ربعنا خبره بسيارات عطوك مميزات وسلبيات كل سياره وانت في الاخير تختار

على طول السنين والناس تحاول تطلع عيوب بالكامري ومازالت الاكثر مبيعا والسياره الاولى بشوارعنا .

الكامري بعيدا عن كلام انها سيارة مراهقين ولا مفحطين الخ ,

ممكن تكون مع المراهقين بكثره اوك انا مع من يقول كذا ,

بس للامانه سياره قوية وتتحمل وللكرف عز الله موتر .

اللومينا سياره تغري الواحد قبل يشتريها بس من يشتريها يتوهق كثيرة خرابات فعلا واسال اقرب ورشه وتعرف .

على العموم بين السيارتين اللي محتار بينهم الكامري وبمراحل .

والله يكتب لك اللي فيه الخير , موفق اخوي ,.

^^^
كلامك عن اللومينا صحيح وترى هي صناعة استرالية لكنها غير مطابقة للمواصفات الامريكية والحكومة الامريكية ماتدخلها البلد

بالنسبة للكامري سيارة جدا عادية واقل من عادية وسعرها مبالغ فيه بقوة وفي الاخيرانت تشتري علامة تجارية ماتشتري سيارة

لأن هالسيارة زي الابن الغير شرعي ماتدري من ابوه ومين امه

السيارة دايهاتسو وهنا مغيرين علامتها ....مواصفاتها جدا عادية من الداخل مافيه الا مكيف ومسجل فقط




لكن عندك خيارات ثانية مثلا الازيرا



اوبيروس.....سيارتي




وسعر الازيرا 2011 79

الاوبيروس 62
الكامري حقكم هذا صناعة صينية هي والكورولا ومرفعين سعرها على غير سنع

شوف الاوبيروس بعد 3 سنوات من الوكاله كيف حالتها

وشوف الكامري ولك الحكم .

الكامري نتفق انها من داخل مو فخمه كثير مع انها حلوة .

لاكن سيارة كرف بكل ماتعنيه الكلمة استراليه يابانيه امريكية المهم والعبره انها تتحمل وقوية ,

وسعرها مقارنه مع اللومينا والكابرس وباقي هالسيارات جدا معقول .

والرجال خيرنا بين سيارتين وافضلها الكامري بلا نزاع .

الاوبيروس شغالة معي زي الحلاوة واللي اعرفهم كلهم سياراتهم زي الحلاوة


فيه شي لازم تعرفه ان الكامري الجديدة جدا سيئة لابعد الحدود من ناحية استخدام وعزل

وشي اخر ان كل السيارات حقت كرف وكلها تمشي ماتقول لا

انا ما اعرف هالمصطلحات من وين تجي

حقت كرف

عملية...

اقولك ياطويل العمر من وين تجي هالمصطلحات

من الخطوط والكدادين والناس اللي هاوين سفر .

يعني لما واحد يروح لمكه ومن مكه ياخذ ركاب على الشرقيه ومن الشرقيه على حائل

وكل هالكلام بااسبوع واحد

ويستمر كذا لسنتين 3 سنين

يعرف معنى سيارة كرف . واذا تبي تتاكد روح لااقرب ورشه واسال عن السيارات اللي ببالك ويقولك افضلها واقلها خرابات

انا عن نفسي سالت بورشات ومدحو لي الكامري

وكل السيارات مثل ماقلت شغاله وزي الحلاوة وتروح وتجي حتى موديلات 80 لحد الان شغاله وتروح وتجي .

لاكن بين موتر وموتر فيه فرق وفرق كبير . وانا معك الكامري اخر موديلات قلة جودتها عن موديلات 2000 الى 2005

لاكن تظل افضل لحد الان مع السيارات اللي تقدر تقارنها فيها من حيث الاسعار

واسف اخواني على تواجدي بالموضوع اكثر من مره العذر والسموحه اخر تعليقَ .

السلام عليكم ورحمة الله وبركاته

الله يهديك ياصاحب الموضوع خليت العضو وآفي المجآفين[gdwl]و[/gdwl]حاكم بيزنطةيتهاوشون في السيارات هههـــ

وفي الاخير وش رايك تشتري [gdwl]جيب [/gdwl]