السلام عليكم ورحمة الله وبركاته
يا اخوان عندي استفسار مهم
انا دورتي بعد عشره ايام تقريباً وحصلت لي اصابه في اسفل الركبه وتعيقني عن الهرولة وما ادري في مثل هذه الحالات ويش الاجراء الي بيكون متبع من قبل ادارة التدريب بالمركز
والي عنده علم او مشورة لا يبخل علينا برأيه
ولا يريكم الله مكروه او سوء
وفي الاخير الحمد لله على كل حال وقدر الله وما شاءالله فعل
وموفقين خير

هلا بك اخوي اول شي سلامات وما تشوف شر

بنسبه لي موضوعك انا بصراحه ما عندي خلفيه عن الأجراء لازم له

لكن انت حاول انك تعلاج نفسك قبل الدوره لانه باقي وقت بأذن الله انو كفي لي العلاج

وقدامك العافيه أن شاء الله .

اخووك .. بحر الأحساس ,,,

الله يعينك ويووفقك وان شاء الله انهااا ما تأثر على مستقبلك في الوظيفة ويجي من يفيدك

والله ياخوي اذ صار الاصابه يتعيقك عن الدوره وماتقدر تهرول انصحك لاتروح لن في اي دور يركزون على الهروله اكثر شي يعني تعالج وشوف

سلامات ما تشوف شر

الله يؤفق الجميع

هلا والله بعلاوي

شوف .. انت هرول بس لا تشد على نفسك .. وكلم مدربك بينك وبينه .. وقله انك صارت لك رضه .. وان شاء الله يكون متفهم معك
بالنسبه للهروله لا تحط في بالك انك بتلف 5 لفات من اول يوم .. ترى بياخذونكم تدريج .. يمكن اول الايام مشاه بس .. تلفون الميدان مشي .. وبعدين تلفون هروله لفه وحده وحبه حبه لين توصلون لمعدل لياقه جيد وتلفون 5 لفات بالراحه

وهم حاسبين حساب الطلاب .. بأن بعضهم بتجيه اصابه وبعضهم لياقته 0 فماراح يشدون عليكم

ولا تنسى تاخذ معك مراهم عشان تروح الرضه منك بأسرع وقت ولا تتعبك

اضغط على نفسك اول يومين ثم صلح كأن الاصابه جتك في المركز..
مثلاً تطيح قدامهم في الميدان وتتألم المهم طلع مواهب التمثيل عندهم وعش الدور
لأن الاصابه اذا حدثت داخل المركز راح تكمل الدوره بإذن الله..
ومثل ماقالوا الاخوان اول الايام بتكون بالتدريج مافيه ذاك الضغط يمديك تتصرف..

معافه وماتشوف شر

ماتشوف شر ياخوك نصيحتي روووح ترى هالزمن مافي وظايف وانشالله تقوم بسلامه