السلام عليكم اخواني

كيفكم جميعا
عندي مجموعة استفسارات
اتمنى من كل خريج من الاكاديميه الدوليه للعلوم الصحيه مايبخل علي بالمعلومات اللي عنده
الله يسعده دنيا واخره اللي بيفكني من الهم اللي انا فيه
طبعا
احد معارفي سجل بهالاكاديميه ودرس لمدة 4 فصول +فصل تطبيق بالمستشفى وانتهينا على كذآ
ابي اعرف ايش بعد هالمرحله هل تكون له شهاده من الاكاديميه ولا تكون متوقفه لحد مايختبر اختبار لا اعرف ماهو


الشي الثاني وهو شبه مرتبط بالسؤال الاول:
فيه اختبار اتوقع اختبار الهيئه او برومترك <ان شاء الله كتبته صح
هل هو الموجود في موقع نيوهورايزون ام لاء ؟متى يكون؟ قبل استلام الشهاده من الاكاديميه ولا بعدها ؟ وكم رسومه وايش هوو اساسا وهل هو ضروري للتخرج من الاكاديميه ام لا

وكمان ايش هي البطاقه اللي يستلمونها المختبرين من هالامتحان عن الشهاده احكولي عنها واعطوني معلومات عنها شوي وفايدتها

ثالثا:
ورقة اثبات التخرج قبل الامتحان اللي سبق ذكره ولا بعده؟

احنا انتهينا عند التطبيق بالمستشفى بأختصار وبعدها .؟؟؟؟!!!
ايش باقي الخطوات

هل الدراسه واتمام 4 فصول+اتمام فصل تطبيق+اجتيازاختبار برومترك في نيوهورايزون = الخلاص من الاكاديميه نهائيا واستلام وثيقة تخرج وامكانيه التقديم في الديوان

ام باقي شي في الطريق

اذا كانت اسألتي كثيره ماعندي مانع نتواصل بالايميل او على سطح القمر اهم شي ابي اجابه على تساؤلاتي ادري انها بتكون غبيه بالنسبه لكم
بس محتاجه اعرف ضرووووري جدا

وكمان سؤال مسمى وظيفة ناسخ اله
كيف اقدر احصل على دبلوم ناسخ اله بلغتين
واذا امكن تفاصيل عنه
اخر سؤال خلاص
*_*

انا بأختصر لك الجواب الشهادة ما راح تستلمها الييييييييييين تنجح باختبار الهيئه حتى لو تخرجت واخذت 5 سنوات وانت ما نجحت باختبار الهيئه ما راح تستلم الشهادة الين تجتاز الاختبار

وبعدين اذا نجحت تاخذا لشهادة وبطاقه تصنيف

وبعدين اختبار الهيئه على كل المعاهد والكليات والجامعات سوا كانت حكوميه او اهليه

والاختبار اللي بنيوهورايزن هو تابع للهيئه وفيه كاميرات مراقبه من عند الهيئه واللي بالرياض الاختبار بمقر الهيئه اللي بالسفارات

ربي يوفق :

باختصار بعد فترة الامتياز تنتظرشهادة التدريب الست شهور بعد ماتجهز عند الشئون الصحيه بيرسلوها للاكادميه وبعدين ترسلها الاكادميه للرياض عشان رقم الجلوس لاختبار البرومترك بعد مايوصل رقم جلوسك تاخذه و تروح لنيوهورايزن وتحدد موعد اختبارك وبعد اجتيازك للاختبار يعطوط ورقه تاخذها وترجع للاكادميه ويرسلوها للرياض عشان الشهاده النهائيه وعشان شهادة التصنيف والبطاقه ولمى توصل للاكادميه بيتصلون عليك تروح تاخذ ملفك كامل بكل شهايدك وتمسك الباب والوجه من الوجه ابيض

تنبيه سريع : خلك متابعهم لاتتركهم على كيفهم انشب لهم كل اسبوع حتى يخلصو اوراقك لانهم بيغثونك شوي حتى توصل لمرحلة رقم الجلوس للاختبار

واذا تاخرت اوراقك بالرياض وتقدر تطلع للرياض اطلع وخلصها بنفسك


وبكذا ياطويل العمر

فيك العاطلين زادو واحد وحياك الله بين اخوانك العاطلين

انصحكــــــــــــــــــــ يا اخوووووووووي اذا انت ناوي تدرس وبالنهاية تاخذ شهادة دبلووووووووم

مو نصيحة الا ارجوووووووووووووك لا تدرس لاأنك راح تندم كثير على السنين الي بتروح من عمرك والنهاية

بتقعد تقشر بصل اذا ناوي تدرس ادرس بكليات الغد وخذ بكالوريوس احسن لك


والله يوفقك والى الامام ...


لو ما اخاف عليك ما نصحتك .........

اخوي الحلم السعيد أنا من الاكاديمية واخذت لفة كاملة وبرنت كامل وشامل عن الاكاديمية من الرأس الكبير الذي سكن 7 سنوات بالقصيم وتوجه للرياض ..... الخ ..

وكمان لدي اثباتات عن المعلمين ..

لدي كل ماتحتاجه ولكن اذا الشباب شرحوا لك وخلصوا تمام لاتكلمني واذا انت محتاج زيادة ماعندي مانع ..

بس خبرني برسالة خاصة او بالرد هنا وانا راح ارجع بعد يومين من هالرد ..
ولكن ليش تروح للموت وتستعجل فيه ..؟؟؟


خليك بكالوريوس وريح عمرك ..

مع التوضيح في اي منطقة انت ..؟؟
البكالوريوس البكالوريوس احسن لك ..

والله الا تاكلها علقم بعدين .
خذها نصيحة من اخوك الصغير قبل لاتندم ..
أقصد اخوك الكبير .
اكبر من بيوم اعلم منك بسنة ..!!

انتظرك يالغلا ..
سواء انت او غيرك ومن يريد اي شيء عن الاكاديمية وعن اي فرع بالمملكة .

مع العلم انك تدخل اي شيء غير الاكاديمية افضل ترى .. هههههههههه

ان شاء الله فاداك الاخوان

اذا خلصت الاختبار واستلمت الوثيقه تقدر تقدم على الديوان على الانتر نت لين يفتح التسجيل

نصيحة مجرب ابعدي عن الاكاديميه والسباعي والمعهد الفني

فيه معهد اسمه سجنا هذا كويس جدا