكتب العمل من ضمن التلاعب و السعودة الوهمية و بعلمك و ليس صدفة وجدتيه
على كل حال النظام يقول لك راتب و الخصم على الغياب حسب الأيام فقط
و لك حق تطلبين إستباعدك من مكتب العمل و ترى عارفين أنه غير نظامي
لكن ينتظرونك تطلبين منهم أخلاء طرف أو حقوق و تبداء المماطلة و الشروط و التعقييد
الحل خلي أخوك أو ابوك يخلصك منهم هؤلاء ناس لا تخاف الله
و راجعي قسم الانظمة و القوانيين في المنتدى
و شوفي موضوع نظام العمل ماذا يقول حول الإجازة و الحقوق
و يوجد نظام التامينات كذلك
و الله يوفقك

روح الوجع · #6 (**permalink**) 25-11-2010, 02:54 PM

اقتباس:

المشاركة الأصلية كتبت بواسطة غدا يوم آخر

ينقل للقسم المناسب
وان شاء الله تجدين الفائده

وشوفي كمان الرابط واطرحي فيه استفسارك عن التامينات
https://www.btalah.com/showthread.php?t=70597&page=47

يآهلا بك
انا دخلت ع الرابط ونزلت مشكلتي
سلمتي يالغلا

روح الوجع · #7 (**permalink**) 25-11-2010, 02:55 PM

اقتباس:

المشاركة الأصلية كتبت بواسطة msh3al

الله يحقق لك اللي تتمنيه

وياريت اخواننا يفيدوها

آمين يآرب العالمين

روح الوجع · #8 (**permalink**) 25-11-2010, 02:58 PM

اقتباس:

المشاركة الأصلية كتبت بواسطة اخصائية 2007

الله يعينك بس انتي كان المفروض عملتي اخلاء طرف قبل لا تنسحبي

المفروض اني اعمل اخلاء طرف
بس وقتها كانت النفسيه مب ذاك الزود
وكنت تو طالعه من فتره علاج مكثف
على كذا خليت الامور تمشي
وتو الحين الدكتور سامح لي ارجع اشتغل من جديد
عشان الاصابه بظهري
لان المفروض كنت بسوي لي عمليه بظهري
بس ربك كريم ويغير الحال

روح الوجع · #9 (**permalink**) 25-11-2010, 03:09 PM

اقتباس:

المشاركة الأصلية كتبت بواسطة راجو القحطاني

أختي الله يوفقك
لك راتب الشهر اللى قبل الإجازة المرضية
و لك راتب حتى عن الشهرين
أما الغاء أسمك من التانينات أكيد عشان يرتاحون من دفع النسبة المئوية مع أني متأكد انها قليلة
ممكن تذكري راتبك الأساسي اللى مسجل في التامينات
اما اسمك في مكتب العمل من ضمن التلاعب و السعودة الوهمية و بعلمك و ليس صدفة وجدتيه
على كل حال النظام يقول لك راتب و الخصم على الغياب حسب الأيام فقط
و لك حق تطلبين إستباعدك من مكتب العمل و ترى عارفين أنه غير نظامي
لكن ينتظرونك تطلبين منهم أخلاء طرف أو حقوق و تبداء المماطلة و الشروط و التعقييد
الحل خلي أخوك أو ابوك يخلصك منهم هؤلاء ناس لا تخاف الله
و راجعي قسم الانظمة و القوانيين في المنتدى
و شوفي موضوع نظام العمل ماذا يقول حول الإجازة و الحقوق
و يوجد نظام التامينات كذلك
و الله يوفقك

ياخوي انا بعد مارجعت طالبتهم براتب الشهر الي داومته
وحصلت لي تهزيه منهم واني اصلا اعتبر مادوامت
لان اوراقي فيها مواعيد كان للاعلاج الطبيعي والمفروض
اني اعطيهم خبر قبل لا اخد اجازه
والاوراق تبيعي كان فيها 3 مواعيد لي بالاسبوع
يعني المفروض السبت والاثنين والاربعاء
وانا اداوام االسبت لغايه الخميس
بس اغيب يوم الاثنين
لاني ماقدر اغيب 3 ايام وكان اتفاقي معاهم اني اغيب يوم واحد بس
وووافقوا على هالاساس
وجبت لهم تقرير من المستشفى ومختوم من الاداره
اني حالتي ماتسمح لي وخبرتهم اذا كان بيغيروا وظيفتي
بس هم عرضوا علي اخد اجازه شهرين
وقالوا ان راتبي بيكون حق الي راح تداوم مكاني لان الشركه مب متكلفه اني اغيب شهرين
بدون مايكون فيه حد مكاني والراتب عليها بعد
فوقعت موافقه على الشهرين
وبعد مارجعت تكلمت معهم بخصوص راتبي
قال لي ان مالي راتب اصلا لاني الشهر مادومت فيه الا يوم واحد
مع اني ربي الشاهد ماتغيب في هذاك الشهر الا تقريباُ 3 مرات
رفضوا اعطائي راتبي وقالوا مالي حق بالمطالبه فيه اصلاً

واجازتي السنويه بتكون بدون راتب
وبالاصح مالي اجازه سنويه
انا كنت استلم راتبي الاساسي 2300
التامينات كانت تقريباُ 135 او 150 ماذكر بس بهالحدود تقريباُ
اخر راتب استلمته من عندهم كان شهر 3 ربيع اول
وانا طلعت من عندهم رجب
لان راتب شهر 4 اكلوه علي ماسلموني اياه
وشهر 5 و 6 كان اجازه انا فيها
وشهر 7 داومت منه بس 4 ايام
الحين رحت قدمة على الوظيفه وطلعت نفس الوظيفه القديمه فرفضتها
لاني مابي ارجع اعيد الي صار لي من جديد
وماافكر ارجع الي وظيفتي القديمه

فاااتمنى تنصحوني شنو المفروض اعمل بحالتي هذا ؟

الله يجزاكم كل خير